Connect with us

Ekskluzive

Zombie Soup: Intervistë me CEO-n e një prej kompanive më të suksesshme të zhvillimit të softuerit në trevat shqipfolëse

Zombie Soup: Intervistë me CEO-n e një prej kompanive më të suksesshme të zhvillimit të softuerit në trevat shqipfolëse

Zombie Soup është një kompani nga Prishtina e zhvillimit të aplikacioneve. Themeluar në 2012-ën, sot numëron më shumë se 50 punonjës.

Veprimtaria e saj është e fokusuar në zhvillimin e softuerit dhe ofrimin e shërbimeve te teknologjisë për klientë te ndryshëm, veçanërisht ne Shtetet e Bashkuara te Amerikës.

Me në fokus inteligjencën artificiale, realitetin virtual, blockchain dhe teknologjitë e Shëndetit, Zombie Soup punon me kompani lider nga mbarë bota.

Ata janë pas zhvillimit të lojës së njohur Wired Pixel.

Në këtë intervistë ekskluzive për PCWorld Albanian, Agon Avdimetaj, bashkëthemelues dhe njëkohësisht CEO i ZombieSoup hedh dritë mbi rrugëtimin, të ardhmen dhe eksperiencën e një kompanie shqiptare në tregun global.

PCWA: Si nisi aktiviteti i ZombieSoup?

Agon Avdimetaj: Zombie Soup nisi së pari në vitin 2012, kur ekipi ynë u bashkua me një ide, dhe gjeti shtëpi në Innovation Centre Kosovo. Në atë kohe, duke mos ditur shume rreth ndërmarrësisë, por vetëm duke e pasë pasion e dashuri për teknologji, ia nisëm me zhvillim të aplikacioneve mobile, veprimtari e cila atë kohe ishte shumë e re në Kosovë.

PCWA: Cili është misioni juaj?

AA: Sot, Zombie Soup është kompani e fokusuar në zhvillimin e softuerit dhe ofrimin e shërbimeve të teknologjisë për klientë të ndryshëm, veçanërisht në Shtetet e Bashkuara të Amerikës. Gjatë rrugëtimit tonë, ekipi i Zombie Soup, dhe ajo çka bejme ka evoluar. Duke filluar me aplikacione mobile, zhvillimin e softuerëve të ndryshme në tregjet specifike, zhvillimin e teknologjisë së startup-eve, etj. Me këtë evolim të ekipit dhe të kompanisë, mision i Zombie Soup është krijimi i produkteve të cilat do të na pozicionojnë jo vetëm ne si kompani, por edhe rajonin më mirë në tregun global.

PCW: Në çfarë fushash është e orientuar veprimtaria juaj dhe pse shikoni potencial tek to?

AA: Fushat kryesore të fokusit te Zombie Soup, veçanërisht dy vitet e fundit janë Inteligjenca Artificiale, Teknologjia në Shëndetësi, Realiteti Virtual dhe Teknologjia Blockchain. Në thelbin e filozofisë së Zombie Soup, është vendosur inovacioni dhe e reja, dhe me teknologjitë në të cilat jemi duke u fokusuar tani, kjo

filozofi na lejon të kuptojmë më  mirë se si mund të behet inovacion në botën e konektuar të ditës së

sotme. Me këto teknologji, jo vetëm se mund të zhvillojmë produkte më të mira dhe më të qëndrueshme, por gjithashtu na

lejojnë që të zgjidhim probleme, zgjidhja e të cilave  ishte deri sot e pamundur.

PCWA: Ku është i përqendruar aktiviteti juaj? Cila janë ato tregje që kanë përfituar nga shërbimet tuaja?

AA: Siç e ceka edhe me lartë, aktivitetet tona më së shumti janë të përqendruara në tregun e SHBA-ve.

PCWA: Sa i vështirë ka qenë depërtimi në tregun ndërkombëtar?

AA: Zombie Soup, është e angazhuar në Virtual Reality, Artificial Intelligence, Health Tech dhe Blockchain. Momentalisht punojmë me kompani lidere në këto fusha, globalisht.

Ne besojmë që mënyra më e mirë e suksesit në tregun global është në mindset; ai duhet të jetë global. Në Zombie Soup, gjithnjë tentohet niveli më i lartë i ekzekutimit, e kur ai arritet, bëhen shkallë nën të cilën nuk mund të zbresim. Kjo filozofi, gjithnjë do ti shtyjë kompanitë si Zombie Soup në nivelin tjetër, e një pikë, tregu global, bëhet – tregu.

PCWA: Cilat janë disa prej kompanive që kanë punuar me ZombieSoup?

AA: Ndër kompanitë me të cilat Zombie Soup ka bashkëpunimet më të frytshme janë Pacific Disaster Centre, Vianova Health, Touchcast, RecycleGO. Me këto kompani, ne kemi arritur që të shfrytezojmë paletën me të llojllojshme të talentit brenda Zombie Soup, por gjithashtu kemi sjelle inovacion e teknologji të reja në industritë përkatëse.

PCWA: Cilat kanë qenë sfidat?

AA: Sfidat janë të shumta në çdo biznes. Dëshira jonë të bëjmë diçka ndryshe rreth kësaj na solli edhe sfida të reja, me të cilat duhet të ballafaqoheshim. Sfida më e madhe është ikja nga zona e komfortit dhe konfrontimi me probleme të reja çdo dite; adaptimi i teknologjive të reja, mësimi nga gabimet e rritja organike e stafit.

PCWA: Çfarë qëndron në themel të suksesit tuaj?

AA: Momentalisht, Zombie Soup ka 55 anëtar. Ne si ekip, gjithnjë në thelb të kompanisë e kemi kulturën e saj; këtë edhe e konsiderojmë si faktor kryesor të suksesit tonë.

Në Zombie Soup, gjithnjë tentojmë që të kemi qasje personale e njerëzore në ekip, duke e kuptuar se zhvillimi i ekipit qëndron në balancën e lumturisë, rritjes e punës. Gjithmonë tentojmë që çdo anëtar i Zombie Soup të jetë i dëgjuar, dhe besojmë që vlera e kompanisë tonë është në problemet që i zgjedhim të gjithë së bashku, dhe në mënyrën se si e njohim njëri tjetrin, dhe si të gjithë i ndihmojmë njëri tjetrit të rritet si profesionist.

Një filozofi e tillë, na lejon të dimë se shpejtësia me të cilën rritet ekipi ynë, gjithnjë varet nga shpejtësia me të cilën rriten anëtarët e rinj; me një ekip që nuk është vetjak, gjithnjë vinë gjëra të mira!

PCWA: Cilat janë disa prej projekteve më zë të ZombieSoup?

AA: Ndër projektet më interesante definitivisht janë ato për kompanitë që i ceka edhe më lart. Këto projekte janë inovative në fushat përkatëse, dhe zgjidhin probleme në jetë të përditshme.

PCWA: Do dëshironim të flisnim pak rreth lojës shumë të vlerësuar në iOS, WiredPixel? A do të vijë në Android?

AA: Wired Pixel, ia nisi si koncept i një loje nostalgjike të cilën të gjithë e luajtëm në shkollë. Ideja mbas saj ishte që të kthehej e njëjta ndjenjë me të cilën e luanim në shkolle, të luajmë edhe sot me njerez mbanë botës e me shoqëri. Versioni në android veçse është ne Android.

Zombie Soup është ndër kompanitë më të suksesshme në trevat Shqiptare e cila është edhe eksportuesi më i madh i shërbimeve në fushën e teknologjisë në Kosovë. /PCWorld Albanian

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending