Connect with us

Ekskluzive

Tre hakerët shqiptarë që vodhën miliona dollarë: i paqartë fati i Liridon Musliut, Besart Hoxhës dhe Aldo Ymerajt

Tre hakerët shqiptarë që vodhën miliona dollarë: i paqartë fati i Liridon Musliut, Besart Hoxhës dhe Aldo Ymerajt

Në Shkurt të këtij viti FBI me urdhër të Departamentit Amerikan të Drejtësisë lëshoi urdhër arresti për 36 persona që përfundoi me mbylljen e forumit famëkeq Infraud.

Në mesin e tyre ishin edhe tre Shqiptarë, dy nga Kosova dhe një nga Shqipëria të cilët u arrestuan në vendet e tyre respektive.

Bëhet fjalë për Besart Hoxhën, Liridon Musliun në Kosovë dhe Aldo Ymerajn në Shqipëri.

Nuk dihet nëse personat janë ekstraduar në SHBA dhe e pyetur nga televizioni Koha, Ministria Kosovare e Drejtësisë refuzoi të jepte informacione.

Shqiptari Aldo Ymeraj thuhet të ketë përfituar nga ky forum afro 600 mijë dollarë ndërsa kjo nuk është asgjë krahasuar me fitimin e Liron Musliut.

Ky i fundit sipas dokumenteve të Departamentit Amerikan të Drejtësisë ka përfituar 277 milionë dollarë, pasuri e cila ruhej kryesisht në monedha kriptografike për të shmangur gjurmimin.

Infraud ishte një organizatë ndërkombëtare krimit kibernetikë e cila operoi përgjatë viteve 2010-2018.

Aktiviteti i saj ishte i përqendruar në vjedhjen e informacioneve të kartave të kreditit dhe informacioneve bankare online.

Organizata është themeluar nga Ukrainasi 34 vjeçar Svyatoslav Bondarenko. Sipas departamentit Amerikan të drejtësisë organizata kishte 10,901 përdorues të regjistruar të cilët kanë shkaktuar dëme ndaj kompanive dhe individë deri në 2.2 miliardë dollarë.

Hierarkia e organizatës ishte e ndarë në role të ndryshme si administratorë, super moderatorë, moderatorë, anëtarë VIP dhe vetëm anëtar.

Ata vinin nga 7 shtete si: Australia, Britania, Franca, Italia, Kosova, Shqipëria dhe Serbia.

Si u realizua operacioni i kapjes së tyre?

Më 2 Gusht 2017 agjentë Amerikanë të maskuar si anëtarë të forumit blenë 15 karta krediti ndërsa më 4 Gusht blenë edhe 54 të tjera.

Nga këtu nisi edhe operacioni i përbashkët mes SHBA-ve, Bashkimit Evropian, Australisë dhe disa agjencive ligjzbatuese në Azi.

31 persona u arrestuan dhe 5 të tjerë në kërkim: Sergey Medvedev, Roland Patrick N’Djimbi Tchikaya, Miroslav Kovacevic, Fredrick Thomas, Besart Hoxha, John Telusma, Jose Gamboa, David Jonathan Vargas, Liridon Musliu, Gennaro Fioretti, Edgar Andres Viloria Rojas, Aldo Ymeraj, Pius Sushil Wilson dhe Edward Lavoile.

Infraud pati një jetëgjatësi të paprecedent krahasuar me tregjet e tjera të zeza duke përdorur anonimitetin e rrjetit Tor dhe monedhën kriptografike bitcoin.

Rasti më i fundit ku u godit një rrjet i tillë është ai i AlphabBay.

Infraud filloi si një uebsajt i thjeshtë me domainet infraud.cc dhe infraud.ws dhe operonte nga një server jashtë juridiksionit të Shteteve të Bashkuara. /PCWorld Albanian

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending