Connect with us

Ekskluzive

Themeluesi i World Wide Web deklaron: Gjigandët e teknologjisë duhet të rregullohen

Themeluesi i World Wide Web deklaron: Gjigandët e teknologjisë duhet të rregullohen

Pas rasteve të shtuara të pranisë së gjuhës së urrejtjes në botën e teknologjisë, ka ardhur edhe reagimi i shkencëtarit Berners-Lee.

Shpikësi i WWW(World Wide Web),Tim Berners-Lee,duke iu drejtuar platformave të fuqishme të internetit dhe kompanive të mediave sociale, u bëri thirrje që të angazhohen në parandalimin “e armatimit në shkallë të lartë” të internetit. Shkencëtari britanik, nëpërmjet një letre të hapur, e cila u publikua në përvjetorin e 29-të të krijimit të ueb-it,u shpreh se “një grup i ri individësh” kishte shfaqur dominancën e tij duke synuar kontrollin ndaj shpërndarjes së ideve dhe mendimeve.

Pikërisht një vit më parë Berners-Lee shfaqi haptazi shqetësimin e tij për shfaqjen e tre trendeve të reja ,të cilat sipas tij duheshin adresuar në mënyrë që uebi të përmbushte qëllimet e tij.Ky reagim i Berners-Lee përmes kësaj letre të hapur shfaq haptazi problematikat që shoqërojnë botën e teknologjisë në ditët e sotme.

Berners-Lee shprehet ndër të tjera se: “Duke qenë së fuqia është e fokusuar vetëm në disa kompani, kjo e ka favorizuar këtë fenomen.

Përballja ndër vite në platformat e mediave sociale me trendin e teorive konspirative, llogaritë e rreme në Facebook dhe Twitter që nxisin tensione shoqërore,aktorë të jashtëm që ndërhyjnë në zgjedhje dhe kriminelë që vjedhin te dhënat personale të gjetura,konsiderohen si rrezik për qëllimin e uebit,si një mjet në shërbim të njerëzimit..

Kjo ndërhyrje nga ana e profesorit 62 vjeçar të MIT ,vjen si rrjedhojë e vendimit të disa prej qeverive evropiane ,të cilat i referohen legjislacionit si një mënyre për të ndaluar lajmet e rreme dhe gjuhën e urrejtjes ,e cila duket se sa vjen e bëhet më e pranishme.Ky vendim duket se ka ardhur si një zgjidhje për të shmangur cenimin e bazave demokratike të një shteti.

Reagimi ndaj fenomenit.

Ishte shteti gjerman ai që më datë 1 janari ngriti në fuqi një ligj i cili parashikon gjoba që arrijnë deri në 50 milionë euro. Më 1 Janar në Gjermani hyri në fuqi një ligj i cili parashikon gjoba që arrijnë deri në 50 milionë euro, për ato platforma interneti të cilat nuk e heqin gjuhën e urrejtjes brenda 24 orëve.

Një tjetër shtet që është përfshirë në këtë nismë është edhe Franca,ku presidenti i shtetit Emmanuel Macron ndërkohë po planifikon legjislacionin që i jep fuqi gjyqtarëve për të urdhëruar largimin e lajmeve të rreme gjatë fushatave zgjedhore.

“Prania e një rregulloreje që ka në qendër objektivat sociale ndihmon në lehtësimin por edhe zgjidhjen e këtyre problemeve-u shpreh ai.

Duke u shprehur se mënyra se si trajtohen të dhënat e përdoruesve në reklama,është vërtet shqetësuese, Berners-Lee tha se zgjidhja do të ishte vendosja e një ekuilibri mes interesave të kompanive dhe atyre të përdoruesve. Kjo do të thotë të mendosh sesi të bashkosh nxitjet e sektorit të teknologjisë me ato të përdoruesve dhe shoqërisë në përgjithësi dhe konsultimi me shtresa të ndryshme të shoqërisë. /PCWorld Albanian

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending