Connect with us

Android

Studenti i UBT-së zhvillon aplikacion për informim mbi linjat e autobusëve në Kosovë

Studenti i UBT-së zhvillon aplikacion për informim mbi linjat e autobusëve në Kosovë (Foto)

Studenti i Fakultetit të Shkencave kompjuterike dhe Inxhinierisë, Urim Haxhiu ka krijuar një aplikacion të quajtur “Autobusët Kosovë”, që do të shërbejë për informimin e qytetarëve për kohën e udhëtimit të linjave të autobusëve në gjithë Kosovën.

Momentalisht, aplikacioni ndodhet në Google Play Store dhe është funksional për tërë territorin e Kosovës, ndërkaq ideja për krijimin e tij ka ardhur duke e parë nevojën e madhe të qytetarëve për t’u informuar saktë dhe në kohë mbi të gjitha linjat e autobusëve.

“Ideja për këtë aplikacion lindi për shkak të kërkesave të mëdha sepse qytetaret shpesh nuk janë të informuar rreth orareve të udhëtimeve. Për krijimin e këtij aplikacioni kam pasur mbështetje edhe nga profesorët e UBT-së”, tregoi Urimi.

Ai shpreson se në të ardhmen të ketë bashkëpunim me të gjitha kompanitë e linjave të autobusëve, në mënyrë që udhëtarët e tyre të jenë më të informuar për kohen e udhëtimeve.

Ky aplikacion është një ndër të shumtit që Urimi ka zhvilluar përgjatë tri viteve të studimit në UBT, mirëpo ky aplikacion është njeri ndër më të suksesshmit deri tani dhe është pritur shumë mirë nga të gjithë përdoruesit.

Linku për shkarkimin e aplikacionit “Autobusët Kosovë”:

Ai shpreson se në të ardhmen të ketë bashkëpunim me të gjitha kompanitë e linjave të autobusëve, në mënyrë që udhëtarët e tyre të jenë më të informuar për kohen e udhëtimeve.

Ky aplikacion është një ndër të shumtit që Urimi ka zhvilluar përgjatë tri viteve të studimit në UBT, mirëpo ky aplikacion është njeri ndër më të suksesshmit deri tani dhe është pritur shumë mirë nga të gjithë përdoruesit.

Linku për shkarkimin e aplikacionit “Autobusët Kosovë”: Klikoni Këtu

 

Continue Reading
Click to comment

Leave a Reply

Your email address will not be published. Required fields are marked *

Android

Android 11 mund ta ketë opsionin e planifikimit të aktivizimit të dark mode

Android 11 mund ta ketë opsionin e planifikimit të aktivizimit të dark mode

Ky është një vendim i pazakontë i kompanisë, pasi që funksioni është tashmë i pranishëm në njërën nga beta buildet për Android 10. Kompania Google më pas e hoqi atë, duke i cekur problemet me interfejsin e përdoruesit.

Gjithashtu, është theksuar se llogaritja e kohës për agim/muzg mund të jetë jashtëzakonisht e vështirë, gjë që mund të çojë në një përvojë jocilësore të përdoruesit, raporton Neowin.

Tani si duket versioni i ardhshëm i Androidit më në fund do të mund ta implementojë mundësinë e aktivizimit/fikjes së Dark mode, shkruan KOHA Ditore. Google e ka rregulluar bugun në këtë pjesë të aplikacionit në Android, ndërsa funksioni është shënuar si “i disponueshëm në lansimet e ardhshme të Androidit”, gjë që me gjasë do të jetë Android 11.

Deri atëherë, përdoruesit do të duhet të mbështeten në aplikacionet eksterne, të cilat e ofrojnë një funksion të ngjashëm për telefona.

Continue Reading

Android

Gmail në Android pasurohet me Smart Compose

Gmail në Android pasurohet me Smart Compose

Plot 15 vite Google vendosi të lançonte klientin e-mail më 1 Prill. Padyshim nuk ishte shaka me rastin e 1 Prillit dhe Gmail u bë një prej produkteve më të suksesshme të Google.

Sot, për të festuar 15 vjetorin, ekipi i Gmail solli disa funksione të reja ku përfshihen Smart Compose dhe funksioni për të dërguar e-maile në një orar të paracaktuar.

Smart Compose është një prej funksioneve më intriguese të shërbimit të e-mailit dhe përpiqet të plotësojë automatikisht tekstin ndërsa ju shkruani.

Funksioni adaptohet me mënyrën sesi ju shkruani apo u përgjigjeni e-maileve. Përshembull nëse pëlqeni Hey në vend të Hi, Smart Compose do ta mësojë atë. Gjithashtu Smart Compose mund tju sugjerojë edhe subjekte e-mailesh në bazë të përmbajtjes së tyre.

Me këtë përditësim, Smart Compose tashmë është i disponueshëm tek të gjitha pajisjet Android. Google tha se më parë ka qenë i disponueshëm vetëm në Pixel. Mbështetja në iOS do të vijë së shpejti.

Smart Compose do të funksionojë me gjuhët Spanjolle, Franceze, Italiane dhe Portugeze. Një tjetër funksion që pritet të fitojë shumë vëmendje është ajo për të vendosur orare të dërgimit të e-maileve. Deri më sot duhej të përdornit një palë të tretë të integruar direkt në Gmail për të dërguar e-maile në orare të paracaktuara. /PCWorld Albanian

Continue Reading

Android

Androidi bëhet me certifikimin FIDO2 për logim pa password

Androidi bëhet me certifikimin FIDO2 për logim pa password

Androidi tani është certifikuar me FIDO2, që do të thotë se aplikacionet dhe sajtet që e mbështesin standardin në fjalë mund t’ua mundësojnë shfrytëzuesve që të logohen në to duke i përdorur gjurmët e gishtave ose çelësin fizik të sigurisë.

Që kjo të funksionojë, pajisja duhet ta ekzekutojë versionin e ri të softuerit Android 7.0 Nougat ose ndonjë version më të ri të softuerit, ndërsa aplikacioni duhet të certifikohet me FIDO. Për pajisjet që nuk kanë mundësi të verifikimit përmes gjurmëve të gishtave, mund të përdoret pini i sigurisë për logim, përcjell NDTV.

Edhe nëse përdoret versioni më i ri i Androidit, jo çdo aplikacion dhe sajt do të mundësojnë qasje përmes sensorit të gjurmëve të gishtave. Vetëm aplikacionet dhe sajtet që mbështeten në standardin WebAuth do ta mundësojnë një funksion të pandërprerë identifikimi. Disa aplikacione bankare tashmë e kanë bërë të mundur këtë ndërsa në të ardhmen priten më shumë aplikacione të mbështetura, shkruan KOHA Ditore.

FIDO Alliance njofton se zhvilluesit e uebit dhe krijuesit e aplikacioneve tani mund ta shtojnë verifikimin FIDO në aplikacionet e Android dhe sajtet e tyre nëpërmjet një API të thjeshtë. Theksohet se FIDO2 mbështetet me një siguri të fortë kriptografike, e cila mbron nga phishingu dhe sulmet përmes të dhënave të vjedhura të përdoruesve.

Continue Reading

Trending