Connect with us

Ekskluzive

Skanimi inteligjent i Galaxy S9, lehtësia e kyçjes prioritet mbi sigurinë

Skanimi inteligjent i Galaxy S9, lehtësia e kyçjes prioritet mbi sigurinë

Një vështrim më i thellë në sistemin e ri të verifikimit të Samsung- krahasuar me Face ID të iPhone X vihet re ky proces nuk ofron sigurinë e duhur për pagesat e celularëve.

Shkyçja e Galaxy S9 mund të jetë më e shpejtë – por kjo nuk do të thotë se është më i sigurtë.

Celularët më të rinj të Samsung, Galaxy S9 dhe S9 Plus, përfshijnë një tipar të ri që kompania e quan “skanimi inteligjent”. Teknologjia kombinon skanimin e irisit, i konsideruar si më i sigurt, me teknologjinë e skanimit të fytyrës që shihet si më pak i sigurt.

Kur shkyçni telefonin tuaj, së pari do të skanoni fytyrën tuaj. Nëse kjo nuk arrin të shkyçë telefonin, pajisja atëherë do të kontrollojë irisin tuaj. Nëse të dyja dështojnë, skanimi inteligjent do të përpiqet të vërtetojë identitetin tuaj duke përdorur një kombinim të të dyjave. Dhe kjo ndodh pothuajse menjëherë.

“Skanimi inteligjent përshtatet me nevojat tuaja, duke kombinuar inteligjencën e skanimit të irisit dhe njohjen e fytyrës për ta bërë atë edhe më të lehtë për ju të shkyçni telefonin tuaj në më shumë situata”, tha Justin Denison, nënkryetar i lartë i marketingut të produkteve Samsung, të dielën në eventin e Samsung gjatë “Mobile World Congress” në Barcelonë.

Problemi është se teknologjia Samsung për njohjen e fytyrës thjesht nuk është mjaftueshëm e sigurtë. Prezantimi i një mënyre më të shpejtë, por më pak të sigurtë për shkyçjen e telefonit tuaj nga Samsung nënvizon faktin se, ndërsa themi se e vlerësojmë privatësinë dhe mbrojtjen, në të shumtën e rasteve ,si zgjedhje të parë kemi lehtësinë. Identifikuesit biometrikë janë prezantuar si një opsion i sigurt – hakerët nuk mund të vjedhin kodin tuaj dhe ju nuk duhet të mbani mend asgjë – por sa i sigurt është një opsion krahasuar me një tjetër ,nuk mund të thuhet me siguri.

Sistemi i njohjes së fytyrës të Samsung përdor një aparat të rregullt për të krijuar një hartë 2D të fytyrës tuaj, në kontrast me Face ID të Apple, e cila krijon një skanim kompleks 3D të modelit tuaj të fytyrës. Njerëzit ishin në gjendje të mashtronin teknologjinë e Samsung Galaxy S8 të vitit të kaluar duke përdorur fotografi dhe vetë Samsung paralajmëroi se teknologjia mund të “përdoret vetëm për hapjen e Galaxy S8 dhe aktualisht nuk mund të përdoret për të siguruar aksesin në llogari të tjera. ”

Kjo nuk ndryshon me Galaxy S9.

Mashtrimi i skanimit inteligjent mund të bëhet lehtësisht me vendosjen e një fotoje përpara ekranit (megjithëse ne do të duhet të presim që dikush të provojë dicka të tillë për ta thënë me siguri).

“Ata duan të promovojnë një nivel të lartë sigurie, por gjithashtu edhe ta bëjnë më të lehtë dhe më efektive zhbllokimin e telefonit”, tha Andrew Blaich, një studiues në kompaninë e sigurisë celulare Lookout.

Face ID e Apple kundrejt njohjes së fytyrës të Samsung

Samsung hodhi e para në treg opsionin e zhbllokimit të celularit nëpërmjet njohjes së fytyrës dhe më pas Apple solli “Face ID” në iPhone X, por teknologjia e kompanisë së Koresë së Jugut nuk është në të njejtin nivel sigurie.

“Kjo është një fushë ku Samsung është dukshëm në disavantazh krahasuar me Apple,” tha analisti i të dhënave globale, Avi Greengart. “Apple ka investuar një sasi të madhe parash, kohë dhe shumë përpjekje për realizimin e Face ID. Megjithatë ishte kompania Samsung ajo që solli e para në treg një version të Face ID.

Face ID e Apple-it nuk bazohet në fokusimin e pjesëve të fytyrës. Në vend të kësaj, teknologjia krijon një skanim 3D duke përdorur një camera infra të kuqe, një sensor thellësie dhe një projektor pikëzues për të përcaktuar 30,000 pika të padukshme në fytyrën tuaj. Ai krijon me anë të skanimit një imazh artificial 3D, që do të thotë se nuk mund të mashtrohet me një imazh 2D sic mund të jetë një foto e printuar.

Nga ana tjetër teknologjia e njohjes së fytyrës nga Samsung, mund të mashtrohet nga imazhet statike – kjo bazuar të paktën në pajisjet më të vjetra që janë aktualisht në treg.

Përmirësimet inteligjente

Samsung përshkruan skanimin inteligjent si një zgjidhje të mirë studiuar që analizon karakteristikat e dukshme të fytyrës tënde dhe kushtet e ndriçimit përreth dhe vendos se cila metodë funksionon më mirë për të zhbllokuar telefonin tuaj.

Për shkyçjen e telefonit, ajo fillimisht skanon fytyrën tuaj dhe më pas fokusohet në iris nëse skanimi i fytyrës nuk realizohet me sukses. Nëse kushtet nuk janë të duhurat për të bërë të mundur e skanimin e fytyrës ose të irisit, atëherë skanimi inteligjent i kombinon ato për të shkyçur pajisjen tuaj. Samsung tha se siguron që ky proces ndodh me sukses në pothuajse çdo mjedis.

Ai mund të njohë përdoruesit edhe kur veshjet ose pajisjet pengojnë një pjesë të fytyrës dhe punon në kushte të cilat normalisht janë të vështira, si p.sh. dritë e dobët ose faktorë të tjerë ndriçues.

Galaxy thotë se teknologjia e irisit tek S9 është zgjeruar për të identifikuar modelet unike të irisit nga distanca më të mëdha dhe gjithashtu Samsung ka punuar për të parandaluar çdo hyrje të paautorizuar në pajisje.

Vlen të theksohet se ky skanim inteligjent nuk mund të funksionojë asesi për shërbime të rëndësishme siç janë pagesat. Për të përdorur Samsung Pay në Galaxy S9 ose S9 Plus, do të duhet të futni një PIN ose të skanoni gjurmën e gishtit ose irisit tuaj.

Si përfundim, skanimi inteligjent nuk është për të rritur sigurinë e Galaxy S9 por për t’i bërë gjërat më të lehta.” Nëse mund të kombinojnë teknika të shumëfishta për ta bërë më të shpejtë procesin e shkycjes së celularit,atëherë ky është një lajm i mirë”, tha Richard Hayton, shefi i sigurisë së teknologjisë në kompaninë Trustonic. /PCWorld Albanian

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending