Connect with us

Ekskluzive

Si të karikoni telefonin që të zgjasë bateria

Si të karikoni telefonin që të zgjasë bateria

Po, bateritë e telefonave tanë celularë nuk janë të mira sepse mezi zgjasin një ditë. Por për këtë e kemi fajin pjesërisht vetë, pasi gjatë gjithë kësaj kohe i kemi karikuar gabim.

Shumë prej nesh janë me idenë që nëse e karikojmë telefonin me periudha të shkurtra, mund t’i shkaktojë dëmtime afatgjata baterisë së tyre, ndaj është më mirë që ta karikosh kur bateria është në fund.

Në fakt, kjo është tërësisht e gabuar.

Një website i kompanisë së baterive Cadex, i quajtur Battery University shpjegon me detaje sesi bateritë prej litiumi në telefonat inteligjentë janë të ndjeshme ndaj versioneve të tyre të ‘stresit’, transmeton tvklan.al. Dhe si njerëzit, stresi i tepruar mund të dëmtojë jetëgjatësinë e tyre.

Nëse dëshironi që ta mbani baterinë e telefonit tuaj në gjendje sa më të mirë dhe ta përdorni atë për një ditë të tërë pa u shqetësuar që do të mbarojë, duhet të ndryshoni disa zakone.

Mos e lini në karikim një moment që bateria është plot

Sipas Battery University, lënia e telefonit në karikim gjatë gjithë kohës pasi është plot, siç ndodh zakonisht natën, e dëmton baterinë në terma afatgjatë.

Një moment që telefoni ka arritur 100 përqind të karikimit, ai merr “impulse energjie” në mënyrë që të vazhdojë ta mbajë baterinë të mbushur 100 përqind. Kjo bën që bateria të jetë në mënyrë konstante në gjendje të lartë stresi dhe tensioni, duke i shkaktuar në vetvete dëmtim.

Në fakt ekspertët këshillojnë që të mos e karikoni asnjëherë 100 përqind telefonin.

Të paktën kur nuk e keni të nevojshme. Sipas Battery University, bateritë që prodhohen sot nuk kanë nevojë që të jenë të mbushura tërësisht, sepse voltazhi i lartë e streson baterinë dhe e dobëson në terma afatgjatë.

Karikojeni sa më shumë të mundeni dhe nëse është e nevojshme vendoseni herë pas here në karikim, por mos e lini asnjëherë të mbushet deri në fund.

Karikojeni telefonin sa herë të mundeni

Mesa duket bateritë e telefonave tanë janë më të ‘lumtura’ kur i karikojmë herë pas here gjatë ditës, e jo kur i lemë në prizë për një kohë të gjatë.

Karikimi i telefonit kur të ketë humbur 10 për qind të baterisë është më e këshillueshmja. Sigurisht kjo mund të jetë diçka jo shumë praktike për një pjesë të madhe të njerëzve, ndaj dhe këshilla më e mirë është që ta karikoni sa herë keni mundësinë.

Kjo jo vetëm që do t’i japë mundësinë baterisë që të zgjasë më shumë, por në vetvete do ta mbajë plot gjatë gjithë ditës.

Mbajeni në temperatura të ulëta

Bateritë e telefonave inteligjentë janë shumë të ndjeshme ndaj të nxehtit, ndaj dhe vetë prodhuesit e tyre këshillojnë që kur e shihni se pajisja është nxehur më shumë sa duhet, të hiqni kasën. Nëse jeni jashtë në diell mbulojeni telefonin, në këtë mënyrë do të mbroni jetëgjatësinë e baterisë.

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending