Connect with us

Ekskluzive

Shqipëria renditet një nga vendet me shpejtësinë e internetit mobil më të lartë në botë

Shqipëria renditet një nga vendet me shpejtësinë e internetit mobil më të lartë në botë

Duke u bazuar në rankimin e SpeedTest Global Index shihet qartë që vendi ynë renditet ne vendin e 25 për shpejtësinë e internetit mobil, duke lënë pas vende mjaft të zhvilluara si Italia, Finlanda, Gjermania, SHBA etj.

Rrjedhimisht ky rezultat të bën të mendosh se kompanitë e telefonisë celulare në vend kanë një performancë shumë të mirë për sa i përket ofrimit të shërbimit të internetit për përdoruesit me akses broadband 3G/4G. Shpejtësia e shkarkimit në Shqipëri nga shërbimi i internetit në celular shkon deri në 35.90 Mbps dhe shpejtësia e ngarkimit deri në 12.78 Mbps, duke kaluar mbi nivelin mesatar në botë që është 23.57 për shkarkim dhe 9.35 për ngarkim.

E kundërta ndodh me shërbimin e internetit fiks broandband ku Shqipëria renditet në vendin e 94 me një shpejtësi shkarkimi 14.52 Mbps dhe shpejtësi ngarkimi 8.42 Mbps kur mesatarja globale është respektivisht 45.48 Mbps dhe 22.18 Mbps.

Këto renditje të bëjnë të mendosh që përdorimi i celularit në Shqipëri është shumë i lartë dhe rrjedhimisht edhe përdorimi i internetit. Nga raporti i fundit i publikuar nga AKEP (Autoriteti i Komunikimeve Elektronike dhe Postare) vihet re se për periudhën 2013-2017 ka patur një rritje të ndjeshme të përdorimit të shërbimeve të aksesit broabdand si në numër përdoruesish të këtyre shërbimeve ashtu edhe në volumin e të dhënave.

Në vitet 2016-2017 vihet re një rritje e ndjeshme e trafikut hyrës kombëtar në rrjetet celulare (efekti i masës rregulluese të mos-diskriminimit në thirrjet on-net/off-net) dhe përdorimit të shërbimeve të aksesit broadband (efekti i fillimit të ofrimit të shërbimeve 4G).

Numri i përdoruesve aktivë te aksesit broadband celular ka rritje vetëm me 65% në 2013-2017 por volumi i të dhënave është rritur më shumë se 18 herë gjatë kësaj periudhe. Rritje të ndjeshme këta tregues kanë patur edhe në vitin 2017 krahasuar me vitin 2016, ku numri i përdoruesve të sherbimeve 3G/4G është rritur me 20%, ndërsa volumi i të dhënave është dyfishuar.

Numri i përdoruesve celularë që kanë përdorur të paktën njëherë aksesin broadband gjatë vitit 2017 ishte rreth 3.3 milionë krahasuar me 2.7 milionë gjatë vitit 2016, që përbën një rritje me 22%. Numri i përdoruesve aktivë (përdorim 3 muajt e fundit) të shërbimeve me akses broadband nga rrjetet celulare (3G/4G nga aparatet celulare dhe me karta USB/modem) në vitin 2017 ishte rreth 2 milionë apo 20% rritje krahasuar me rreth 1.7 milionë në vitin 2015.

Përdorimi i aksesit broadband nga rrjetet 3G/4G nëpërmjet aparateve celulare përbën rreth 94% të totalit të përdoruesve të këtij shërbimi. Rritja e numrit të përdoruesve të aksesit broadband nga rrjetet celulare 3G/4G në vitet e fundit është shoqëruar dhe me rritjen e volumit të të dhënave të transmetuara në rrjetet celulare, si dhe në përdorimin mesatar për përdorues të të dhënave.

Në vitin 2017 ritmi i rritjes së trafikut të të dhënave në rrjetet celulare u ngadalësua në 72%, por kjo vjen pas normave të rritjes 103-148% në 2014-2016. Në periudhën 2013-2017 volumi i trafikut të të dhënave në rrjetet celulare është rritur më shumë se 18 herë.

Megjithëse shërbimet e telefonisë nga rrjetet fikse kanë pasur reduktim të ndjeshëm në 5 vitet e fundit, shërbimet e aksesit broadband nga rrjete fikse kanë pasur rritje të qëndrueshme vjetore gjatë kësaj periudhe kohore. Numri pajtimtarëve me akses broadband fiks në fund të vitit 2017 arriti në rreth 294 mijë, që përbën një rritje me rreth 10.5% në krahasim me vitin 2016. Në vitin 2017 norma e penetrimit të aksesit broadband nga rrjete fikse ishte 37.2% për familje dhe 10.4% për popullsi. Megjithëse numri i pajtimtarëve me akses broadband është në rritje të qëndrueshme, normat e penetrimit janë shumë më të ulëta se ne vendet e BE dhe të rajonit.

Vlen për tu theksuar se tarifat e përdorimit të internetit mobil janë ulur në krahasim me vitet e kaluara, por përsëri mbeten të larta duke marrë parasysh kostot mesatare të jetesës në Shqipëri. E njëjta gjë ndodh edhe me shërbimin e telefonisë fikse ku kostoja e përdorimit është mjaft e lartë dhe rrjedhimisht individët apo familjarët zgjedhin shpejtësinë më të ulët. /PCWorld Albanian

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending