Connect with us

Ekskluzive

Samsung Zgjeron Linjën Premium të Makinave Larëse

Samsung Electronics Co., Ltd. njoftoi sot futjen e risisë së makinave larëse me teknologjinë revolucionare QuickDrive™. Duke iu përgjigjur kërkesave të konsumatorëve, Samsung ka prodhuar lavatriçe që punojnë me performancë dhe shpejtësi më të lartë. Domethënë, makinat e reja larëse krahasuar me modelet e mëparshme Samsung, janë deri në 35 për qind më të shpejta dhe do të ekspozohen në CES Consumer Electronics Show në Las Vegas nga 9 deri në 12 janar 2018.

Milenianët janë duke blerë shtëpi dhe banesa më shumë se kurrë ndonjëherë dhe për këtë grup blerësish dixhital, është shumë e rëndësishme sigurimi i pajisjeve shtëpiake që përfshijnë teknologji kuptimplote dhe të personalizuara për të përmirësuar jetën e tyre. Teknologjia e re QuickDrive™ është më e reja në linjën e produktit, duke përfshirë lavatriçe me presion të lartë activewash™, lavatriçe të përparme AddWash™ dhe komplete FlexWash + FlexDry, që përbëhen nga lavatriçe dhe tharëse.

“Kur keni shumë rroba për të larë, ju doni ta bëni këtë sa më shpejt dhe me efikasitet”, tha Shane Higby, zëvendëspresidente e departamentit të marketingut pranë Samsung Electronics America. – “Futja e një makine larje të re me QuickDrive™ thekson angazhimin tonë për t’u ofruar klientëve zgjidhje më të shpejtë për problemin e papastërtisë dhe për të pasur më shumë kohë për gjërat që janë me të vërtetë të rëndësishme për ta.”

Karakteristikat inovative të lavatriçes së re bazohen në teknologjinë QuickDrive™ dhe një kazan kryesore të madh dhe panelin e pasëm që lëviz në mënyrë të pavarur. Kjo krijon një veprim dinamik që i lëviz rroba në katër drejtime – lart e poshtë dhe majtas dhe djathtas – për të larguar papastërtitë në mënyrë të shpejtë, butësisht dhe tërësisht për të ofruar një cikël intensiv dhe të plotë të larjes që merr 35 për qind më pak kohë se lavatriçet të tjera të Samsung. Përveç kësaj, makina larëse ka aftësinë të përputhet me një tharëse të përshtatshme, duke u bërë ato ideale për hapësira të vogla.

Lavatriçja e re është e gatshme të lidhet me internetin dhe është në përputhje me ekosistemin SmartThings të Samsung. Asistenti i tij Q-rator ka aftësi inteligjente që thjeshtojë ciklin e larjes me karakteristika intuitive:

  • Udhëzuesi për larjen jep rekomandime automatike për cikle optimale të larjes bazuar në ngjyrën, llojin e copës dhe shkallën e ndotjes të përcaktuara nga përdoruesi.
  • Planifikuesi i larjes u mundëson konsumatorëve të menaxhojnë kohën e përfundimit të larjes së rrobave, duke përshtatur cilësimet e ciklit në përputhje me rrethanat.
  • Programi HomeCare Wizard monitoron lavatriçen, njofton në mënyrë proaktive përdoruesit për problemet e mundshme dhe siguron ndihmë të shpejt për zgjidhjen e problemeve.

Për më shumë informacion rreth Pajisjeve Elektroshtëpiake Samsung, ju lutemi vizitoni www.samsung.com/al.

Rreth Samsung Electronics Co, Ltd
Samsung frymëzon botën dhe modelon të ardhmen me ide dhe teknologji transformuese. Kompania po ripërcakton botën e TV-ve, telefonëve inteligjentë, pajisjeve që vishen, tabletëve, pajisjeve dixhitale, sistemeve të rrjetit dhe memorjes, sistemit të zgjidhjeve LSI dhe LED. Për të rejat më të fundit, lutemi vizitoni redaksinë e lajmeve Samsung në news.samsung.com.

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending