Connect with us

Android

Samsung prezanton Samsung Galaxy Tab A e ri (8.0”)

Samsung prezanton Samsung Galaxy Tab A e ri (8.0”), një tablet i dizenjuar për t’u përdorur çdo ditë nga e gjithë familja

Tableti i zgjuar me një dizajn të përmirësuar, jetëgjatësi më të lartë të baterisë.

Samsung Electronics Co., Ltd. njoftoi sot një shtesë të re në portofolin e tabletëve Galaxy, Galaxy Tab A (8.0”), një tablet i dizenjuar për t’u përdorur çdo ditë nga e gjithë familja. Galaxy Tab A bazohet mbi trashëgiminë e dizenjimit Galaxy, ka një pamje të përmirësuar, trup të lëmuar metalik dhe skaje të rrumbullakëta, duke e bërë atë më të përshtatshëm për t’u mbajtur. Tableti ofron bateri me jetëgjatësi më të lartë, ekran që duket mirë në çdo lloj drite dhe memorie të zgjeruar duke shtuar hapësirë të jashtme.

“Në Samsung, ne vazhdojmë të punojmë drejt inovacionit kuptimplotë që kënaq klientët tanë dhe plotëson nevojat e tyre unike,” tha Sangsuk Roh, zëvendës-president i Strategjisë së Produkteve Tablet, të Mobile Communications Business pranë Samsung Electronics. “Tab Galaxy A është projektuar si për prindërit edhe për fëmijët. Ky tablet është shumë i përshtatshëm për ta përdorur në çdo ambjent, qoftë edhe kur jemi të shtrirë në kolltuk, me jetëgjatësi të lartë të baterisë që zgjat gjatë gjithë ditës për të gjithë familjen.”

Përformancë e lartë për argëtim të pandërprerë

Për të përmirësuar përdorshmërinë dhe përformancën e përditshme, Galaxy Tab A është i pajisur me një ekran të ndritshëm dhe të përshtatshëm për të parë shfaqjet televizive të preferuara në të gjitha drejtimet, duke luajtur lojra ose duke shfletuar web-in në një ekran që duket shumë mirë edhe nën rrezet e diellit. Gjithashtu, ka një filtër opsional blu për të balancuar ndriçimin dhe për të zvogëluar tendosjen e syve, duke e bërë më të lehtë shikimin e përmbajtjes gjatë natës edhe nën ndriçimin e zbehtë.

Bateria me jetëgjatësi të lartë (5,000mAh) e Galaxy Tab A lejon përdoruesit të shikojnë filma, të luajnë lojra, të dërgojnë email-e dhe më shumë, të gjitha me një karikim të vetëm që zgjat deri në 14 orë.1 Me 16 GB memorie të integruar dhe memorie të zgjeruar (deri në 256 GB2) për skedarë shtesë, Galaxy Tab A i lejon përdoruesit të ruajnë më shumë aplikacione dhe përmbajtje, qoftë në shtëpi ose kur janë në lëvizje.

Karakteristika të favorshme për të përfituar e gjithë familja

Jeta e përditshme familjare mund të jetë plot ngarkesa, kështu që Galaxy Tab A përpiqet të shtojë lehtësi me funksionalitetin Home Mode, i cili mund të konfigurohet për të shfaqur deri në tre lloje ekranesh, duke siguruar një shikim të shpejtë në informacione si ora, kalendari i familjes, moti ose fotot ndërsa pajisja është duke u karikuar. Secili anëtar i familjes mund të ketë aksesin e vet me Multi User Mode për të ruajtur në mënyrë të sigurtë cilësimet dhe aplikacionet e tyre të preferuara. Me Parental Controls, prindërit mund të vendosin kufizime në përdorimin dhe përshtatjen e përmbajtjes në dispozicion për të krijuar një ambient argëtimi dhe të sigurtë për përdoruesit më të vegjël. Gjithashtu, përdoruesit mund t’i shikojnë lehtësisht aplikacionet dhe përmbajtjet e tyre të preferuara në ekranet personalë të Bixby3 Home.

Galaxy Tab A realizon fotografi të mahnitshme edhe në kushtet me dritë të ulët me kamerën e përparme 5MP F2.2 dhe të pasme 8MP F1.9, si dhe është i pajisur me një blic të ri për foto më të qarta dhe më të ndritshme. Asnjëherë mos humbisni një tjetër moment të paharrueshëm me ndërfaqen e përmirësuar dhe intuitive të kamerës Galaxy Tab A, duke e bërë më të lehtë se kurrë që të kapni fotografi të shkëlqyera nga çdo kënd dhe të kaloni mes tonaliteteve të ndryshme të kamerës dhe videos.

Më shumë përmbajtje për të argëtuar të gjithë familjen

I krijuar për të gjithë familjen, Galaxy Tab A vjen me një zgjerim të mediave argëtuese dhe përmbajtjes për fëmijët:

Modaliteti Kids Mode përmban lojra, video dhe përmbajtje emocionuese nga partnerët duke përfshirë 5.000 video dhe lojra nga grupi LEGO, si dhe një rrjet social me temë LEGO® Life me përmbajtje ekskluzive të stikerave. Galaxy Tab A gjithashtu vjen me një aplikacion ri të kodimit që quhet Crocro Adventure; me të cilin, fëmijët do të jenë në gjendje të mësojnë rreth kodimit dhe programimit përmes lojrave argëtuese që u mundësojnë aftësi të vlefshme të të menduarit logjik. Kids Mode tashmë përmban gjithashtu opsionet e Value Pack në mënyrë që përdoruesit mund të shkarkojnë aplikacione shumë popullore si LEGO® Batman: Beyond Gotham, LEGO® Ninjago: Shadow of Ronin, Toca Hair Salon 3 dhe BRIO World – Railway pa asnjë kosto4.
I optimizuar për lojra me Game Launcher, Galaxy Tab A ofron një ndërfaqe të shtuar të përdoruesit dhe përvojë të personalizuar të lojrave me më shumë mjete për të luajtur, si dhe një funksionalitet për parandalimin e thirrjeve dhe njoftimeve, në mënyrë që përdoruesit të mos kenë shpërqëndrime kur janë duke luajtur.
Galaxy Tab A ofron argëtim për të gjithë me tre muaj provë falas të YouTube Red5. YouTube Red siguron një eksperiencë pa ndërprerje nga reklamat, mundësi Offline Mode për të parë dhe shkarkuar video dhe aksesim në përmbajtje ekskluzive, siç janë Filmat dhe seritë në YouTube Red Original.
Në kohë për sezonin e festave, tableti Galaxy Tab A i ri do të jetë i disponueshëm në tregjet e përzgjedhura dhe ofrohet në modelet Wi-Fi ose LTE në ngjyrë të Zezë, Silver dhe Gold. Për më shumë informacion rreth Galaxy Tab A (8.0”), vizitoni http://www.samsungmobilepress.com, news.samsung.com/galaxy ose www.samsung.com.

Continue Reading
Click to comment

Leave a Reply

Your email address will not be published. Required fields are marked *

Android

Android 11 mund ta ketë opsionin e planifikimit të aktivizimit të dark mode

Android 11 mund ta ketë opsionin e planifikimit të aktivizimit të dark mode

Ky është një vendim i pazakontë i kompanisë, pasi që funksioni është tashmë i pranishëm në njërën nga beta buildet për Android 10. Kompania Google më pas e hoqi atë, duke i cekur problemet me interfejsin e përdoruesit.

Gjithashtu, është theksuar se llogaritja e kohës për agim/muzg mund të jetë jashtëzakonisht e vështirë, gjë që mund të çojë në një përvojë jocilësore të përdoruesit, raporton Neowin.

Tani si duket versioni i ardhshëm i Androidit më në fund do të mund ta implementojë mundësinë e aktivizimit/fikjes së Dark mode, shkruan KOHA Ditore. Google e ka rregulluar bugun në këtë pjesë të aplikacionit në Android, ndërsa funksioni është shënuar si “i disponueshëm në lansimet e ardhshme të Androidit”, gjë që me gjasë do të jetë Android 11.

Deri atëherë, përdoruesit do të duhet të mbështeten në aplikacionet eksterne, të cilat e ofrojnë një funksion të ngjashëm për telefona.

Continue Reading

Android

Gmail në Android pasurohet me Smart Compose

Gmail në Android pasurohet me Smart Compose

Plot 15 vite Google vendosi të lançonte klientin e-mail më 1 Prill. Padyshim nuk ishte shaka me rastin e 1 Prillit dhe Gmail u bë një prej produkteve më të suksesshme të Google.

Sot, për të festuar 15 vjetorin, ekipi i Gmail solli disa funksione të reja ku përfshihen Smart Compose dhe funksioni për të dërguar e-maile në një orar të paracaktuar.

Smart Compose është një prej funksioneve më intriguese të shërbimit të e-mailit dhe përpiqet të plotësojë automatikisht tekstin ndërsa ju shkruani.

Funksioni adaptohet me mënyrën sesi ju shkruani apo u përgjigjeni e-maileve. Përshembull nëse pëlqeni Hey në vend të Hi, Smart Compose do ta mësojë atë. Gjithashtu Smart Compose mund tju sugjerojë edhe subjekte e-mailesh në bazë të përmbajtjes së tyre.

Me këtë përditësim, Smart Compose tashmë është i disponueshëm tek të gjitha pajisjet Android. Google tha se më parë ka qenë i disponueshëm vetëm në Pixel. Mbështetja në iOS do të vijë së shpejti.

Smart Compose do të funksionojë me gjuhët Spanjolle, Franceze, Italiane dhe Portugeze. Një tjetër funksion që pritet të fitojë shumë vëmendje është ajo për të vendosur orare të dërgimit të e-maileve. Deri më sot duhej të përdornit një palë të tretë të integruar direkt në Gmail për të dërguar e-maile në orare të paracaktuara. /PCWorld Albanian

Continue Reading

Android

Androidi bëhet me certifikimin FIDO2 për logim pa password

Androidi bëhet me certifikimin FIDO2 për logim pa password

Androidi tani është certifikuar me FIDO2, që do të thotë se aplikacionet dhe sajtet që e mbështesin standardin në fjalë mund t’ua mundësojnë shfrytëzuesve që të logohen në to duke i përdorur gjurmët e gishtave ose çelësin fizik të sigurisë.

Që kjo të funksionojë, pajisja duhet ta ekzekutojë versionin e ri të softuerit Android 7.0 Nougat ose ndonjë version më të ri të softuerit, ndërsa aplikacioni duhet të certifikohet me FIDO. Për pajisjet që nuk kanë mundësi të verifikimit përmes gjurmëve të gishtave, mund të përdoret pini i sigurisë për logim, përcjell NDTV.

Edhe nëse përdoret versioni më i ri i Androidit, jo çdo aplikacion dhe sajt do të mundësojnë qasje përmes sensorit të gjurmëve të gishtave. Vetëm aplikacionet dhe sajtet që mbështeten në standardin WebAuth do ta mundësojnë një funksion të pandërprerë identifikimi. Disa aplikacione bankare tashmë e kanë bërë të mundur këtë ndërsa në të ardhmen priten më shumë aplikacione të mbështetura, shkruan KOHA Ditore.

FIDO Alliance njofton se zhvilluesit e uebit dhe krijuesit e aplikacioneve tani mund ta shtojnë verifikimin FIDO në aplikacionet e Android dhe sajtet e tyre nëpërmjet një API të thjeshtë. Theksohet se FIDO2 mbështetet me një siguri të fortë kriptografike, e cila mbron nga phishingu dhe sulmet përmes të dhënave të vjedhura të përdoruesve.

Continue Reading

Trending