Connect with us

Ekskluzive

Samsung dhe Disney Krijojnë Emojit Magjike për Galaxy S9 e S9+

Personazhet e dashura të Disney sillen në jetë me Samsung Galaxy S9 dhe S9+

Seul, Kore – 16 Mars 2018 – Samsung Electronics Co., Ltd. dhe Disney po sjellin në jetë personazhet aq shumë të dashura të Disney si Emoji AR për Galaxy S9 dhe Galaxy S9+. Duke filluar që sot, përdoruesit e Galaxy S9 dhe Galaxy S9+ do të kenë mundësinë të përdorin personazhet klasike të Disney – Mickey Mouse dhe Minnie Mouse – direkt nga telefoni i tyre për të krijuar mesazhe të personalizuara. Për herë të parë, këto personazhe po vijnë në jetë në një realitet të shtuar për komunikim dhe mesazhe. Personazhe nga filmat e preferuar të Disney përfshirë The Incredibles, Zootopia dhe Frozen do të shfaqen gjatë gjithë vitit.

“Duke zgjeruar personazhet dhe historitë në platforma të reja dixhitale, ne po krijojmë përvojat e përditshme të Disney kudo që shkon audienca jonë dhe jemi në gjendje të tërheqim brezat e rinj,” tha John Love, Zëvendës President pranë Disney Consumer Products dhe Interactive Media. “Emojit AR të Disney ofrojnë një qasje inovative për përmbajtjen në smartphone Galaxy S9 dhe S9+ dhe një mënyrë argëtuese për të sjellë magjinë në mesazhe”.

“Me më shumë se 6 miliardë Emoji të dërguar çdo ditë, qëllimi ynë për zhvillimin e Emoji ishte të siguronim një mënyrë zbavitëse dhe emocionuese për të komunikuar dhe një mënyrë të re për të sjellë imazhe të animuara në jetë,” tha Younghee Lee, CMO dhe Zëvendës-President Ekzekutiv pranë Samsung Electronics. “Ne e dinim se nuk kishte partner më të mirë për t’u bashkuar se sa Disney – krijuesi i disa prej personazheve më të dashur në histori – për të bërë Emojit tona AR fytyrat më të lumtura në tokë dhe t’u japim përdoruesve tanë qasje në personazhet më të njohura për t’i ndarë me miqtë e tyre në platforma të ndryshme.” Duke filluar nga data 16 Mars, përdoruesit me smartphone Galaxy S9 dhe S9+ mund të shkarkojnë personazhe Disney nga modaliteti AR Emoji në kamerën e tyre.

Duke u lançuar së bashku me Galaxy S9 dhe S9+, Emojit AR u lejojnë përdoruesve të krijojnë mesazhe të personalizuara për t’i dërguar tek miqtë. Emojit AR përdorin teknologjitë “deep learning” dhe njohjen e fytyrës për të bashkuar më shumë se 100 tipare të fytyrës për të prodhuar një kopje 3D, duke u mundësuar përdoruesve të krijojnë mesazhe argëtuese dhe të personalizuara për t’ua dërguar miqve të tyre. Emojit AR ofrojnë 18 stickera duke përdorur formatin standard AGIF, në mënyrë që të mund të ndahen lehtësisht me këdo, pavarësisht se çfarë lloj smartphoni kanë. Kur përdoruesit gjejnë një Emoji AR që e pëlqejnë, ata mund ta ruajnë atë në “Always On Display”, në mënyrë që të mund ta shijojnë sa herë që shohin në telefonin e tyre.

Rreth Samsung Electronics Co, Ltd

Samsung frymëzon botën dhe modelon të ardhmen me ide dhe teknologji transformuese. Kompania po ripërcakton botën e TV-ve, telefonëve inteligjentë, pajisjeve që vishen, tabletëve, pajisjeve dixhitale, sistemeve të rrjetit dhe memorjes, sistemit të zgjidhjeve LSI, fonderi dhe zgjidhjeve LED. Për të rejat më të fundit, lutemi vizitoni redaksinë e lajmeve Samsung në http://news.samsung.com.

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending