Connect with us

Ekskluzive

Rikuperimi i gjatë dhe i ngadaltë i Kosovës

Rikuperimi i gjatë dhe i ngadaltë i Kosovës

The Economist

Në 1991 Armend Malazogu u hodh nga një kamion ushtrie. Vetëm 18 vjeç, shqiptari nga Kosova po i shpëtonte dërgimit të tij në luftën mes Serbisë dhe Kroacisë.

Luftërat civile Jugosllave ishin vetëm fillimi dhe pas disa vitesh ato u portuan edhe në Kosovë.

Sot, 18 vite pas përfundimit të luftës dhe 10 vite nga shpallja e pavarësisë, realiteti i Kosovës është një peizazh i zymtë.

Papunësia është në shifra 33% dhe GDP-ja për person është vetëm 3,660 dollarë, një prej më të ulëtave në rajon.

Malazogu, sot një prej sipërmarrësve më të suksesshëm Kosovarë, historia është më e zymtë sesa shifrat lënë të kuptojmë.

Zyrtarët shtetërorë thonë se ekonomia e vendit të tyre po mbahet peng nga mos njohja e pavarësisë nga Serbia e cila kërcënon me bllokimin e investitorëve të huaj që duan të vinë në Kosovë.

Rusia ka vënë veton në Kombet e Bashkuara kundër anëtarësimit të Kosovës, ndërsa pesë anëtarë të BE-së nuk e njohin pavarësinë e saj.

Sipas Malazogu e gjitha kjo është një justifikim për dështimet e qeverisë. Presioni i jashtëm nuk ka penguar properitetin e kompanive të tij IT dhe e tillë është Frutomaina.

Në pesë vitet e fundit Frutomaina është rritur me 60% në vit. Që nga 2016-ta një marrëveshje me BE-në ka hapur mundësi të reja.

Në një fabrikë të vogël në kodrat e Kravaricës, makineritë e kompanisë së tij vijojnë punën. Shishet sillen rreth linjës së prodhimit, etiketat u ngjiten më pas dhe një kamion për tu mbushur i pret jashtë i cili do të shkojë në Hungari.

Frutomania ka lidhur kontrata me mijëra prodhues të vegjël frutash në Kosovë dhe Shqipëri, të cilët deri dje i shisnin produktet e tyre në rrugë.

Problemet më të mëdha për Malazogun vinë nga më shumë nga Kosova sesa mos anëtarësimi në Kombet e Bashkuara.

Ai është i detyruar të importojë shishe, tapa dhe etiketa sepse Kosova nuk i prodhon dot dhe qeveria nuk ka bërë asgjë në këtë drejtim për të inkurajuar prodhues vendas potencialë.

Dhe shqiptarët e Kosovës janë të vetmi Evropianë të cilët nuk mund të udhëtojnë pa viza në vendet e BE-së.

Gjirafa, një kompani interneti, është një prej historive të reja të suksesit në Kosovë. Është ndër kompanitë e pakta që ka marrë financime të huaja.

Të ardhurat janë dhjetëfishuar çdo vit në tre vitet e fundit. Suksesi i saj vjen nga mbyllja e hendeqeve që lënë gjigantët botëror të kërkimit në internet.

Algoritmet e motorit të kërkimit të Gjirafa janë dizajnuar për të gjurmuar faqet shqiptare. Madje ofron një ekuivalent të Youtube dhe Netflix.

Në një rajon ku mungon prezenca e Amazon dhe Alibaba, në Dhjetor zgjeroi me sukses aktivitetin e saj në tregtinë online.

Mërgim Cahani, CEO i kompanisë, thotë se edhe firmat më të vogla shqiptare mund të shesin produktet e tyre në Kosovë, Shqipëri dhe Maqedoni.

Gjirafa do ti dërgojë për ta. Në sytë e Ballkanit Perëndimor, ky është një revolucion në biznes.

Edukimi është një tjetër ngërç. Sistemi arsimor në Kosovë është in-efektiv thotë Vllaznim Xhiha, një tjetër sipërmarrës i cili ndërtoi perandorinë e tij në Zvicër.

Ai ka vendosur të mos presë qeverinë për ta modernizuar sistemin. Xhiha ka hapur disa qendra me të cilat inkurajon qindra të rinj të mësojnë rreth teknologjisë.

Kosova ka disa statistika për tu përgëzuar. Ekonomia e saj është rritur me 3.5% vitin e kaluar. Remitancat nga diaspora janë një burim jetese për shumë, megjithatë ato ndikojnë edhe për keq në ekonomi.

Pse të punosh për 360 euro në muaj nëse dikush mund ti dërgojë ato? Mesë gjysma e shqiptarëve të Kosovës ëndërrojnë largimin nga vendi.

Por z. Xhiha thotë se realiteti është më keq sesa duket në pamje të parë. /PCWorld Albanian

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending