Connect with us

Ekskluzive

Pse IPKO po shqyrton largimin nga Kosova?

Pse IPKO po shqyrton largimin nga Kosova?

IPKO njëra ndër kompanitë më të mëdha të telekomunikacionit në Kosovë po e shqyrton mundësinë e largimit nga Kosova. Drejtori i kësaj kompanie Robert Erzin, ditë më parë i kishte dërguar një letër kryeministrit të vendit, Ramush Haradinaj, ku i kishte treguar disa prej arsyeve për largimin Ipko-s nga Kosova.
“Unë po ju shkruaj në cilësinë e Drejtorit të Përgjithshëm të IPKO-s, me qëllim që t’ju informojë si kryeministër i sapozgjedhur për keq menaxhimin e mjedisit të komunikimeve elektronike në Kosovë nga institucionet tuaja, në veçanti për keq menaxhim nga Autoriteti Rregullativ për Komunikime Elektronike dhe Postare (ARKEP)”, thuhet në letrën e Erzin, që mbanë datën 11 tetor 2017 të cilën e pat siguruar Insajderi.

Duke folur për Insajderin, ka folur mbi problemet dhe sfidat e shumta mbi të cilat po has IPKO në Kosovë, sipas tij, për shkak të mjedisit të pa përshtatshëm biznesor.

Erzin ka thënë se edhe pse Ipko është investitori më i madh i huaj në Kosovë, dhe se kjo kompani e telekomunikacionit në Kosovë po përballet me shumë sfida për shkak të pengesave të shumta, të vëna nga Autoriteti Rregullativ i Komunikimeve Elektronike dhe Postare (ARKEP) si dhe aplikimi i gabuar i Ligjit për Prokurimin Publik në Kosovë.

“IPKO është investitori më i madh i huaj në Kosovë, duke ndikuar kështu në rritjen e përgjithshme ekonomike të vendit. Megjithëkëtë, IPKO vazhdon të përballet me sfida të shumta për shkak të mjedisit të papërshtatshëm biznesor. Kjo për shkak të pengesave të shumta, të vëna nga ARKEP-i si dhe aplikimi i gabuar i Ligjit për Prokurimin Publik në Kosovë (KRPP) dhe Organi Shqyrtues i Prokurimit (OSHP)”, ka thënë Erzin për Insajderin.

Erzin tha se janë dy arsye kryesore: Pagesa vjetore e rregullatorit në Kosovë është shumë e lartë dhe pagesat për blerjen e frekuencave.

Të dyja këto sipas Erzin janë shumë të larta.

Problemi i parë i cili po e nxitë Ipko-n të shqyrtojë mundësinë e largimit sipas Erzin është se Ipko-ja paguan për frekuencat 1,5 milionë, përderisa Telekomi i Sllovenisë paguan gjysmë milioni euro më pak për trefish më shumë frekuenca.

Sipas tij draftin të cilin e ka publikuar ARKEP çmimet janë zbritur në mënyrë sipërfaqësore sepse në rajon dhe Slloveni çmimet janë 6 deri ne 11 herë më të ulta se ato që ARKEP ka publikuar në draft Rregulloren.

“Pagesa vjetore e rregullatorit në Kosovë është shumë më e lartë për segmentin e mbikëqyrjes së frekuencave. IPKO-ja paguan për frekuencat 2x30MHz (60MHz), 1,5 milionë Euro, përderisa Telekomi i Sllovenisë paguan gjysmë milioni më pak për trefish më shumë frekuenca, 2×105 MHz (210MHz). ARKEP tash ka hapur për konsultime pagesat vjetore të mbikëqyrjes së frekuencave. Nga drafti i publikuar vërehet se çmimet janë zbritur vetëm në mënyrë sipërfaqësore, derisa në rajon dhe Slloveni çmimet janë 6 deri ne 11 herë më të ulta se ato që ARKEP ka publikuar në draft Rregulloren”, ka thënë Erzin për Insajderin.

Ai gjithashtu tha se Pagesat për blerjen frekuencave me rastin e alokimit të tyre, janë po ashtu shumë të larta dhe bëri të ditur se çmimi për 2x15MHz i brezit 1800MHz për 15 vjet në Kosovë është 20 milionë euro, përderisa në Maqedoni operatoret paguajnë vetëm nga 10.3 për 2x10Mhz në 800Mhz dhe 2×15 në brezin 1800Mhz, për një vlefshmëri prej 20 vjetësh.

“Pagesat për blerjen frekuencave me rastin e alokimit të tyre, janë po ashtu shumë të larta. Çmimi për 2x15MHz i brezit 1800MHz për 15 vjet në Kosovë është 20 milionë euro, përderisa në vitin 2014 në Maqedoni, të tre operatorët së bashku kanë paguar gjithsej 30.9 milionë euro, gjegjësisht secili operator ka paguar nga 10.3 milionë euro për 2x10Mhz në 800Mhz dhe 2×15 në brezin 1800Mhz, për një vlefshmëri prej 20 vjetësh”, është shprehur ai.

Erzin tha se Ipko është duke u përballur me pengesa serioze nga dy trupa rregullativ: Komisioni Rregullativ i Prokurimit Publik dhe Organi shqyrtues i Prokurimit dhe si pasojë e kësaj të gjitha autoritetet publike të nënshkruajnë marrëveshje për shërbime telekomunikuese vetëm me Telekomin e Kosovës.

“Ndërsa sa i përket aplikimit të gabuar të Ligjit për Prokurimin publik në Kosovë nga Komisioni Rregullativ i Prokurimit Publik (KRPP) dhe Organi Shqyrtues i Prokurimit (OSHP), IPKO është duke u përballur me pengesa shumë serioze nga këta dy trupa rregullativ, duke rezultuar që të gjitha autoritetet publike të nënshkruajnë marrëveshje për shërbime telekomunikuese vetëm me Telekomin e Kosovës. Kjo po bëhet me interpretimin se Telekomi i Kosovës është institucion publik dhe jo kompani publike, siç në fakt është. Bazuar në këtë përkufizim, dhe aplikim të gabuar të nenit 9.4 të Ligjit të Prokurimit, KRPP është duke anuluar të gjitha tenderët që hapen nga komunat, kompanitë publike, ministritë, të cilat fitohen nga IPKO, duke i urdhëruar të njëjtat që të lidhin direkt marrëveshje me Telekomin e Kosovës, pa i përfillur obligimet që dalin nga Ligji i Prokurimit në Kosovë”, ka thënë ai.

Erzin tha se IPKO ka investuar në infrastrukturën mobile e fikse deri në 300 milion, kjo sipas tij ka efekt në investimet në infrastrukturën mobile të Kosovës.

Ai tha se njerëzit e kësaj kompanie e kanë përsëritur tek të gjitha instancat mbi kushtet rregullative në Kosovë, të cilat aspak nuk janë të përshtatshme për operatorët mobil.

IPKO-ja deri më tani ka investuar në infrastrukturë më shumë se 300 milionë euro në tërë infrastrukturën mobile e fikse dhe do të vazhdojë të investojë. Por më duhet ta ritheksoj se nëse kushtet nuk ndryshohen në mënyrë drastike, atëherë kjo do të ketë efekt në investimet në infrastrukturën mobile në Kosovë, pasi ne si operatorë do na duhet të optimizojmë investimet tona ndryshe. Për tre (3) vjet radhazi, IPKO-ja e ka përsëritur tek të gjitha instancat se kushtet rregullative në Kosovë, nuk janë të përshtatshme për operatorët mobil. IPKO-ja vazhdimisht i ka adresuar këto çështje tek të gjitha organet shtetërore dhe autoritetet përkatëse, pa e përjashtuar asnjërën prej tyre, ka përfunduar ai. / Insajderi.com

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending