Connect with us

Ekskluzive

Prezantohet portali gjeografik i Tiranës me të dhëna të hapura

Prezantohet portali gjeografik i Tiranës me të dhëna të hapura

Bashkia e Tiranës, bashkia më e madhe në Shqipëri, ka dhuruar të dhëna gjeografike për OpenStreetMap duke përdorur licensë të hapur. Pas disa komunikimeve me kontribues lokalë dhe ndërkombëtarë të komunitetit OpenStreetMap dhe duke u bazuar në memorandumin e bashkëpunimit i cili u firmos në 2017 midis Bashkisë së Tiranës dhe Open Labs Albania, të dhënat e dhuruara filluan të hidhen gradualisht në OpenstreetMap duke përdorur gjeoportalin geoportal.openlabs.cc. Të dhënat e disponueshme përfshijnë ndërtesa, lartësitë e ndërtesave, rrugët dhe emrat e tyre dhe do të ndihmojnë komunitetin lokal OSM të kontribuojë akoma më shumë në platformën OpenStreetMap.

Rreth OpenStreetMap
OSM është një projekt bashkëpunues virtual për të krijuar hartën e lirë dhe të editueshme të botës. Krijimi dhe rritja e OSM-së është motivuar nga kufizimet në përdorimin ose disponueshmëria e informacionit të hartës në shumë pjesë të botës, dhe shpikjes së pajisjeve të lira portabël të nagivimit satelitor. OSM konsiderohet një shembull i spikatur i informacionit gjeografik vullnetar dhe publikon të gjitha të dhënat e tij në një licencë me kod të hapur.

Teknologjia e përdorur
Gjatë muajve të fundit anëtarë të komunitetit Open Labs kanë rishikuar me kujdes të dhënat e dhuruara dhe ka filluar të shtojë informacionin në OSM duke përdorur gjeoportalin, një vegël e zhvilluar nga Jonathan Beliën, anëtar bordi i OSM Belgium dhe anëtar aktiv i Open Labs hackerspace. Gjeoportali u zhvillua duke përdorur software me kod-burim të hapur si MapServerdhe Apache. Aktualisht geoportal.openlabs.cc siguron një shërbim WMS dhe një shërbim TMS që mundëson shfaqjen e rrugëve dhe ndërtesave me të dhëna nga Bashkia e Tiranës. Këto shërbime mund të përdoren në iD Editor ose JOSM. Vlen për tu theksuar dhe kontributi i Besfort Gurit, haktivist dhe anëtar i FLOSSK Kosova, i cili me dijet e tij ndihmoi në procesin e donacionit të të dhënave nga Bashkia e Tiranës.

Joni Baboçi, Drejtor i Përgjithshëm i Planifikimit dhe Zhvillimit të Territorit, theksoi se “Puna e bërë nga Bashkia si pjesë e hulumtimit, analizës dhe mbledhjes se të dhënave për Planin e ri të Përgjithshëm TR030 janë asete të rëndësishme publike. Është e arsyeshme që ato të shpërndahen në OpenStreetMap apo çdo entitet tjetër me burim të hapur me qëllim që këto të dhëna – puna për mbledhjen e të cilave është paguar nga qytetarët dhe taksapaguesit – ti shërbejnë sa në mirë qytetarëve në çdo formë apo metodë që ata e shohin të arsyeshme. Vlerësojmë bashkëpunimin dhe mbështetjen e vazhdueshme të komunitetit Open Labs për t’a bërë këtë ide realitet”, shtoi ai.

Ky ishte një hap i madh përpara pasi të dhënat gjeografike po përdoren në shumë shërbime në ditët e sotme. Që nga startup-et e deri në jetën e përditshme, të dhënat gjeografike cilësore e bëjnë qytetet si Tirana më të aksesueshme dhe më të lehtë për t’u eksploruar. Gjithashtu, platforma të tilla i ofrojnë zhvilluesve të programeve kompjuterike një vegël shumë të mirë për programuesit dhe kompanitë të ndërtojnë mbi të. Shumë bashki të tjera në shtete të ndryshme kanë dhuruar të dhëna të hapura (Open Data) për OpenStreetMap dhe tashmë Tirana është një prej tyre.

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending