Connect with us

Ekskluzive

Paralajmërimi i deputetit të Kosovës për bitcoin

Kriptomonedha më e popullarizuar në botë së fundmi arriti pikën më të lartë duke e kaluar vlerën e më shumë se 20 mijë dollarëve, por prapë pati një rënie të madhe.

Zhvendosja e tillë e çmimeve ka bërë që disa nga bankat më të mëdha të botës të denoncojnë Bitcoinin si një mashtrim, duke i paralajmëruar investitorët për një flluskë spekulative e destinuar të dështojë.

Derisa çështja nëse është një “mashtrim ose jo”, “shqetësimi rreth kësaj çështje” është duke qarkulluar edhe në rrjetet sociale.

Për këtë, biznesmeni i njohur Ramiz Kelmendi, njëherësh edhe deputet i Kuvendit të Kosovës ka dhënë disa sqarime dhe shpjegime rreth Bitcoin.

Shkrimi i plotë i Ramiz Kelmendit, pa ndërhyrje redaktoriale:

Disa sqarime dhe shpjegime të nevojshme për Bitcoin!

Bitcoin (Valuta virtuale) – Produkt elektronik

Fjala – bit – është impuls elektronik me gjendje impulse 1 dhe 0, ku të gjitha sistemet elektronike përdorin këtë system – bitesh.

Fjala – coin – është kuptim i monedhës për ta metalizuar impulsin.

Bitcoin nuk është monedhë virtual apo elektronike, por është produkt elektronik apo virtual me nominacionin Bitcoin, e i cili nxjerret në treg i prodhuar nga makineritë e kombinuara dhe si i tillë ka vlerë financiare, apo të shprehemi ndryshe aksione të cilat krahasohen me valutat zyrtare, në këtë rast më dollarin.

Ky produkt ka koston e prodhimit, e cila kosto ka, blerjen e aparaturave dhe shpenzimin e konsiderueshëm të energjisë, që të lë përshtypjen e seriozitetit prodhues dhe të kushtueshmërisë.

Ky produkt si i tillë, është kombinim bitash (apo impulsa elektronike) që ne i quajmë barkode apo kodifikim i nxjerrë nga program i prodhimit që është implementuar në kompjuterë, dhe me këtë qëllim programi së pari nxjerrë sasi të konsiderueshme Bitcoinash në mënyrë që të afirmojë dhe motivojë shpërndarjen dhe idenë e përfitimit në njërën anë, përderisa në anën tjetër krijuesi i kësaj (bitcoin) punon në rritjen virtuale në tregun kuptohet virtual, ku krahas kësaj, me kohë, programi veç është akorduar (rregulluar) që të zvogëlojë prodhimin e bitcoinave në mënyrë që krijuesi i valutës në fjalë të fillojë të nxisë rënien në vlerë në tregun virtual.

Në e dijmë se në çdo vend të Botës, nxjerrja në treg e çfarëdo valute, si e letres apo elektronike, sanksionohet me ligjet në fuqi. Valuta ka formen, modelin, vlerën dhe sasia e saj është e regjistruar në Bankat Qëndrore të një shteti. Krahas kësaj, e dijmë se edhe shtypshkronja që shtyp monedha merrë vlerë financiare për koston e punës ku i tërë prodhimi mbikëqyret profesionalisht në mënyrë që të mos ketë shtypje të pakontrolluar. Pra të gjitha monedhat e kanë numeracionin dhe vlerën e shtypur në të.

Nëse krahasojmë këto të dhëna të mësipërme, me Bitcoin, që prodhohet nga çdokush, në çdo vend, nga kushdo që ka paisje, dhe kjo nuk ka mbikëqyrje, nuk regjistrohet askund dhe nxjerret në treg pa vlerë fikse; (1 dollar, 5 dollar, 1100 dollar apo më shumë) e kur e shohim se është edhe produkt pra elektronik që si sqarim gjason si një produkt berzian p.sh. bakër që ka vlerë në tregun aksional, na del asjë më shumë se një prdukt me vlerë valutore – dollar që nesër mund të ngritet në 300 dollar apo më shumë.

Bitcoin është pra produkt me vlerë të ndryshuar sikurse metalet e çmuara ose produktet berziane të cilat në momentin që investohen, krijohet përshtypja vizuele, kinse është duke u kërkuar, e që kjo bënë që shumë nga akterët të mos e shesin produktin suke besuar se nesër apo pas 6 muajsh mund të shitet më shtrenjtë, e që në fakt atëherë veçse ndodhë piramida aksionale, ngopet tregu, arrihet synimet e krijuesit, fillon të nxitet shitja e premtuar dhe fillon rënia e aksioneve nën çmimin e blerjes, ku në shumicën e rasteve çmimi nuk e mbulon as koston e blerjes së pajisjeve e lëre më koston e prodhimit.

Disa njerëz kanë shpresuar që me këtë valutë – produkt virtual – mund të blesh çdo gjë. Kjo ka rezultuar e pamundur, meqë siç e thamë, bitcoin nuk është valutë e regjistruar si valutë për blerje, por si valutë për shitje. Edhe makineritë gjithnjë kanë qenë të ekspozuara për shitje të këtij produkti virtual. Shembull për të sqaruar edhe më tej: I investon në të 10 dollar dhe merr kundërvlerë bitcoina, është njëjte sikurse i investon 5 dollar dhe merr si kundërvlerë një pako Marlboro. Nuk ndodhë pra që të investosh bitcoin e të marrësh dollar, sepse kjo është e dënueshme me ligj.

Në fund, është mirë që të kuptohet, se jo çdoherë idetë inovative janë fitimprurëse për të gjithë, e në veçanti nëse këto janë piramidale . Andaj, sa më shpejt që të kuptohet ky fakt, aq më shpejt do të kursehemi nga këta krijues të produkteve virtuale. Krijuesve në fjalë, produkte të tilla, do tju shërbejnë vetëm si një grumbull bitash elektronik dhe mund tju shërbej si një histori e humbjes së lehtë. /Insajderi

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending