Connect with us

Ekskluzive

‘Pagesat milionëshe’ për patentë shofer elektronik

‘Pagesat milionëshe’ për patentë shofer elektronik

Republika e Kosovës është bërë vendi i parë në botë (sipas deklarimeve të MPB) me aplikacion mobil për patentë shofer, por mbetet e dyshimtë kostoja që shteti ka paguar për programimin e këtij aplikacioni.

Ministria e Punëve të Brendshme ka bërë deklarime kundërthënëse. Fillimisht kanë thënë se “për shërbimin e aplikacionit për patentë shofer mobil nuk është paguar ndonjë kosto”. Por, tutje ata kanë thënë se aplikacioni është pjesë e kontratës për pasaporta, letërnjoftime, patentë shoferë dhe mirëmbajtjes së sistemeve të tyre. Këtë kontratë, MPB-ja e ka lidhur me kompaninë gjermane “Veridos”.

“Nuk ka pasur procedurë të prokurimit, pasi që në kontratën aktuale (e vitit 2016) janë të parapara dispozitat në të cilat parashihet që duhet të bëhen avancimet e nevojshme të sistemeve të aplikimit dhe prodhimit të dokumenteve si dhe të gjitha ndryshimet tjera të nevojshme me ndryshimin e infrastrukturës ligjore (për të qenë në përputhje me standardet e fundit ndërkombëtare dhe ndryshimet ligjore në Kosovë)”, thuhet në përgjigjen e ministrisë.

Gazeta Jeta në Kosovë ka gjetur se kontrata të cilës i referohet MPB-ja është lidhur në vitin 2016 dhe ka një vlerë prej 19.8 milionë euro.

Sipas njoftimit për nënshkrimin e kësaj kontrate, kohëzgjatja e saj është 5 vjet dhe ka të bëjë me furnizimin me pasaporta, letërnjoftime, patentë shoferë dhe mirëmbajtje të sistemeve të tyre.

Gazeta Jeta në Kosovë ka kërkuar qasje në kontratë që 19.8 milionë euro, për të parë se sa është shuma që shteti i Kosovës ka paguar për “avancime të sistemeve të aplikimit dhe prodhimit të dokumenteve”, ku bënë pjesë programimi i këtij aplikacioni për “E-Patentë Shofer”.

Në bazë të dokumenteve që ka siguruar Gazeta JnK nga MPB-ja, del që avancimi i sistemeve ku bën pjesë Aplikacioni për Patentë Shofer Mobil do t’i kushtojë buxhetit mbi 7.4 milionë euro.

Në kontratën që kalon 19.8 milionë euro rezulton se avancimi i sistemeve merr pjesë me rreth 38 për qind të shumës. Aty nuk ka shumë të dhëna se çfarë shërbime do të ofrohen për të cilat shteti do të paguajë 7.4 milionë euro.

Në pjesën e kontratës ku përfshihet “Mirëmbajtja dhe Avancime të sistemeve të aplikimit dhe prodhimit të dokumenteve” janë paraparë shërbime ndaj MPB-së për 60 muaj, aq sa zgjat edhe kontrata. Për mirëmbajtje dhe avancime për këto 60 muaj, shteti do të paguaj 7.4 milionë euro.

Në këto vite (2016-2025) janë 1,826 ditë, gjë që tregon se shuma e përgjithshme që e paguan MPB për këto shërbime është rreth 4,106 euro në ditë, të gjitha ditët kalendarike.

Ministria e Punëve të Brendshme nuk ka dhënë shumë shpjegime se çfarë shërbime marrin nga kjo kompani për këtë nën-kriter.

“Mirëmbajte harduerike dhe softuerike për sistemet ekzistuese, aplikim dhe prodhim e dokumenteve, si edhe avancimet eventuale që dalin nga ndryshimet ligjore”, thuhet në përgjigjen e MPB-së.

Edhe kompania “Veridos” i ka konfirmuar pohimet e Ministrisë, duke thënë se tek pjesa e mirëmbajtjes dhe avancimit është përfshirë edhe aplikacioni i ri.

“Kjo pjesë nuk lidhet me mallrat, por me shërbimet e mirëmbajtjes duke e përfshirë edhe mbështetjen vendore dhe avansimin të sistemeve ekzistuese, siç është patentë shoferi mobil”, ka thënë Zyra për Media e kompanisë “Veridos”.

Kosova do të jetë shteti parë në botë që e provon aplikacionin e patentë shoferit mobil. Të paktën kështu thuhet në ueb-faqen e kompanisë që e ka bërë aplikacionin. Aplikacioni do të mund të përdoret për Android 5.0 e më poshtë dhe iOS 9.X e më poshtë.

Ky aplikacion do të shërbejë njëjtë si patentë shoferi. Me fjalë të tjera, në qoftë se një polic trafiku e kërkon patentë shoferin, personi që është duke e drejtuar veturën, ia tregon zyrtarit telefonin ku e ka të hapur aplikacionin. Polici përmes QR-kodin (Kodi Matricor) me telefonin i merr të dhënat e ngasësit.

Në ueb-faqen e kompanisë gjermane janë dhënë detaje edhe për aktivizimin e aplikacionit.

“Përdoruesi, së pari, duhet ta shkarkojë aplikacionin nga Google Play Store (Android) apo nga Apple App Store (iOS). Së dyti, duhet ta regjistrojë patent shoferin te autoritetet. Më pas atyre u jepet një kod i aktivizimit, pas kësaj skanohet kodi i aktivizimit duke e përdorur “RKSmobileID” dhe duke përfituar nga vetitë e patent shoferit të ri mobil”, thuhet në faqen e Veridos. Zyra për Komunikim pranë MPB-së ka thënë për Gazetën Jeta në Kosovë se qasje do të kenë të gjithë qytetarët që kanë patën-shofer fizik. Ndërsa, ka deklaruar se qendrat e regjistrimit janë duke i përditësuar të dhënat dhe se operatorët janë duke u trajnuar.

Patentë shoferi Elektronik ishte paraparë të lansohen me datën 3 prill, mirëpo i njëjti është lëshuar në përdorim vetëm në fillim të muajit qershor.

“Është planifikuar që nga 3 prilli 2018 e tutje që kodet e aktivizimit (d.m.th QR-Kodet të cilat duhet të skanohen nga mbajtësit e patentë shoferit për të aktivizuar aplikacionin) për Patent Shofer Mobil do të lëshohen për mbajtësit e interesuar të Patent Shoferëve, në qendrat e regjistrimit. Qytetari mund të marrë kodin e aktivizimit në këtë vizitë dhe do të aktivizohet pas konfirmimit të pagesës (taksës për të cilën do të caktohet në ditët ne vijim)”, ka thënë Zyra për komunikim e MPB për Gazetën Jeta në Kosovë.

Në MPB kanë thënë se zvarritja e lanësimit ka ardh për shkak të trajnimeve që janë mbajtur me zyrtarët policor për përdorim të këtij aplikacioni.

“(Trajnimet) janë duke u mbajtur dhe do të mbahen në të ardhmen, në vazhdimësi”, thuhet në përgjigjet e MPB-së. “Të gjithë zyrtarët që do të punojnë me këtë aplikacion do të trajnohen, aplikacioni është i ngjashëm me aplikacionin aktual për patentë shofer dhe vetëm disa sqarime të vogla duhet plotësuar.”

Fillimisht në MPB kanë thënë se çmimi i aplikacionit që do të paguajnë qytetarët do të jetë simbolik.

“Parashihet të jetë një kosto simbolike për të mbuluar shpenzimet mbështetëse të infrastrukturës. Ende nuk është miratuar taksa zyrtare”, ka shkruar në përgjigjen e Zyrës për Komunikim të MPB-së gjatë muajit prill.

Ish-ministri i Punëve të Brendshme, Flamur Sefaj, më herët — ditën kur u prezantua aplikacioni, kishte thënë se aplikacioni do të jetë funksional në fillim të muajit prill.

“Ky aplikacion fillimisht do të testohet brenda Ministrisë së Punëve të Brendshme, ndërsa në ditët e para të muajit prill do të lëshohet për të gjithë qytetarët e Kosovës”, ka shkruar Sefaj më 23 shkurt në Facebook.

Aplikacioni që është lëshuar vetëm në fillim të muajit qershor do të jetë funksional vetëm në anglisht.

“Meqenëse është aplikacioni i parë në botë dhe për shkak të funksionalitetit me të mirë (zbatimit më të lehtë), fillimisht është paraparë që të jetë në gjuhen angleze (për të shmangur kompleksitetin gjatë përdorimit fillestar). Ende është në diskutim mundësia e përkrahjes së aplikacionit në gjuhet zyrtare”, ka thënë ministria për gazetën.

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending