Connect with us

Ekskluzive

Një pajisje e re na mundëson të flasim, shkruajmë dhe përdorim harta pa internet

Një pajisje e re na mundëson të flasim, shkruajmë dhe përdorim harta pa internet

Nëse ju pëlqeni shëtitjet, ngjitjet, skijimin, ose ndonjë aktivitet tjetër që zakonisht zhvillohet në një zonë të largët, kemi gjetur diçka që patjetër duhet të shihni.

Në anën tjetër, nëse shkoni në shumë koncerte ose ngjarje sportive dhe jeni gjithmonë të zhgënjyer kur mbingarkesa e rrjetit ju pengon të thërrisni dhe të lidheni me miqtë tuaj, kjo është gjithashtu një pajisje për ju.

BEARTOOTH Smart Walkie Talkie nuk është në të vërtetë një radio me tel. Në vend të kësaj, është një kuti e vogël që lidhet me telefonin tuaj nëpërmjet Bluetooth, dhe pastaj mund të përdorni aplikacionin BEARTOOTH për të folur, për të shkruar mesazh, madje edhe për të ndarë vendndodhjen tuaj ose për të shkuar në vendndodhjen e dikujt tjetër – të gjitha pa asnjë shërbim Wi-Fi ose mobil.

Gati për pjesën më të mirë? Në varësi të mjedisit tuaj dhe terrenit, këto pajisje kanë një distancë prej 2 deri 5 km.

Ja disa informacione të mëtejshme nga faqja e produktit:

ASNJË SHËRBIM RRJETI NUK JU DUHET: Beartooth lejon përdoruesit të komunikojnë direkt nga Beartooth në Beartooth pa shërbim celular ose Wi-Fi.

PËRSHTATUR ME IOS DHE ANDROID: Beartooth mund të përdoret në mënyrë të ndërsjellë me të dy pajisjet iOS dhe Android, duke e bërë të lehtë për t’u ndarë me miqtë dhe familjen. Shitur në çifte, duke përfshihen edhe kabllot e ngarkimit.

FOL, SHKRUAJ, NDAJ LOKACIONIN: Krijoni mesazhe një-në-një ose në grupe, flisni, shkruani dhe ndani vendndodhjen tuaj me çdo kontakt të Beartooth. Shkarkoni hartat topografike të linjës së lartë për të gjetur lehtësisht të gjitha në grupin tuaj.

TIPARET SHTESË: Beartooth litium jon 3000 mAh bacteria është ndërtuar për të kaluar një aventurë të plotë katër-ditore dhe mund të dyfishohet si një bateri rezervë për të ngarkuar smartfonë dhe tableta.

RREGULLIM I THJESHTË: Shkarkoni aplikacionin falas “Beartooth” nga dyqani iTunes ose Google Play, bashkoni Beartooth-in tuaj dhe lidhuni me miqtë.

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending