Connect with us

Ekskluzive

Një dhjetëshe e pastër vjen nga Samsung

Një dhjetëshe e pastër vjen nga Samsung

Në tregun kosovar janë prezantuar modelet e reja nga seria Galaxy S10. Me inovacione revolucionare në fushën e ekranit, kamerës dhe performancës, kompania shënon një dekadë të tërë të Galaxy.

Madje tri pajisje unike nga Galaxy seria S, S10, S10+ dhe S10e, me ekranin e parë dinamik AMOLED, kamerë të gjeneratës së ardhshme dhe me performanca inteligjente, do të jenë në dispozicion në tregun kosovar nga 8 marsi me të gjithë partnerët e autorizuar të shitjes me pakicë dhe operatorët. I dizajnuar për përdoruesit që duan një telefon të sofistikuar të mençur me performanca të fuqishme, këto pajisje vendosin standarde të reja për telefonat e mençur.

“Galaxy seria S10 është shumë e veçantë për ne. Linja e këtyre pajisjeve është projektuar për të përmbushur nevojat specifike të tregut të sotëm të telefonave të mençur. Bëhet fjalë për pajisjet që kanë një dekadë të inovacioneve të reja. Secila nga këto pajisje sjell inovacione revolucionare në fushën e ekranit, kamerës dhe performancës”, tha Matthew Jinkyu Jeon, kryetar i Samsung Electronics për rajonin e Adriatikut.

Pajisjet në tregun e Kosovo janë të disponueshme në ngjyrat: prizëm e zezë, prizëm e bardhë, prizëm e gjelbër. Çmimet e rekomanduara janë nga 819 Euro për Galaxy S10e, 979 Euro për Galaxy S10, 1,079 Euro për Galaxy S10+ prej 128 GB, 1,349 Euro për Galaxy S10+ prej 512 GB.

“Linja Galaxy S10 e pajisjeve është garancia jonë për një të ardhme më të shpejtë, të guximshme dhe më të ndritshme. Ato u krijuan për nevojat e përdoruesve të ndryshëm. Për cilëndo pajisje që përdoruesit janë përcaktuar, ata nuk do të gabojnë. Pajisjet kanë një pamje elegante, vijnë me teknologjitë që zbatohen për së pari herë në pajisje dhe janë plotësisht praktike për përdoruesit. Jam i bindur se ky është një kapitull i ri kur flasim për teknologjitë revolucionare”, tha Milan Vujoviç, drejtor i marketingut për Samsung për rajonin e Adriatikut.

Pajisjet kanë ekranin e parë dinamik AMOLED, të certifikuar me HDR10+, i cili siguron ngjyra të ndezura dhe një relacion të jashtëzakonshëm kontrasti për nuanca edhe më të thella të ngjyrës së zezë dhe madje edhe ngjyra më të ndritshme të bardha. Në ekran është i vendosur skaneri i parë i gjurmëve të gishtërinjve me ultratinguj i cili mundëson leximin 3D të konturës së gishtit – dhe jo imazhin 2D të sipërfaqes së tij. Kjo për përdoruesit do të thotë mbrojtje dhe siguri edhe më të madhe. Bëhet fjalë për Infinity-O-Display unik, në kornizë të së cilit gjendet një gamë e plotë e sensorëve dhe teknologjisë së kamerave për ekranin nga njëri skaj në tjetrin.

Për herë të parë në Serinë S, kamera vjen me një lente ultra të gjerë, e cila siguron mundësinë e fotografimit të cilësdo skenë në një fushë shikimi prej 123 gradë. Me kamerën ultra të gjerë të përsosur për fotografimin panoramik, aty janë edhe kamerat telefoto me mundësi të pabesueshme të zmadhimit si dhe një kamerë me kënd të gjerë për momentet e përditshme. Galaxy S10+ ka tre kamera të pasme dhe dy të përparme, Galaxy S10 ka tre kamera të pasme dhe një të përparme, ndërsa Galaxy S10e vjen me dy kamera të pasme dhe një të përparme. Apertura e dyfishtë, e instaluar në kamerën e pasme me kënd të gjerë, është vendosur aty për të rregulluar dhe optimizuar ndriçimin duke mbështetur modalitetet F1.5 dhe F2.4. Xhirimi i stabilizuar është i mundur me teknologjinë Super Steady të stabilitetit digjital, pa marrë parasysh situatën. Të dyja kamerat e përparme dhe të pasme mund të xhirojnë deri në cilësinë UHD dhe për herë të parë në këtë industri kamera e pasme ofron regjistrim / incizim në kualitetin HDR10+.

Kamera në pajisjet Galaxy S10 është edhe më inteligjentë me funksionin e përpunimit të të dhënave, teknologjinë Scene Optimizer dhe funksionin Shot Suggestion. Me këto funksione, është e mundur të xhironi pa vendosur manualisht parametrat, ndërsa kamera jep rekomandime se çfarë të xhirojmë dhe rekomandimet për përbërjen e fotove.

Galaxy S10 është ndërtuar me harduer dhe softuer të klasës së lartë bazuar në të mësuarit mekanik. Nga mundësitë plotësisht të reja të ndarjes së energjisë deri tek performanca e përmirësuar e inteligjencës artificiale dhe Wi-Fi inteligjente, Galaxy S10 është pajisja më inteligjente Samsung deri më tani.

Me funksioni Wireless PowerShare, karikim reversibil pa tela, mundëson karikimin e lehtë të telefonave të mençur të certifikuara me Qi, madje edhe të pajisjeve kompatibile portative. Në të njëjtën kohë, pajisja mund të karikohet vetë, por gjithashtu të karikoj edhe pajisjet e tjera kur është i vendosur në karikuesin e thjeshtë. Softueri i ri AI automatikisht optimizon baterinë, procesorin, memorien RAM dhe madje edhe temperaturën e pajisjes bazuar në atë se si përdoret telefoni. Galaxy S10 ka Wi-Fi inteligjent, i cili mundëson një lidhje të pandërprerë dhe të sigurt nëpërmjet ndërrimit automatik dhe pa ndërprerje të Wi-Fi dhe LTE, duke paralajmëruar lidhjet e mundshme të rrezikshme Wi-Fi dhe mbështet standardin e ri Wi-Fi 6. Me Fast Charging Wireless 2.0, karikimi i shpejtë pa tela (përmes valëve), Galaxy S10 karikohet 29% më i shpejtë se Note9 dhe 33% më shpejtë sesa S9.

Në Galaxy S10, Bixby inteligjent automatizon shprehitë dhe ofron rekomandime të personalizuara. Aty janë edhe rezistenca ndaj ujit dhe pluhurit në përputhje me IP68, shërbimi Samsung Health dhe Samsung DeX. Galaxy S10+ vjen me një memorie deri në 1TB dhe mundësinë e shtimit të një kartele microSD me kapacitet 512 GB shtesë, duke ofruar një total prej 1.5 TB hapësirë. Me platformën Samsung Knox, e cila plotëson standardet e mbrojtjes, Samsung Galaxy S10 posedon sistemin e fundit të sigurisë për ruajtjen e të dhënave private.

Galaxy S10, Galaxy S10+ dhe Galaxy S10e mund të porositen paraprakisht. Përdoruesit që porositin paraprakisht Galaxy S10 dhe Galaxy S10+ gjatë një periudhe të caktuar, do të marrin pa pagesë kufjet e reja pa tel të Galaxy Buds Galaxy (në vlerë prej 149 Euro).

Për më shumë informata rreth Galaxy S10, ju lutem vizitoni ueb faqen https://www.samsung.com/al/smartphones/galaxy-s10/.

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending