Connect with us

Ekskluzive

Mijëra njerëz në Suedi zëvendësojnë kartat me mikroçipe në duar

Rreth 3,000 njerëz në Suedi kanë futur një mikroçip në lëkurën e tyre gjatë tri viteve të fundit, raporton AFP. Mikroçipi është i vogël sa një kokërr orizi. Teknologjia u përdor për herë të parë në vend në vitin 2015.

Implantet tashmë kanë ndihmuar në zëvendësimin e nevojës për një mori nevojash të përditshme. Mikroçipi i Ulrika Celsing, i cili është në dorën e saj, ka zëvendësuar kartën e saj të gjimnastikës dhe kartën e zyrës. Kur ajo hyn në vendin e saj të punës, 28-vjeçarja thjesht vendos dorën pranë një kutie të vogël dhe i fut një kod përpara se të hapen dyert.

Vitin e kaluar, linja hekurudhore shtetërore SJ filloi të skanonte duart e pasagjerëve me çipin biometrik, për të mbledhur biletën e tyre të trenave, ndërsa ishin në bord.

Nuk ka asnjë pengesë teknologjike, çipat mund të përdoren gjithashtu për të blerë gjëra ashtu si një kartë krediti pa kontakt, por askush nuk duket se ka filluar testimin akoma.

‘Një goditje e lehtë’

Procedura është e ngjashme me atë të një piercing dhe përfshin një shiringë që injekton çipin në dorën e personit. Celsing, i cili mori injektimin e saj në një aktivitet pune, i tha AFP se ajo ndjeu vetëm një goditje të lehtë.

Por implantet e çipeve mund të shkaktojnë infeksione ose reaksione në sistemin imunitar të trupit, tha për AFP, Ben Libberton, një mikrobiolog në Laboratorin MAX IV në Suedinë jugore.

Rritja e “biohacking”

Biohacking – modifikimi i trupave me teknologji – është në rritje, ndërsa gjithnjë e më shumë njerëz fillojnë të përdorin veshjet e teknologjisë si Apple Watches dhe Fitits.

Rreth katër vjet më parë, grupi i biokarburanteve suedeze Bionyfiken filloi organizimin e “grupit të implanteve” – ku grupe njerëzish futin në duart e tyre çipa, përfshirë SHBA, Mbretërinë e Bashkuar, Francën, Gjermaninë dhe Meksikën.

Rreth 50 punonjës në kompaninë shitëse Wisconsin Three Square Market vullnetarisht ranë dakord të futnin mikroçipat në duart e tyre, të cilat pastaj mund të përdoreshin për të blerë ushqime, të futeshin në kompjuter ose të përdorin fotokopjuesin.

Suedezët duken më shumë të gatshëm të provojnë teknologjinë sesa shumica e kombeve të tjera.

Popullsia prej 10 milionë banorësh në vend është përgjithësisht më e gatshme të ndajë detajet personale, të cilat tashmë janë të regjistruara nga sistemi social i sigurimit të vendit. Sipas AFP, njerëzit mund të gjejnë pagat e njëri-tjetrit duke thirrur thjesht autoritetet publike të taksave.

Shumë prej tyre gjithashtu nuk besojnë se teknologjia e mikroçipit është e përparuar sa duhet për t’u hakuar. Libberton, mikrobiologu, gjithashtu tha se të dhënat e mbledhura dhe të përbashkëta nga implantet janë tepër të kufizuara për përdoruesit që të kenë frikë nga hakimi ose mbikëqyrja.

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending