Connect with us

Ekskluzive

Ku ndryshojnë monedhat kriptografike prej atyre dixhitale?

Ku ndryshojnë monedhat kriptografike prej atyre dixhitale?

Rritja e bujshme e bitcoin vitin e kaluar ka shkaktuar debate të shumta nëpër internet, ndërsa në fund të 2017-ës ky debat filloi të artikulohej edhe në gjuhën e shumë ekspertëve, institucioneve, bankave e madje drejtuesve të autoriteteve të larta financiare në mbarë botën.

Ndërsa në fillim Bitcoin referohej në masë si një monedhës dixhitale, tashmë mban një epitet më specifik, monedhë kriptografike.

Dy prej armëve më të forta të monedhave kriptografike janë privatësia dhe siguria që sjell. Natyra e decentralizuar e monedhës ka lënë hapësira edhe për manipulime. Por ku ndryshon një monedhë dixhitale nga një monedhë kriptografike?

A ekzistojnë në të vërtetë diferenca mes tyre? Në këtë artikull do tu japim përgjigje disa pyetjeve të një fenomenit “bitcoin.”

Çfarë janë monedhat dixhitale?
Monedhat dixhitale janë para e përdorur në internet. Paraja dixhitale ekziston vetëm në formë dixhitale. Nuk ka një ekuivalent fizik në botën reale.

Por ka të gjitha karakteristikat e një paraje tradicionale. Ashtu si një para prej letre, ju mund ta fitoni, transferoni dhe këmbeni në monedha të tjera. Mund ta përdorni për të blerë produkte dhe shërbime si shërbime mobile dhe interneti, si dhe produkte ofruar nga dyqanet online. Monedhat dixhitale nuk kanë kufij gjeografikë dhe politikë. Transaksionet mund të kryhen nga çdo cep i botës.

Në të vërtetë llogaritë e parave dixhitale dhe porfotolët mund të konsiderohen si depozita bankare.

Çfarë janë monedhat kriptografike?
Kriptomonedhat janë një lloj paraje dixhitale. Ata mund të përdoren si aset këmbimi. Konsiderohen të besueshme sepse bazohen në kriptografi.

Një prej objektivave kryesorë të kriptografisë është komunikimi dhe perfeksionimi i sigurisë. Kriptografia krijon dhe analizon algoritme dhe protokolle në mënyrë që asnjë informacion të mos ndryshohet apo ndërpritet nga një palë e tretë. Kriptografia është një përzierje mes disa shkencave të ndryshme ndërsa në thelb qëndron matematika.

Është matematika e cila përcakton qëndrueshmërinë dhe rreptësinë e algoritmeve dhe protokolleve.

Kriptomonedhat përdorin Blockchain, një regjistër të decentralizuar. Kjo do të thotë se nuk ka një autoritet mbikëqyrës që kontrollon veprimet në rrjet.

Cilat janë diferencat kryesore mes të dyve?
Edhe pse kriptomonedhat janë një formë paraje dixhitale, ekzistojnë disa diferenca fondamentale.

Struktura. Monedhat dixhitale janë të centralizuara. Një grup njerëzish dhe kompjuterësh rregullojnë transaksionet në rrjet. Kriptomonedhat janë të decentralizuara dhe rregullimet bëhen nga shumica e komunitetit.

Anonimiteti. Monedhat dixhitale kërkojnë verifikimin e përdoruesit. Duhet të ngarkoni një foto të vetvetes dhe disa dokumente të lëshuara nga autoritetet publike. Blerja, investimi dhe proceset e tjera të kriptomonedhave përjashtojnë çdo kërkesë të përmendur më lart. Megjithatë kriptomonedhat nuk janë plotësisht anonime. Edhe pse adresat nuk përmbajnë informacione konfidenciale si emra dhe vendbanime, çdo transaksion regjistrohet dhe dërguesit e marrësit njihen publikisht. Kështu të gjitha transaksionet mund të gjurmohen.

Transparenca. Monedhat dixhitale nuk janë transparente. Ju nuk mund të shikoni të gjitha transfertat e parave të një portofoli. Ky informacion është konfidencial. Kriptomonedhat janë transparente. Kushdo mund të shohë çdo transaksion të secilit përdorues.

Manipulimi i transaksioneve. Monedhat dixhitale kanë një autoritet qendror që merret me këtë çështje. Mund të anulojë ose ngrijë transaksionet me kërkesë të pjesëmarrësit ose autoriteteve nëse ka dyshime për pastrim parash. Monedhat kriptografike rregullohen nga komuniteti. Është e pamundur që përdoruesit të aprovojnë ndryshime në Blockchain.

Aspektet ligjore. Shumica e vendeve të botës kanë një bazë ligjore që rregullon monedhat dixhitale, si përshembull Direktiva Evropiane 2009/110/EC ose Artikulli 4A i Kodit Komercial Amerikan. Të njëjtën gjë nuk mund të themi për kriptomonedhat. Shumica e vendeve ende ska përcaktuar statutin e tyre. Themelimi i një baze ligjore është në proces.

Kush janë pikat e forta dhe të dobëta të monedhave dixhitale?
Në shumicën e rasteve çdo argument mund të shihet si avantazh por edhe si disavantazh. Në një sistem të centralizuar, një grup njerëzish është përgjegjës për gjendjen e sistemit. Nëse bëni gabim në një transaksion, mund ti bëni kërkesë kompanisë. Një gjë të tillë nuk mund ta bëni me një sistem të decentralizuar. Sistemet e centralizuara mbajnë informacione të shumta konfidenciale të përdoruesve. Këto të dhëna mund të humbasin, të hakohen ose transferohen tek agjencitë ligj-zbatuese apo trupat gjykues. Rrjetet e decentralizuara nuk kanë probleme të ngjashme. E njëjta vlen për anulimin e transaksioneve.

A është e mundur të kombinohen të dyja?
Adoptimi i sistemeve të centralizuara në një rrjet të decentralizuar është i mundur. Forbes thotë se të paktën 2 miliard njerëz në mbarë botën nuk kanë akses në shërbime bankare. Janë 5 miliard njerëz që përdorin një telefon celular dhe kjo shifër po rritet me shpejtësi. Kështu, sistemi bankar mund të implementohet në një rrjet mobil për tu ofruar shërbime njerëzve. Duke përdorur kriptomonedhat dhe Blockchain, ata mund të shijojnë të gjitha përfitimet e transparencës, sigurisë dhe decentralizimit. Me paranë dixhitale kemi një autoritet mbikëqyrës, një numër portofolësh dixhitalë dhe bazë rregulluese.

Një mënyrë e kombinimit të të dyjava është Telcoin. Ideja kryesore pas kësaj monedhe është kombinimi i kompanive mobile me sistemin bankar. Sistemi bankar përfaqësohet nga simbioza e monedhës dixhitale dhe asaj kriptografike dhe ofron shërbime si para mobile, kredit me parapagim dhe platforma pagesash. /PCWorld Albanian

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending