Connect with us

Ekskluzive

Komuniteti shkencëtar kritikon modifikimin gjenetik njerëzor

Komuniteti shkencëtar kritikon modifikimin gjenetik njerëzor

Pekin, 26 nëntor– Shkencëtarët dhe akademikët nga e gjithë bota dënuan sot një kërkim kinez që pretendon se, për herë të parë në histori, ka modifikuar gjenet e dy foshnjave, në një rast me implikime mjekësore dhe etike të thella.

“Eksperimenti mbi njerëzit nuk është normal dhe me shumë mundësi sjell pasoja të rënda”, thuhet në një letër të hapur të nënshkruar nga më shumë se 120 shkencëtarë kinezë nga institucione të ndryshme, përfshirë Tsinguanë, Pekinin, universitetin e Fundanit dhe Akademinë Kineze të Shkencave, transmeton ATSH raportimin e DPA-së.

“Ky transformim i pakthyeshëm i materialit gjenetik njerëzor, që është shumë i pasigurt në shkencë, pa dyshim që do të përzihet në hartën gjenetike njerëzore”, thuhet në këtë letër.

“Sigurisht, është e mundur që fëmijët e lindur këtë herë të jetë të shëndetshëm për një periudhë të kohës, por rreziqet e mundshme ndaj njeriut… janë të pamatshme”, thekson komuniteti i shkencëtarëve.

“Kutia e Pandorës është hapur dhe ne ndoshta kemi një mundësi që ta mbyllim atë para se të jetë shumë vonë”, thonë ata.

Shkencëtari He Jiankui nga qyteti juglindor i Shenzhenit tha se gjenet e dy vajzave kineze janë modifikuar kështu që ato nuk mund të infektohen me HIV.

Continue Reading
Click to comment

Leave a Reply

Your email address will not be published. Required fields are marked *

Ekskluzive

Instagram prezanton aftësinë e shtimit të teksteve të këngëve në Instagram Stories

Instagram ka prezantuar në heshtje një aftësi të re që lejon përdoruesit të shtojnë tekstet kur ata ndajnë këngët në Storiet e tyre, duke përdorur ‘sticker’ muzikor. Megjithatë, kjo veçori varet nga disponueshmëria e tekstit për një këngë të veçantë të zgjedhur nga përdoruesi.

Përveç kësaj, ka një mundësi për të rregulluar se si tekstet do të duken në Storiet duke përzgjedhur fonte dhe dizajne të ndryshme.

Për më shumë, përdoruesit mund të zgjedhin një pjesë të caktuar të këngës për të ndarë dhe për të lëshuar.

Tekstet që korrespondojnë me atë pjesë të zgjedhur të këngës do të shfaqen më pas në Storie kur shihen nga miqtë.

Gjithashtu, përdoruesit e tjerë të Instagram mund të dëgjojnë më shumë pjesë të këngës ose të gjejnë më shumë detaje rreth artistit duke klikuar tekstet.

Tipari, megjithatë, është i disponueshëm vetëm në territoret ku përdoruesit mund të hyjnë në faqen e muzikës së Facebook, sipas Billboard.

Është pjesë e përpjekjes më të gjerë të Facebook për të ofruar përmbajtje muzikore nëpër shërbimet e tyre.

Në fund të vitit të kaluar, Instagram bëri një partneritet me Shazam për të zgjeruar opsionet e përdoruesve për muzikën e licencuar që ata duan të ndajnë në Storie. /Telegrafi/

Continue Reading

Ekskluzive

Adidasi sjell atletet që mund të riciklohen plotësisht

Adidasi sjell atletet që mund të riciklohen plotësisht

Çfarë sikur ta dinit që atletet që i bartni në vrapimet e mëngjesit një ditë do të jenë plotësisht të reja në këmbët e dikujt tjetër?

Me koleksionin e ri të Adidas, kjo është me të vërtetë e mundur, shkruan sot Koha Ditore.

Adidas e ka krijuar një seri atletesh, të cilat mund të riciklohen plotësisht. Pala e parë e këtyre atleteve nga koleksioni i quajtur Futurecraft Loop u prezantua në New York.

Nga fabrika gjermane e pajisjeve sportive thonë se këto atlete janë bërë nga vetëm një material, TPU-ja e prodhuar rishtazi, pa ngjitës dhe kimikate për t’i bashkuar copëzat. Ky është një dallim i madh në krahasim me atletet tradicionale Adidas, tek të cilat zakonisht ngjiten 12-15 komponentë.

Me këtë metodë prodhimi, kur vjen koha për t’i ricikluar atletet, materiali vetëm do të rafinohet për ripërdorim.

Nga Adidasi theksojnë se shpresojnë që secila palë e atleteve do të riciklohet disa herë. Qëllimi përfundimtar i kompanisë është të prodhojë më shumë modele të këtilla për t’i eliminuar një pjesë të madhe të mbetjeve plastike. Premtimi i kompanisë është që deri në vitin 2024 do të përdorë vetëm poliestër të riciklueshëm në secilin produkt.

Continue Reading

Ekskluzive

Rritet vlera e Bitcoinit

Rritet vlera e Bitcoinit

Valuta digjitale Bitcoin sot u ngrit në maksimumin nëntëmujor.

Vlera e tij në bursën Bitstamp u rrit 1.1 për qind në 7.279 dollarë, niveli më i lartë që nga fillimi i gushtit të vitit të kaluar, sipas Reuters.

David Thomas nga firma britanike GlobalBlock, thotë se thyerja e nivelit prej gjashtë mijë dollarë javën e kaluar ka kthyer interesimin për investime nga biznesmenët në bitcoin.

Vlera e bitcoin pothuajse është dyfishuar këtë vit.

Continue Reading

Trending