Connect with us

Android

Ja sesi të instaloni Fortnite në Android

Ja sesi të instaloni Fortnite në Android

Javën e kaluar, Epic Games lançoi betejën e saj mbretërore Fortnite në pajisjet Android si një ekskluzivitet për telefonat e prodhuara nga Samsung vetëm për disa ditë.

Ajo që duhet të dini është se ka pak paqartësi se si e aksesoni aplikacionin sepse Epic njoftoi se do të shpërndante versionin Android të Fortnite në kushtet e veta. Javën e kaluar, aplikacioni u shpërnda përmes dyqanit të aplikacioneve të Samsung dhe Epic po përdor faqen e vet dhe një program Fortnite Installer për shpërndarjen e lojës.

(CEO i Epic, Tim Sweeney tha se kjo është një lëvizje për të shmangur pagesën e Google prej 30% në blerjet e aplikacioneve.) Duke pasur parasysh këtë situatë, më poshtë do të mund të mësoni hap pas hapi se si duhet të veproni për marrë lojën tuaj Fortnite në Android.

HAPI 1: Shmangni Play Store

Së pari dhe më kryesorja, mos shkarkoni asgjë nga Dyqani i Google Play ose nga një burim ueb i palës së tretë. Epic e ka bërë të qartë se shpërndarja e vetme e Fortnite në Android bëhet nëpërmjet faqes së saj të internetit.

Kjo do të thotë që çdo lidhje që shihni në Twitter, Reddit ose në Play Store që pretendon të ofrojë dosjen zyrtare të APK, është e dyshimtë dhe nuk ia vlen të rrezikoni infektimin e pajisjes tuaj me një virus ose ndonjë softuer tjetër me qëllim të keq. Edhe kërkimi për aplikacionin në Play Store do të shfaqë një paralajmërim të veçantë, “Fortnite Battle Royale nga Epic Games, Inc nuk është i disponueshëm në Google Play.”

HAPI 2: Kontrolloni pajisjen tuaj

Nëse keni një pajisje Samsung sipas listës, mund ta shkarkoni Fortnite menjëherë, qoftë përmes Game Launcher të Samsung ose faqes së internetit të Epic. Kjo listë pajisjesh përfshin edhe Note 9.

Pajisjet e tjera të përputhshme Samsung përfshijnë Galaxy S7 ç S7 Edge, S8 ç S8 Plus, S9 ç S9 Plus dhe Note 8, si dhe Tab S3 dhe S4. Për ata që nuk kanë një pajisje Samsung, Epic ka një listë të plotë në faqen e saj. Ajo përfshin Pixel origjinal, Pixel XL, dhe pasardhësit e tyre, së bashku me Asus, Huawei, Samsung, OnePlus, dhe pajisjet Xiaomi.

HAPI 3: Regjistrohuni për listën e pritjes

Nëse nuk keni një pajisje Samsung, mënyra më e mirë për të marrë Fortnite në Android tani është të regjistroheni për Epic beta përmes faqes së saj të internetit. Ju mund ta bëni këtë në celular ose në internet, pasi Epic kërkon vetëm adresën tuaj të postës elektronike. Sigurohuni që të hyni në llogarinë tuaj ekzistuese Epic.

HAPI 4: Prisni për ftesën tuaj

Pjesa përfundimtare e procesit është të prisni njoftimin përmes postës elektronike. Duke pasur parasysh se sa e sofistikuar është infrastruktura e rrjetit të kompanisë këto ditë dhe se sa platforma mbështet në të njëjtën kohë, ky proces duhet të marrë disa ditë. Versioni iOS i Fortnite qëndroi në një regjistrim beta për pak më shumë se dy javë para se të lançohej për të gjithë në App Store. E njëjta gjë duhet të vlejë edhe për Android.

HAPI 5: Shkarkoni instaluesin dhe më pas lojën

Për shkak të modelit unik të shpërndarjes , do të duhet të shkarkoni dy aplikacione të ndara, madje edhe në pajisjet Samsung. Për ta bërë këtë, mund të duhet të çaktivizoni lejet speciale në cilësimet tuaja të Android që ju lejojnë të shkarkoni aplikacione të palëve të treta.

Pas kësaj, do të duhet të kaloni nëpër një seri sekuencash shkarkimi që janë pak më të përfshira sesa instalimi standard i aplikacionit tuaj. Sapo të përfundojë, duhet të jeni në gjendje të nisni Fortnite, të futeni në llogarinë tuaj dhe të filloni lojën. Epic është duke i këshilluar përdoruesit të mbajnë programin Fortnite Installer, pasi do të jetë përgjegjës për përditësimin e lojës me opsione të reja. /PCWorld Albanian

Continue Reading
Click to comment

Leave a Reply

Your email address will not be published. Required fields are marked *

Android

Android 11 mund ta ketë opsionin e planifikimit të aktivizimit të dark mode

Android 11 mund ta ketë opsionin e planifikimit të aktivizimit të dark mode

Ky është një vendim i pazakontë i kompanisë, pasi që funksioni është tashmë i pranishëm në njërën nga beta buildet për Android 10. Kompania Google më pas e hoqi atë, duke i cekur problemet me interfejsin e përdoruesit.

Gjithashtu, është theksuar se llogaritja e kohës për agim/muzg mund të jetë jashtëzakonisht e vështirë, gjë që mund të çojë në një përvojë jocilësore të përdoruesit, raporton Neowin.

Tani si duket versioni i ardhshëm i Androidit më në fund do të mund ta implementojë mundësinë e aktivizimit/fikjes së Dark mode, shkruan KOHA Ditore. Google e ka rregulluar bugun në këtë pjesë të aplikacionit në Android, ndërsa funksioni është shënuar si “i disponueshëm në lansimet e ardhshme të Androidit”, gjë që me gjasë do të jetë Android 11.

Deri atëherë, përdoruesit do të duhet të mbështeten në aplikacionet eksterne, të cilat e ofrojnë një funksion të ngjashëm për telefona.

Continue Reading

Android

Gmail në Android pasurohet me Smart Compose

Gmail në Android pasurohet me Smart Compose

Plot 15 vite Google vendosi të lançonte klientin e-mail më 1 Prill. Padyshim nuk ishte shaka me rastin e 1 Prillit dhe Gmail u bë një prej produkteve më të suksesshme të Google.

Sot, për të festuar 15 vjetorin, ekipi i Gmail solli disa funksione të reja ku përfshihen Smart Compose dhe funksioni për të dërguar e-maile në një orar të paracaktuar.

Smart Compose është një prej funksioneve më intriguese të shërbimit të e-mailit dhe përpiqet të plotësojë automatikisht tekstin ndërsa ju shkruani.

Funksioni adaptohet me mënyrën sesi ju shkruani apo u përgjigjeni e-maileve. Përshembull nëse pëlqeni Hey në vend të Hi, Smart Compose do ta mësojë atë. Gjithashtu Smart Compose mund tju sugjerojë edhe subjekte e-mailesh në bazë të përmbajtjes së tyre.

Me këtë përditësim, Smart Compose tashmë është i disponueshëm tek të gjitha pajisjet Android. Google tha se më parë ka qenë i disponueshëm vetëm në Pixel. Mbështetja në iOS do të vijë së shpejti.

Smart Compose do të funksionojë me gjuhët Spanjolle, Franceze, Italiane dhe Portugeze. Një tjetër funksion që pritet të fitojë shumë vëmendje është ajo për të vendosur orare të dërgimit të e-maileve. Deri më sot duhej të përdornit një palë të tretë të integruar direkt në Gmail për të dërguar e-maile në orare të paracaktuara. /PCWorld Albanian

Continue Reading

Android

Androidi bëhet me certifikimin FIDO2 për logim pa password

Androidi bëhet me certifikimin FIDO2 për logim pa password

Androidi tani është certifikuar me FIDO2, që do të thotë se aplikacionet dhe sajtet që e mbështesin standardin në fjalë mund t’ua mundësojnë shfrytëzuesve që të logohen në to duke i përdorur gjurmët e gishtave ose çelësin fizik të sigurisë.

Që kjo të funksionojë, pajisja duhet ta ekzekutojë versionin e ri të softuerit Android 7.0 Nougat ose ndonjë version më të ri të softuerit, ndërsa aplikacioni duhet të certifikohet me FIDO. Për pajisjet që nuk kanë mundësi të verifikimit përmes gjurmëve të gishtave, mund të përdoret pini i sigurisë për logim, përcjell NDTV.

Edhe nëse përdoret versioni më i ri i Androidit, jo çdo aplikacion dhe sajt do të mundësojnë qasje përmes sensorit të gjurmëve të gishtave. Vetëm aplikacionet dhe sajtet që mbështeten në standardin WebAuth do ta mundësojnë një funksion të pandërprerë identifikimi. Disa aplikacione bankare tashmë e kanë bërë të mundur këtë ndërsa në të ardhmen priten më shumë aplikacione të mbështetura, shkruan KOHA Ditore.

FIDO Alliance njofton se zhvilluesit e uebit dhe krijuesit e aplikacioneve tani mund ta shtojnë verifikimin FIDO në aplikacionet e Android dhe sajtet e tyre nëpërmjet një API të thjeshtë. Theksohet se FIDO2 mbështetet me një siguri të fortë kriptografike, e cila mbron nga phishingu dhe sulmet përmes të dhënave të vjedhura të përdoruesve.

Continue Reading

Trending