Connect with us

Ekskluzive

“Inteligjenca artificiale” lëndë mësimore në shkollat e Kinës

“Inteligjenca artificiale” lëndë mësimore në shkollat e Kinës

Lënda për “inteligjencë artificiale”, e cila zbatohet si projekt pilot në shkollat në Kinë, nga viti i ardhshëm do të fillohet të ofrohet si lëndë me zgjedhje ose obligative.

Sipas lajmit të Radios Ndërkombëtare Kineze, nga viti i ardhshëm në shumë shkolla të vendit tekstet shkollore që mbulojnë aftësitë inteligjente artificiale do të ofrohen si lëndë me zgjedhje ose obligative.

Gjashtë nga 10 librat që janë përgatitur për shkollat fillore dhe të mesme janë të gatshme për arsim, ku me këto libra përveç aftësive kompjuterike, inxhinierisë, shkrimi i teknologjisë nxënësve do të jepen informacione sistematike rreth inteligjencës artificiale.

Pang Ciensin, zëvendëskryetari i kompanisë për inteligjencë artificiale dhe robotikë UBTECH, e cila ndihmoi në krijimin e librave shkollore, theksoi se edhe pse qeveria kineze mbështet arsimin e inteligjencës artificiale, janë duke u përballur me vështirësitë si mungesa e mësuesve, mungesa e burimeve mësimdhënëse si dhe atë plan programit nëpër shkolla.

Inteligjenca artificiale është duke u ofruar si mësim në disa shkolla si projekt pilot në rajonin Ciading të Shangajit.

Këshilli Shtetëror i Kinës me udhërrëfyesin e publikuar në korrik të vitit të kaluar i përbërë prej 3 hapave synon që deri në vitin 2030 sektori i inteligjencës artificiale në fushat civile e deri në ato ushtarake të arrijë në shifrën 150 miliardë dollarë. Vlera e sektorit të inteligjencës artificiale vitin e kaluar ishte rritur në 28 miliardë dollarë.

Continue Reading
Click to comment

Leave a Reply

Your email address will not be published. Required fields are marked *

Ekskluzive

Instagram prezanton aftësinë e shtimit të teksteve të këngëve në Instagram Stories

Instagram ka prezantuar në heshtje një aftësi të re që lejon përdoruesit të shtojnë tekstet kur ata ndajnë këngët në Storiet e tyre, duke përdorur ‘sticker’ muzikor. Megjithatë, kjo veçori varet nga disponueshmëria e tekstit për një këngë të veçantë të zgjedhur nga përdoruesi.

Përveç kësaj, ka një mundësi për të rregulluar se si tekstet do të duken në Storiet duke përzgjedhur fonte dhe dizajne të ndryshme.

Për më shumë, përdoruesit mund të zgjedhin një pjesë të caktuar të këngës për të ndarë dhe për të lëshuar.

Tekstet që korrespondojnë me atë pjesë të zgjedhur të këngës do të shfaqen më pas në Storie kur shihen nga miqtë.

Gjithashtu, përdoruesit e tjerë të Instagram mund të dëgjojnë më shumë pjesë të këngës ose të gjejnë më shumë detaje rreth artistit duke klikuar tekstet.

Tipari, megjithatë, është i disponueshëm vetëm në territoret ku përdoruesit mund të hyjnë në faqen e muzikës së Facebook, sipas Billboard.

Është pjesë e përpjekjes më të gjerë të Facebook për të ofruar përmbajtje muzikore nëpër shërbimet e tyre.

Në fund të vitit të kaluar, Instagram bëri një partneritet me Shazam për të zgjeruar opsionet e përdoruesve për muzikën e licencuar që ata duan të ndajnë në Storie. /Telegrafi/

Continue Reading

Ekskluzive

Adidasi sjell atletet që mund të riciklohen plotësisht

Adidasi sjell atletet që mund të riciklohen plotësisht

Çfarë sikur ta dinit që atletet që i bartni në vrapimet e mëngjesit një ditë do të jenë plotësisht të reja në këmbët e dikujt tjetër?

Me koleksionin e ri të Adidas, kjo është me të vërtetë e mundur, shkruan sot Koha Ditore.

Adidas e ka krijuar një seri atletesh, të cilat mund të riciklohen plotësisht. Pala e parë e këtyre atleteve nga koleksioni i quajtur Futurecraft Loop u prezantua në New York.

Nga fabrika gjermane e pajisjeve sportive thonë se këto atlete janë bërë nga vetëm një material, TPU-ja e prodhuar rishtazi, pa ngjitës dhe kimikate për t’i bashkuar copëzat. Ky është një dallim i madh në krahasim me atletet tradicionale Adidas, tek të cilat zakonisht ngjiten 12-15 komponentë.

Me këtë metodë prodhimi, kur vjen koha për t’i ricikluar atletet, materiali vetëm do të rafinohet për ripërdorim.

Nga Adidasi theksojnë se shpresojnë që secila palë e atleteve do të riciklohet disa herë. Qëllimi përfundimtar i kompanisë është të prodhojë më shumë modele të këtilla për t’i eliminuar një pjesë të madhe të mbetjeve plastike. Premtimi i kompanisë është që deri në vitin 2024 do të përdorë vetëm poliestër të riciklueshëm në secilin produkt.

Continue Reading

Ekskluzive

Rritet vlera e Bitcoinit

Rritet vlera e Bitcoinit

Valuta digjitale Bitcoin sot u ngrit në maksimumin nëntëmujor.

Vlera e tij në bursën Bitstamp u rrit 1.1 për qind në 7.279 dollarë, niveli më i lartë që nga fillimi i gushtit të vitit të kaluar, sipas Reuters.

David Thomas nga firma britanike GlobalBlock, thotë se thyerja e nivelit prej gjashtë mijë dollarë javën e kaluar ka kthyer interesimin për investime nga biznesmenët në bitcoin.

Vlera e bitcoin pothuajse është dyfishuar këtë vit.

Continue Reading

Trending