Connect with us

Ekskluzive

HP fillon me shitjen e ekranit Omen X Emperium 65 144Hz G-SYNC HDR

HP fillon me shitjen e ekranit Omen X Emperium 65 144Hz G-SYNC HDR

Në fillim të vitit, gjatë panairit CES 2019, HP-ja prezantoi një monitor të madh për gaming për lojtarët të cilët dëshirojnë hapësirë më të gjerë të ekranit. Monitori i madh quhet Omen X Emperium 65, ka çmim relativisht të lartë prej 5,000 dollarësh, dhe tani është në dispozicion në shitje, përcjell HotHardware.

Monitori HP Omen Emperium X 65 e ka të integruar NVIDIA SHIELD TV, katër porte USB dhe tri porte HDMI. HP gjithashtu implementon ndriçimin, i cili riprodhon ngjyra në mur prapa monitorit të cilat i imitojnë ngjyrat e aksionit që ndodh në ekran.

Karakteristikat kryesore të monitorit, të cilat do të jenë të rëndësishme për lojtarët, janë se koneksioni DisplayPort 1.4 i mbështet deri në 144 Hz, ndërsa ekrani mbështet HDR10 me një ndriçim maksimal prej 1000 nitësh dhe përkrahje për NVIDIA G-Sync. Rezolucioni origjinal është 3840 x 2160 piksel, dhe e mbulon 95% të ngjyrave gamut DCI-P3, shkruan KOHA Ditore.

Audio e integruar e përfshin 3-stereo AMP dhe një sound bar prej 120W me teknologjinë LOFAR për një gamë dinamike të zërit. Ofrohet edhe sensori i afërsisë së ndriçimit, i cili “ndjen” se ku është dora e lojtarit dhe i ndriçon inputet në pjesën e pasme të ekranit.

Continue Reading
Click to comment

Leave a Reply

Your email address will not be published. Required fields are marked *

Ekskluzive

Instagram prezanton aftësinë e shtimit të teksteve të këngëve në Instagram Stories

Instagram ka prezantuar në heshtje një aftësi të re që lejon përdoruesit të shtojnë tekstet kur ata ndajnë këngët në Storiet e tyre, duke përdorur ‘sticker’ muzikor. Megjithatë, kjo veçori varet nga disponueshmëria e tekstit për një këngë të veçantë të zgjedhur nga përdoruesi.

Përveç kësaj, ka një mundësi për të rregulluar se si tekstet do të duken në Storiet duke përzgjedhur fonte dhe dizajne të ndryshme.

Për më shumë, përdoruesit mund të zgjedhin një pjesë të caktuar të këngës për të ndarë dhe për të lëshuar.

Tekstet që korrespondojnë me atë pjesë të zgjedhur të këngës do të shfaqen më pas në Storie kur shihen nga miqtë.

Gjithashtu, përdoruesit e tjerë të Instagram mund të dëgjojnë më shumë pjesë të këngës ose të gjejnë më shumë detaje rreth artistit duke klikuar tekstet.

Tipari, megjithatë, është i disponueshëm vetëm në territoret ku përdoruesit mund të hyjnë në faqen e muzikës së Facebook, sipas Billboard.

Është pjesë e përpjekjes më të gjerë të Facebook për të ofruar përmbajtje muzikore nëpër shërbimet e tyre.

Në fund të vitit të kaluar, Instagram bëri një partneritet me Shazam për të zgjeruar opsionet e përdoruesve për muzikën e licencuar që ata duan të ndajnë në Storie. /Telegrafi/

Continue Reading

Ekskluzive

Adidasi sjell atletet që mund të riciklohen plotësisht

Adidasi sjell atletet që mund të riciklohen plotësisht

Çfarë sikur ta dinit që atletet që i bartni në vrapimet e mëngjesit një ditë do të jenë plotësisht të reja në këmbët e dikujt tjetër?

Me koleksionin e ri të Adidas, kjo është me të vërtetë e mundur, shkruan sot Koha Ditore.

Adidas e ka krijuar një seri atletesh, të cilat mund të riciklohen plotësisht. Pala e parë e këtyre atleteve nga koleksioni i quajtur Futurecraft Loop u prezantua në New York.

Nga fabrika gjermane e pajisjeve sportive thonë se këto atlete janë bërë nga vetëm një material, TPU-ja e prodhuar rishtazi, pa ngjitës dhe kimikate për t’i bashkuar copëzat. Ky është një dallim i madh në krahasim me atletet tradicionale Adidas, tek të cilat zakonisht ngjiten 12-15 komponentë.

Me këtë metodë prodhimi, kur vjen koha për t’i ricikluar atletet, materiali vetëm do të rafinohet për ripërdorim.

Nga Adidasi theksojnë se shpresojnë që secila palë e atleteve do të riciklohet disa herë. Qëllimi përfundimtar i kompanisë është të prodhojë më shumë modele të këtilla për t’i eliminuar një pjesë të madhe të mbetjeve plastike. Premtimi i kompanisë është që deri në vitin 2024 do të përdorë vetëm poliestër të riciklueshëm në secilin produkt.

Continue Reading

Ekskluzive

Rritet vlera e Bitcoinit

Rritet vlera e Bitcoinit

Valuta digjitale Bitcoin sot u ngrit në maksimumin nëntëmujor.

Vlera e tij në bursën Bitstamp u rrit 1.1 për qind në 7.279 dollarë, niveli më i lartë që nga fillimi i gushtit të vitit të kaluar, sipas Reuters.

David Thomas nga firma britanike GlobalBlock, thotë se thyerja e nivelit prej gjashtë mijë dollarë javën e kaluar ka kthyer interesimin për investime nga biznesmenët në bitcoin.

Vlera e bitcoin pothuajse është dyfishuar këtë vit.

Continue Reading

Trending