Connect with us

Android

Google publikon versionin e parë eksperimental të Android P, ja ndryshimet

Google publikon versionin e parë eksperimental të Android P, ja ndryshimet

Siç ka vepruar në vitet e fundit, Google publikoi të Enjten një model eksperimental të versionit të ardhshëm të Android.

Përpara se të pyesni, do tu themi se nuk e dimë si quhet në të vërtetë “Android P.” Një tjetër enigmë janë ndryshimet që pritet të vinë në ndërfaqen e përdoruesit.

Ky version i dedikohet kryesisht zhvilluesve, andaj do të ishte gabim i madh sikur të instalonit për përdorim ditor.

Mbase veçoria e cila pritet të tërheqë më shumë vëmendje është mbështetja për zona e papërdorshme të ekranit që mund të zihen nga sensorët, një risi në dizajn prezantuar nga Apple me iPhone X për herë të parë.

Këto zona ishin prezent në disa telefonë gjatë Kongresit Mobil Botëror mbajtur në Barcelonë dy javë më parë.

Kështu mbështetja do të jetë jetikë për këta telefonë dhe ata që pritet të ndjekin këtë trend gjatë vitit.

Zhvilluesit do të kenë mundësi të testojnë aplikacionet e tyre nëse funksionojnë me këto zona.

Ndryshimi tjetër madhor që përdoruesit do të shohin është paneli i ri i njoftimeve me skajet e harkuara.

Paneli sjell pamje të re për njoftimet nga aplikacionet e komunikimit të cilat do të përmbajnë edhe ca rreshta bisedë.

Aplikacionet do të pajisjen me “Replikat Inteligjente,” imazhe dhe sticker-a direkt nga njoftimi.

Duam të theksojmë se ky është një version eksperimental i Android P dedikuar zhvilluesve. Përveç ndryshimeve të lartpërmendura në pamje, pjesa tjetër janë zhvillime në sfond, larg syrit të përdoruesit si rritja e efikasitetit dhe performancës.

Google gjithashtu ofron një video ku shpjegon të gjitha veçori parë nga syri i një zhvilluesi.

Sakaq përdoruesit e një telefoni Pixel, Pixel XL, Pixel 2 dhe Pixel 2 XL mund të shkarkojnë nga ky moment versionin e parë të Android dhe ta instalojnë në telefonin e tyre. /PCWorld Albanian

Continue Reading
Click to comment

Leave a Reply

Your email address will not be published. Required fields are marked *

Android

Android 11 mund ta ketë opsionin e planifikimit të aktivizimit të dark mode

Android 11 mund ta ketë opsionin e planifikimit të aktivizimit të dark mode

Ky është një vendim i pazakontë i kompanisë, pasi që funksioni është tashmë i pranishëm në njërën nga beta buildet për Android 10. Kompania Google më pas e hoqi atë, duke i cekur problemet me interfejsin e përdoruesit.

Gjithashtu, është theksuar se llogaritja e kohës për agim/muzg mund të jetë jashtëzakonisht e vështirë, gjë që mund të çojë në një përvojë jocilësore të përdoruesit, raporton Neowin.

Tani si duket versioni i ardhshëm i Androidit më në fund do të mund ta implementojë mundësinë e aktivizimit/fikjes së Dark mode, shkruan KOHA Ditore. Google e ka rregulluar bugun në këtë pjesë të aplikacionit në Android, ndërsa funksioni është shënuar si “i disponueshëm në lansimet e ardhshme të Androidit”, gjë që me gjasë do të jetë Android 11.

Deri atëherë, përdoruesit do të duhet të mbështeten në aplikacionet eksterne, të cilat e ofrojnë një funksion të ngjashëm për telefona.

Continue Reading

Android

Gmail në Android pasurohet me Smart Compose

Gmail në Android pasurohet me Smart Compose

Plot 15 vite Google vendosi të lançonte klientin e-mail më 1 Prill. Padyshim nuk ishte shaka me rastin e 1 Prillit dhe Gmail u bë një prej produkteve më të suksesshme të Google.

Sot, për të festuar 15 vjetorin, ekipi i Gmail solli disa funksione të reja ku përfshihen Smart Compose dhe funksioni për të dërguar e-maile në një orar të paracaktuar.

Smart Compose është një prej funksioneve më intriguese të shërbimit të e-mailit dhe përpiqet të plotësojë automatikisht tekstin ndërsa ju shkruani.

Funksioni adaptohet me mënyrën sesi ju shkruani apo u përgjigjeni e-maileve. Përshembull nëse pëlqeni Hey në vend të Hi, Smart Compose do ta mësojë atë. Gjithashtu Smart Compose mund tju sugjerojë edhe subjekte e-mailesh në bazë të përmbajtjes së tyre.

Me këtë përditësim, Smart Compose tashmë është i disponueshëm tek të gjitha pajisjet Android. Google tha se më parë ka qenë i disponueshëm vetëm në Pixel. Mbështetja në iOS do të vijë së shpejti.

Smart Compose do të funksionojë me gjuhët Spanjolle, Franceze, Italiane dhe Portugeze. Një tjetër funksion që pritet të fitojë shumë vëmendje është ajo për të vendosur orare të dërgimit të e-maileve. Deri më sot duhej të përdornit një palë të tretë të integruar direkt në Gmail për të dërguar e-maile në orare të paracaktuara. /PCWorld Albanian

Continue Reading

Android

Androidi bëhet me certifikimin FIDO2 për logim pa password

Androidi bëhet me certifikimin FIDO2 për logim pa password

Androidi tani është certifikuar me FIDO2, që do të thotë se aplikacionet dhe sajtet që e mbështesin standardin në fjalë mund t’ua mundësojnë shfrytëzuesve që të logohen në to duke i përdorur gjurmët e gishtave ose çelësin fizik të sigurisë.

Që kjo të funksionojë, pajisja duhet ta ekzekutojë versionin e ri të softuerit Android 7.0 Nougat ose ndonjë version më të ri të softuerit, ndërsa aplikacioni duhet të certifikohet me FIDO. Për pajisjet që nuk kanë mundësi të verifikimit përmes gjurmëve të gishtave, mund të përdoret pini i sigurisë për logim, përcjell NDTV.

Edhe nëse përdoret versioni më i ri i Androidit, jo çdo aplikacion dhe sajt do të mundësojnë qasje përmes sensorit të gjurmëve të gishtave. Vetëm aplikacionet dhe sajtet që mbështeten në standardin WebAuth do ta mundësojnë një funksion të pandërprerë identifikimi. Disa aplikacione bankare tashmë e kanë bërë të mundur këtë ndërsa në të ardhmen priten më shumë aplikacione të mbështetura, shkruan KOHA Ditore.

FIDO Alliance njofton se zhvilluesit e uebit dhe krijuesit e aplikacioneve tani mund ta shtojnë verifikimin FIDO në aplikacionet e Android dhe sajtet e tyre nëpërmjet një API të thjeshtë. Theksohet se FIDO2 mbështetet me një siguri të fortë kriptografike, e cila mbron nga phishingu dhe sulmet përmes të dhënave të vjedhura të përdoruesve.

Continue Reading

Trending