Connect with us

Ekskluzive

Google Drive apo OneDrive: Ku të ruajmë dokumentet?

Google Drive apo OneDrive: Ku të ruajmë dokumentet?

Të gjithë jemi të vetëdijshëm se çfarë mund të ndodhë me dokumentet tonë nëse nuk gjejmë një mundësi për ti ruajtur në platformat cloud.

Pyetja që lind është: cilat platforma ofrojnë mundësitë më të mira për ruajtjen e dokumenteve. Më poshtë mund të lexoni një analizë të Google Drive dhe OneDrive si opsione ku mund të ruani dokumente.

Në varësi të asaj që do të ruani, bëni edhe zgjedhjen midis tyre pasi nuk janë absolutisht të njëjtë me njëri tjetrin.

Të ruash në Google Drive

Kapaciteti

Versioni falas i Google Drive ofron deri në 15GB memorie ku përfshihen edhe Gmail, Google Photos dhe Google Docs. Nëse keni një numër të madh e-mail-esh me dokumente të përmasave të mëdha bashkangjitur, atëherë një përqindje shumë e lartë e memories do të zihet nga emailet.

Foto pa limit

Një avantazh i Google Drive është edhe fakti që fotot nuk llogariten në limitin e 15GB nëse ngarkohen me anë të Google Photos me një cilësi të lartë. Kjo gjë nuk do të funksionojë nëse fotot ngarkohen direkt në Google Drive.

Integrimi i dokumentave Google

Google Drive integron dokumentat Word, Excel, PowerPoint direkt në platformë dhe nga aty mund të hapen dhe modifikohen online.

Çmimet për memorie ekstra

Nëse do ju duhet të shtoni memorien tuaj mbi 15BG, Google ju faturon 2$ për muaj deri në 100GB, 10$ për muaj deri në 1TB dhe 100$ për muaj deri në 10TB. Një çmim mjaft i arsyeshëm në krahasim me sasinë e memories që mban dhe për faktin që mund të aksesohet nga çdo pajisje.

Shqetësime në lidhje me privatësinë

Arsyeja më e fortë pse mund ta braktisni Google Drive është fakti që do të ketë në dorë material dhe të dhëna personale të cilat mund ti shfrytëzojë edhe për analiza të ndryshme dhe reklama. Në këtë rast, ose do ta pranoni këtë fakt ose nuk do të përdorni Google Drive.

Kur të zgjidhni Google Drive?

Keni shumë foto dhe nuk e keni problem ti ruani në cilësi jo origjinale
Keni nevojë për sa më shumë hapsirë me sa më pak kosto
Përdorni Google Docs si platformë në zyrë
Nuk ju shqetëson çështja e privatësisë
Të ruash në OneDrive

Kapaciteti

Version falas i OneDrive ofron 5GB memorie e cila mund të rritet nëse u sugjerohet edhe miqve. Sa herë një person që I keni sugjeruar OneDrive, regjistrohet për herë të pare me kodin e dërguar nga ju, secili përfiton 0.5GB ekstra. Në këtë mënyrë mund të arrihet deri në 10GB.

Integrimi OneNote

Nëse përdorni OneDrive dhe OneNote në të njëjtën llogari Microsoft, atherë ato ndajnë të njëjtin limit të memories, vetëm nëqoftëse përdorni versionin me pagesë të OneNote dhe i ruani shënimet offline. Në këtë rast kurseni memorie pasi shënimet mund të mbajnë foto dhe video që zënë shumë memorie.

Integrimi i Office Online

Dokumentet e Office mund të hapen dhe modifikohen nga OneDrive direkt duke u shpërndarë nëpërmjet Microsoft Free Online Suite: Word Online, Excel Online dhe PowerPoint Online. Kjo është mjaft me vlerë kur jeni në shkollë apo në punë dhe ju duhet të ndani punën tuaj me të tjerë.

Karakteristika shtesë për dokumentat

OneDrive ka dy karakteristika të rëndësishme:

Historia e dokumentit: çdo modifikim në dokumente ruhet deri në 30 ditë kështu keni mundësinë ti riktheheni kur të doni ndryshimeve të bëra
Dokumente sipas kërkesës: nëse nuk doni të keni dy kopje të të njëjtit dokument mund të zgjidhni opsionin “online only” dhe në këtë mënyrë ju ruhet vetëm në OneDrive
Çmimet për memorie ekstra

Për të shtuar memorien mund të paguani 2$ për muaj për 50GB ose të paguani 7$ për muaj nëse përdorni Office 365 Personal me të cilin përfitoni 1TB kapacitet memorie.

Kur të zgjidhni OneDrive?

Punoni vazhdimisht me dokumentat Office
Përdorni OneNote dhe doni të mbani të dhënat në të njëjtin shërbim
E dini se do të përdorni opsionin e historikut të dokumentit
Keni më shumë besim tek Microsoft se sa te Google në lidhje me të dhënat tuaja

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending