Connect with us

Ekskluzive

Google dhe Mastercardi me marrëveshje sekrete

Google dhe Mastercardi me marrëveshje sekrete

Google dhe Mastercard do të kishin nënshkruar një marrëveshje sekrete që do të lejonte kompaninë Google dhe reklamuesit e saj të gjurmonin shitjet me pakicë, pra “offline”, të mbi dy miliardë të konsumatorëve amerikanë.

“Google do të kishte paguar miliona dollarë për të marrë të dhënat nga Mastercardi dhe të dy kompanitë do të diskutonin gjithashtu për ndarjen e një pjese të fitimeve’’, sipas njerëzve që punonin për këtë marrëveshje.

Zëdhënësi i Google dhe Mastercard refuzuan të komentojnë.

‘’Nëse marrëveshja do të ishte e vërtetë (dy kompanitë nuk kanë folur ndonjëherë publikisht), më shumë se dy miliardë mbajtësit e MasterCard-ut kanë qenë të pavetëdijshëm për këtë ndjekje’’, vë në dukje Bloomberg.

Vitin e kaluar Google njoftoi një shërbim të quajtur ”Store Sales Measurement” duke shpjeguar se ai kishte çasje në “rreth 70%” të kartave të kreditit dhe debitit amerikan nëpërmjet partnerëve, pa përmendur ato, transmeton Alsat M

Historia ngre përsëri pikëpyetje për privatësinë.

“Njerëzit nuk presin që gjërat e blera në dyqane të lidhen me ato të blera online, nuk ka informacion të mjaftueshëm për konsumatorët rreth asaj se çfarë po bëjnë dhe cilat të drejta kanë”, shpjegon Christine Bannan, nga Qendra Informative e Privatësisë Elektronike (EPIC).

Pak javë më parë, Unicredit ndërpreu ndërveprimet e saj me Facebook, duke gjykuar rrjetin shoqëror “jo etik”.

Continue Reading
Click to comment

Leave a Reply

Your email address will not be published. Required fields are marked *

Ekskluzive

Instagram prezanton aftësinë e shtimit të teksteve të këngëve në Instagram Stories

Instagram ka prezantuar në heshtje një aftësi të re që lejon përdoruesit të shtojnë tekstet kur ata ndajnë këngët në Storiet e tyre, duke përdorur ‘sticker’ muzikor. Megjithatë, kjo veçori varet nga disponueshmëria e tekstit për një këngë të veçantë të zgjedhur nga përdoruesi.

Përveç kësaj, ka një mundësi për të rregulluar se si tekstet do të duken në Storiet duke përzgjedhur fonte dhe dizajne të ndryshme.

Për më shumë, përdoruesit mund të zgjedhin një pjesë të caktuar të këngës për të ndarë dhe për të lëshuar.

Tekstet që korrespondojnë me atë pjesë të zgjedhur të këngës do të shfaqen më pas në Storie kur shihen nga miqtë.

Gjithashtu, përdoruesit e tjerë të Instagram mund të dëgjojnë më shumë pjesë të këngës ose të gjejnë më shumë detaje rreth artistit duke klikuar tekstet.

Tipari, megjithatë, është i disponueshëm vetëm në territoret ku përdoruesit mund të hyjnë në faqen e muzikës së Facebook, sipas Billboard.

Është pjesë e përpjekjes më të gjerë të Facebook për të ofruar përmbajtje muzikore nëpër shërbimet e tyre.

Në fund të vitit të kaluar, Instagram bëri një partneritet me Shazam për të zgjeruar opsionet e përdoruesve për muzikën e licencuar që ata duan të ndajnë në Storie. /Telegrafi/

Continue Reading

Ekskluzive

Adidasi sjell atletet që mund të riciklohen plotësisht

Adidasi sjell atletet që mund të riciklohen plotësisht

Çfarë sikur ta dinit që atletet që i bartni në vrapimet e mëngjesit një ditë do të jenë plotësisht të reja në këmbët e dikujt tjetër?

Me koleksionin e ri të Adidas, kjo është me të vërtetë e mundur, shkruan sot Koha Ditore.

Adidas e ka krijuar një seri atletesh, të cilat mund të riciklohen plotësisht. Pala e parë e këtyre atleteve nga koleksioni i quajtur Futurecraft Loop u prezantua në New York.

Nga fabrika gjermane e pajisjeve sportive thonë se këto atlete janë bërë nga vetëm një material, TPU-ja e prodhuar rishtazi, pa ngjitës dhe kimikate për t’i bashkuar copëzat. Ky është një dallim i madh në krahasim me atletet tradicionale Adidas, tek të cilat zakonisht ngjiten 12-15 komponentë.

Me këtë metodë prodhimi, kur vjen koha për t’i ricikluar atletet, materiali vetëm do të rafinohet për ripërdorim.

Nga Adidasi theksojnë se shpresojnë që secila palë e atleteve do të riciklohet disa herë. Qëllimi përfundimtar i kompanisë është të prodhojë më shumë modele të këtilla për t’i eliminuar një pjesë të madhe të mbetjeve plastike. Premtimi i kompanisë është që deri në vitin 2024 do të përdorë vetëm poliestër të riciklueshëm në secilin produkt.

Continue Reading

Ekskluzive

Rritet vlera e Bitcoinit

Rritet vlera e Bitcoinit

Valuta digjitale Bitcoin sot u ngrit në maksimumin nëntëmujor.

Vlera e tij në bursën Bitstamp u rrit 1.1 për qind në 7.279 dollarë, niveli më i lartë që nga fillimi i gushtit të vitit të kaluar, sipas Reuters.

David Thomas nga firma britanike GlobalBlock, thotë se thyerja e nivelit prej gjashtë mijë dollarë javën e kaluar ka kthyer interesimin për investime nga biznesmenët në bitcoin.

Vlera e bitcoin pothuajse është dyfishuar këtë vit.

Continue Reading

Trending