Connect with us

Ekskluzive

Gjoba milionëshe për Samsung dhe Apple – ngadalësuan pajisjet e tyre, që ju të detyroheni të blini një të re

Gjoba milionëshe për Samsung dhe Apple – ngadalësuan pajisjet e tyre, që ju të detyroheni të blini një të re

Të gjithë e kemi dyshuar, por shumë pak prej nesh besonin se mund të ishte e vërtetë. Tani Apple dhe Samsung janë gjobitur me sasi të mëdha parash, për ngadalësimin me qëllim të pajisjeve të tyre.

Sipas medieve të huaja, përcjell Telegrafi, të dy kompanitë janë gjobitur nga 10 milionë euro, përkatësisht 5 milionë euro nga hetuesit në Itali për atë që ata po e quajnë ‘vjetërsimin e planifikuar’ të celularëve.

Në thelb, kjo do të thotë se ata kanë ndërtuar telefonat me synimin e drejtpërdrejtë që ata të ngadalësojnë me kalimin e kohës, duke ju detyruar juve që të blini një të ri.

Hetimi u nis në janar nga organi italian përgjegjës për monitorimin e konkurrencës midis kompanive, dhe ata zbuluan se përditësimet e softuerit nga të dy kompanitë në të vërtetë kishin një efekt të dëmshëm në punën e pajisjeve të tyre.

Mendohet se kjo është hera e parë që një vendim i tillë është bërë kundër ndonjë kompanie smartphonësh, megjithëse ishte dyshuar për pak kohë se diçka e tillë po ndodhte.

Siç thuhet tutje, kushdo që ka zotëruar ndonjëherë një prej telefonave të Apple ose Samsung, duhet patjetër të njihet me “vdekjen e pashmangshme” të telefonit të tyre, pa fajin e përdoruesit.

Mbikëqyrësi italian gjeti se ‘Apple dhe Samsung kanë zbatuar praktika tregtare të pandershme’.

Gjithashtu zbuloi se përditësimet e caktuara për sistemet operative “shkaktuan keqfunksionime serioze dhe performanca të reduktuara dukshëm, duke përshpejtuar zëvendësimin e telefonave”.

Gjithashtu thuhet se kompanitë nuk u tregonin klientëve mjaftueshëm se çfarë ndikimi do të kishte instalimi i softuerit të azhurnuar dhe nuk u ofronin “ndonjë mënyrë për të rikthyer funksionalitetin origjinal të produkteve”.

Si rezultat i këtij vendimi, të dy kompanive u janë shqiptuar gjobë maksimale prej 5 milionë eurosh, megjithëse Apple është gjobitur me 5 milionë euro shtesë për një çështje të veçantë që përfshin bateritë e tyre.

Si Apple ashtu edhe Samsung duhet të paraqesin informacion mbi vendimin në faqet e tyre italiane.

Apple në fakt, shkruajnë mediat e huaja, përcjell Telegrafi, e pranoi vitin e kaluar se ngadalësoi telefonat me softuerin, megjithëse kompania pretendoi se po bënte këtë gjë për të parandaluar ndaljen papritur të telefonit për shkak të degradimit të baterive të tyre të litiumit.
Apple ka kërkuar falje më parë, ka bërë zëvendësimin e baterive më të lira dhe ka ofruar mundësinë për të ndalur ngadalësimin e procesorit, si dhe monitorimin e jetës së baterisë.

Ndërsa, bëhet e ditur se Samsung ka ndërmend të apelojë vendimin duke thënë: “Samsung nuk ka lëshuar ndonjë përditësim softuerik që redukton performancën. Përkundrazi, Samsung gjithmonë ka lëshuar përditësime softuerike që u mundësojnë klientëve tanë që të kenë përvojën më të mirë të mundshme”. /Telegrafi/

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending