Connect with us

Android

Fortnite vjen këtë verë në Android

Fortnite vjen këtë verë në Android

Të luajturit lojëra në kohën e lirë është një nga hobit më të preferuar të shumë njerëzve. Pothuajse çdo ditë arrihet një lojë e re në botën e lojës. Disa lojëra marrin popullaritet të madh si Pokemon Go. Tani një lojë tjetër po dominon iOS, e cila është Fortnite. Pas dominimit të tabelave të lojrave iOS që nga marsi, loja e mbijetesës, Fortnite, po vjen në Android. Data e lançimit në Android do të jetë në verë.

Krijuesi Epic Games zbuloi lajmin në mes të një postimi të madh të titulluar “Gjendja e celularit”

“Ne e dimë se shumë prej jush janë të ngazëllyer për këtë lëshim dhe ne premtojmë se kur të kemi më shumë informacione për të ndarë, do ta dëgjoni atë nga ne së pari”.

Së bashku me lajmet për Fortnite Android, kompania ka njoftuar disa përditësime të reja në lojë. Epic zbuloi një konkurrencë të Battle Royal me një çmim të madh në të holla në lojë. Kompania gjithashtu parashtroi plane për të sjellë biseda me zë dhe përmirësuar luajtjen e lojës dhe kontrollet në anën e lëvizshme të gjërave. Statistikat po vijnë edhe në celular, së bashku me një madhësi të reduktuar të instalimit.

Më parë këtë vit, loja raportohej se sillte 126 milionë dollarë të ardhura mujore. Për më tepër, loja përfshin më shumë se 1 milion dollarë në ditë. Tani duke e çuar këtë lojë në Android do të dyfishojë të ardhurat në pak kohë. Le të shohim se kur kjo lojë do të jetë e disponueshme për përdoruesit e Android. /PCWorld Albanian

Continue Reading
Click to comment

Leave a Reply

Your email address will not be published. Required fields are marked *

Android

Android 11 mund ta ketë opsionin e planifikimit të aktivizimit të dark mode

Android 11 mund ta ketë opsionin e planifikimit të aktivizimit të dark mode

Ky është një vendim i pazakontë i kompanisë, pasi që funksioni është tashmë i pranishëm në njërën nga beta buildet për Android 10. Kompania Google më pas e hoqi atë, duke i cekur problemet me interfejsin e përdoruesit.

Gjithashtu, është theksuar se llogaritja e kohës për agim/muzg mund të jetë jashtëzakonisht e vështirë, gjë që mund të çojë në një përvojë jocilësore të përdoruesit, raporton Neowin.

Tani si duket versioni i ardhshëm i Androidit më në fund do të mund ta implementojë mundësinë e aktivizimit/fikjes së Dark mode, shkruan KOHA Ditore. Google e ka rregulluar bugun në këtë pjesë të aplikacionit në Android, ndërsa funksioni është shënuar si “i disponueshëm në lansimet e ardhshme të Androidit”, gjë që me gjasë do të jetë Android 11.

Deri atëherë, përdoruesit do të duhet të mbështeten në aplikacionet eksterne, të cilat e ofrojnë një funksion të ngjashëm për telefona.

Continue Reading

Android

Gmail në Android pasurohet me Smart Compose

Gmail në Android pasurohet me Smart Compose

Plot 15 vite Google vendosi të lançonte klientin e-mail më 1 Prill. Padyshim nuk ishte shaka me rastin e 1 Prillit dhe Gmail u bë një prej produkteve më të suksesshme të Google.

Sot, për të festuar 15 vjetorin, ekipi i Gmail solli disa funksione të reja ku përfshihen Smart Compose dhe funksioni për të dërguar e-maile në një orar të paracaktuar.

Smart Compose është një prej funksioneve më intriguese të shërbimit të e-mailit dhe përpiqet të plotësojë automatikisht tekstin ndërsa ju shkruani.

Funksioni adaptohet me mënyrën sesi ju shkruani apo u përgjigjeni e-maileve. Përshembull nëse pëlqeni Hey në vend të Hi, Smart Compose do ta mësojë atë. Gjithashtu Smart Compose mund tju sugjerojë edhe subjekte e-mailesh në bazë të përmbajtjes së tyre.

Me këtë përditësim, Smart Compose tashmë është i disponueshëm tek të gjitha pajisjet Android. Google tha se më parë ka qenë i disponueshëm vetëm në Pixel. Mbështetja në iOS do të vijë së shpejti.

Smart Compose do të funksionojë me gjuhët Spanjolle, Franceze, Italiane dhe Portugeze. Një tjetër funksion që pritet të fitojë shumë vëmendje është ajo për të vendosur orare të dërgimit të e-maileve. Deri më sot duhej të përdornit një palë të tretë të integruar direkt në Gmail për të dërguar e-maile në orare të paracaktuara. /PCWorld Albanian

Continue Reading

Android

Androidi bëhet me certifikimin FIDO2 për logim pa password

Androidi bëhet me certifikimin FIDO2 për logim pa password

Androidi tani është certifikuar me FIDO2, që do të thotë se aplikacionet dhe sajtet që e mbështesin standardin në fjalë mund t’ua mundësojnë shfrytëzuesve që të logohen në to duke i përdorur gjurmët e gishtave ose çelësin fizik të sigurisë.

Që kjo të funksionojë, pajisja duhet ta ekzekutojë versionin e ri të softuerit Android 7.0 Nougat ose ndonjë version më të ri të softuerit, ndërsa aplikacioni duhet të certifikohet me FIDO. Për pajisjet që nuk kanë mundësi të verifikimit përmes gjurmëve të gishtave, mund të përdoret pini i sigurisë për logim, përcjell NDTV.

Edhe nëse përdoret versioni më i ri i Androidit, jo çdo aplikacion dhe sajt do të mundësojnë qasje përmes sensorit të gjurmëve të gishtave. Vetëm aplikacionet dhe sajtet që mbështeten në standardin WebAuth do ta mundësojnë një funksion të pandërprerë identifikimi. Disa aplikacione bankare tashmë e kanë bërë të mundur këtë ndërsa në të ardhmen priten më shumë aplikacione të mbështetura, shkruan KOHA Ditore.

FIDO Alliance njofton se zhvilluesit e uebit dhe krijuesit e aplikacioneve tani mund ta shtojnë verifikimin FIDO në aplikacionet e Android dhe sajtet e tyre nëpërmjet një API të thjeshtë. Theksohet se FIDO2 mbështetet me një siguri të fortë kriptografike, e cila mbron nga phishingu dhe sulmet përmes të dhënave të vjedhura të përdoruesve.

Continue Reading

Trending