Connect with us

Ekskluzive

Epoka e kriptomonedhave ka filluar

Bitcoin dhe Ethereum kanë shumë ngjashmëri. Të dyja janë kriptovaluta që vijnë në formë “monedhe”, gjë që u jep një vlerë specifike, e cila mund të paraqitet si një vlerë dollari ose euro. Gjithashtu, të dy mbështeten në “blockchain”-in, për transaksione të sigurta.

Këto ngjashmëri mund të jenë aq identike, sa që ata që janë të rinj në përdorimin e monedhave digjitale mund të mendojnë se në fakt, nuk janë duke bërë një zgjedhje, por duke zgjedhur mes dy të barabartave.

Por, nuk është kështu.

Në fakt, ekzistojnë disa dallime të mëdha ndërmjet dy monedhave digjitale. Nëse po mendoni të përdorni një nga këto, është e rëndësishme të dini se cilat janë ato dallime, në mënyrë që të bëni zgjedhjen e duhur.

Përdorimi

Flasim për dobishmërinë dhe përdorimin.

Për momentin, Bitcoin është lideri i qartë. Ka ardhur më herët dhe më shumë shitës online e pranojnë si një formë pagese. Ethereum, nga ana tjetër, po fiton popullaritet, sidomos në bizneset amerikane.

Megjithatë, Bitcoin ende ka avantazh të thellë. Me ritmin që po zgjerohet Ethereumi, është vetëm çështje kohe para se kjo të ndryshojë.

Për blerjen e kriptomonedhave, mund të qaseni në mënyra të ndryshme. Për momentin, metoda më e përhapur për qasjen në Bitcoin apo Ethereum është përmes një broker-i (ndërmjetësi). Bitcoin është shumë e vështirë të nxirret pa një lloj të caktuar kompjuteri për shkak se blockchain-i është më i madh, por Ethereum do të mbërrijë gjithashtu në këtë pikë, në një të ardhme të afërt.

Besueshmëria

Edhe Bitcoin, edhe Ethereum kanë një shkallë të lartë besueshmërie por një pjesë e mirë e kësaj varet nga përdoruesi. Mund të përdorësh me siguri një kriptomonedhë vetëm nëse keni edukimin e duhur, kur vjen fjala tek depozitimi dhe përdorimi i parave tuaja. Duhet të keni llojin e duhur të kuletës digjitale, për qëllimet tuaja.

Për shembull, mund t’i mbani ose në kopjuter, ose në celular, ose në një hard disk të jashtëm të lidhur në rrjet. Në varësi të qëllimit që keni, secila prej këtyre është shumë mirë.

Ethereum ka huazuar shumë nga Bitcoin, por të dyja kanë bërë përmirësime të mëdha në mënyrën si përpunohet “blockchain”, si mund të mbahen të sigurta paratë digjitale, dhe si mund të sigurohen transaksionet.

Siguria

Ethereum dhe Bitcoin të dy përdorin “blockchain”-in për të siguruar që monedha e falsifikuar të mos ekzistojë. Në këtë aspekt, Ethereum ka një avantazh mbi Bitcoin.

Ethereum përdor diçka që quhet Kontrata e Zgjuar në teknologjinë e saj. Kjo ju lejon të programoni transaksione. Pra, nëse doni të bëni një pagesë automatike për një shitës çdo muaj, ju mund ta bëni atë me Ethereumin.

Nëse kjo është për ju apo jo, varet nga qëllimet tuaja. Sigurisht, pagesat automatike krijojnë lehtësi, por kjo nuk do të thotë domosdoshmërisht se është masa më e mirë që mund të merrni.

Kontratat e Zgjuara gjithashtu ju lejojnë të blini artikuj të tjerë, si aksione dhe prona. Kjo i jep Ethereum më shumë hapësirë përdorimi në botën reale, që Bitcoin aktualisht nuk e ka.

Bitcoin gjithashtu bëri shumë gabime sa i përket sigurisë, disa vjet më parë. Ne kemi dëgjuar të gjitha tregimet e tmerrshme rreth humbjes së parave gjatë shkëmbimeve, apo hakerëve që kanë qasje në miliona dollarë në Bitcoin.

Këto gabime janë shndërruar në përvoja të mëdha të të mësuarit si për Bitcoin ashtu edhe për çdo monedhë tjetër dixhitale. Shpresojmë, këto gabime nuk do të ndodhin përsëri dhe se kriminelët nuk do të gjejnë metoda të reja dhe krijuese për të fituar qasje të paligjshme në paratë tuaja.

Hapësirë për Rritje

Si Bitcoin, edhe Ethereum kanë përjetuar shumë paqëndrueshmëri. Të dyja kanë parë rritje dhe rënie të mëdha.

Bitcoin ka parë një stabilitet shumë më tepër se sa në të kaluarën. Megjithatë, me rritjen e madhe që monedha digjitale ka parë në vitet e fundit, shumë tregtarë dhe investitorë janë të shqetësuar se mos do të kemi një flluskë Bitcoin.

Nëse është kështu, atëherë Bitcoin mund të bjerë në vlerë. Kjo është e vështirë të konfirmohet në një mënyrë ose në një tjetër, kryesisht sepse Bitcoin është i vlefshëm vetëm nëse njerëzit e përdorin atë.

Ethereumi është shumë më e re se Bitcoin. Gjithashtu, vlen të theksohet se Ethereum është shumë më e qëndrueshme se sa ishte Bitcoin, në këtë pikë të jetës së saj.

Ekspertët e tregut kanë vënë në dukje se Ethereumi ka shumë gjëra që Bitcoin nuk i bën. Disa madje kanë vazhduar të thonë se Ethereum së shpejti do të tejkalojë Bitcoin në vlerë.

Është e vështirë të thuash nëse kjo është e vërtetë, por ka disa argumente të forta që shkojnë në të dy drejtimet. Të dyja kanë shumë hapësirë për rritje. Megjithatë, duke u bazuar në atë se sa shpejt Ethereum është përshtatur në këtë treg në zhvillim, duket sikur kjo monedhë ka shumë hapësirë shtesë për rritjen, që Bitcoin nuk e ka. /Bota.al

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending