Connect with us

Ekskluzive

E-Lejet, zbatimi nuk ka qenë i lehtë, sfidë shqyrtimi brenda 60 ditëve

E-Lejet, zbatimi nuk ka qenë i lehtë, sfidë shqyrtimi brenda 60 ditëve

Procesi i aplikimit online për leje ndërtimi (e-leje), që ka filluar nga shtatori 2016 ka hasur në problematika, si psh mos përfundimi i procedurave të shqyrtimit brenda 60 ditëve kalendarike, vështirësitë e administratës së tyre për t’u shkëputur nga tradita shkresore, apo parimi i miratimit në heshtje i cili nuk respektohet në të gjitha rastet dhe veçanërisht në rastin kur Bashkitë nuk marrin përgjigje nga ZVRPP mbi gjendjen e pasurisë. Këto janë disa nga shqetësimet e evidentuara nga Këshilli i Investimeve.

Ky i fundit zhvilloi më 13 shkurt 2018 mbledhjen e tij të radhës, drejtuar nga Ministri i Financave dhe Ekonomisë, Z. Arben Ahmetaj. Në fokus të mbledhjes ishte prezantimi dhe diskutimi i gjetjeve me kryesore të subjekteve mbi e-Lejet, si pjesë e reformës së Derregullimit si edhe lançimi i proçesit për përgatitjen e ligjit të ri të unifikuar të investimeve me mbështetjen e International Finance Corporation (IFC).

Analiza kishte për qëllim evidentimin e problematikave më kryesore të përdoruesve të platformës e-Leje (projektues, zhvillues, investitorë, etj) lidhur me procesin e aplikimit për leje zhvillimi, leje ndërtimi apo aplikime të tjera (rreth 20 shërbime), me synim thjeshtimin e mëtejshëm të proçedurave në kontekstin e Reformës së Derregullimit. Në fjalën e tij, Ministri Ahmetaj theksoi se “Derregulimi konsiderohet si një reformë thelbësore për të përmirësuar të bërit biznes në vendin tonë, për të përmirësuar jetën e përditshme të qytetarëve në marrëdhënie me administratën, për të reduktuar në maksimum burokracinë dhe sigurisht për t’i kursyer kohë, para e punë sipërmarrjes në vazhdimësi”.

Në prezantimin e përgatitur nga Sekretariati, mbi Gjetjet e Notës Teknike u theksua se zbatimi prej 1 shtator 2016 i platformës e-Leje si i vetmi instrument i aplikimit, shqyrtimit dhe miratimit të lejeve të ndërtimit ka disiplinuar shqyrtimin e aplikimeve nga pikëpamja e afateve si për aplikuesit ashtu edhe për institucionet duke ulur edhe kostot operacionale për të dyja palët. Ndëkohë, përfundimi i procedurave të shqyrtimit brenda 60 ditëve kalendarike mbetet sfidë për administratën e Bashkive. Zbatimi i kësaj risie nuk ka qenë i lehtë duke patur në konsideratë kapacitetet e kufizuara të disa Bashkive apo institucioneve të veçanta, vështirësitë e administratës së tyre për t’u shkëputur nga tradita shkresore e praktikave dokumentare apo për t’u informuar në kohë mbi konceptet e reja të legjislacionit të fushës si p.sh. parimi i miratimit në heshtje i cili nuk respektohet në të gjitha rastet dhe veçanërisht në rastin kur Bashkitë nuk marrin përgjigje nga ZVRPP mbi gjendjen e pasurisë.

Gjatë mbledhjes pati diskutime nga anëtarët e Këshillit mbi rekomandimet e mundshme të përgatitura nga Sekretariati në konsultim me palët mbi përmirësimin e funksionimit të sistemit, duke u fokusuar në aspektet ligjore, institucionale dhe teknike.

Më tej, në përputhje me rendin e ditës, u bë edhe një prezantim nga znj. Laura Qorlaze, përfaqësuese e IFC në Shqipëri, mbi proçesin e draftimit të ligjit të ri të unifikuar të investimeve të përgatitur me mbështetjen e IFC dhe me financim të Qeverisë Zvicerane. Drafti ka filluar të diskutohet me grupin e punës së ngritur në Ministrinë e Ekonomisë dhe Financave për t’u prezantuar më tej në Këshillin e Investimeve në mbledhjen e tij të rradhës si dhe për diskutim me biznesin sipas një plani të miratuar tashmë midis aktorëve.

Në mbledhje ishin të pranishëm perfaqësues të studiove projektuese, zhvillues, si edhe përfaqësues të shoqatave të biznesit vendas dhe të huaj. /Monitor

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending