Connect with us

Ekskluzive

Depozitoni para tashmë pranë ATM-ve të Raiffeisen Bank

Depozitoni para tashmë pranë ATM-ve të Raiffeisen Bank

Deri më sot keni mundur të tërhiqni para nga ATM-të. Por së fundi ju mundeni gjithashtu të depozitoni para. Përmes ATM-ve të Raiffeisen Bank, çdo klient i bankës mund të depozitojë para përveç tërheqjes. Sipas bankës, për të kryer depozitime duhet të keni një produkt kartë debiti ose kartë krediti nga Raiffeisen Bank.

Llojet e depozitimeve janë dy:

1) Depozitim parash nëpërmjet kartës suaj të debitit Visa electron të lëshuar nga Raiffeisen Bank: në këtë rast, mbajni paratë në një vend të sigurtë në vend që t’i mbani cash. Ju mund të depozitioni para në llogarinë tuaj rrjedhëse të kartës së debitit në mënyrë që të kryeni pagesa të planifikuara në dyqane ose pagesa online ose për të kryer pagesa të ndryshme përmes llogarisë tuaj rrjedhëse. Kjo vlen edhe për këstet e kredisë.

2) Depozitim parash në llogarinë e kartës së kreditit MasterCard nga Raiffeisen Bank. Në këtë rast, mund të kryeni depozitim fondesh në llogarinë e kartës suaj të kreditit 24/7 – në kohën më të përshtatshme për ju edhe pas orarit zyrtar të bankës.

Për shlyerjen në kohë të detyrimeve të kartës suaj, është e nevojshme që të depozitoni sasinë e parave në ATM jo më vonë se ora 19:00 e datës së fundit të pagesës. Kjo vetëm nëse nuk keni gjendje të mjaftueshme në llogarinë rrjedhëse nga ku detyrimet shlyhen automatikisht nga banka përmes procesit Direct Debit brenda orës 16:00.

Sipas burimeve zyrtare të Raiffeisen Bank, çdo depozitim fondesh në ATM që mund të kryeni me kartën tuaj të kreditit bëhet i disponueshëm menjëherë për përdorim dhe ju mund të kryeni pagesa të planifikuara në dyqane, pagesa online, etj.

Shlyerja e detyrimit minimal (5 %) apo maksimal (100 %) të kartës së kreditit përmes Direct Debit të autorizuar nga banka, vepron në mënyrë të pavaruar nga depozitimet e klientit në ATM. Procesi i Direct debit vepron automatikisht sipas datave të paracaktuara nëse klienti ka fonde në llogari edhe nëse klienti ka kryer depozitim parash në ATM para ekzekutimit të këtij procesi.

Të gjitha lëvizjet kreditore në favor të llogarisë së kartës së kreditit gjatë muajit përkatës, reflektohen në fund të ciklit mujor, duket ulur detyrimin dhe interesat respektive të aplikuara.

Çfarë hapash duhet të ndiqni për të kryer depozitimin në ATM?

Vendosni kartën tuaj të debitit/kreditit në ATM dhe vendosni kodin PIN në mënyrë që të identifikoheni. Më tej, duke ndjekur udhëzimet në ekranin e ATM-së, ju mund të kryeni depozitimin e shumës së kërkuar.

Për të kryer depozitime cash në ATM-të e Raiffeisen Bank me kartën e debitit Visa Electron ose me kartën e kreditit duhet të respektohet monedha e llogarisë me të cilën është lidhur karta.

Kartat në monedhën Lek pranojnë depozitime vetëm në monedhën Lek, ndërsa kartat në monedhën Euro pranojnë depozitime vetëm në Euro.

Ju mund të depozitoni në dy monedha, Lekë dhe Euro.

Kartëmonedhat që pranohen në ATM / lekë janë: 500 lekë, 1.000 Lekë, 2.000 Lekë dhe 5.000 Lekë.

Kartëmonedhat që pranohen në ATM/ Euro janë: 5 Euro, 10 Euro, 20 Euro, 50 Euro, 100 Euro dhe 200 Euro.

Kartëmonedhat duhet të vendosen në pozicionin gjatësor horizontal, së bashku dhe pa qenë e nevojshme renditja. Numri maksimal i kartëmonedhave për një depozitim është 90.

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending