Connect with us

Ekskluzive

#DeleteFacebook? Amerikanët nuk janë gati

#DeleteFacebook? Amerikanët nuk janë gati

A janë njerëzit me të vërtetë gati të largohen nga Facebook për shkak të skandalit të Cambridge Analytica? Jo me të vërtetë, sugjeron një studim i ri.

Firma këshilluese Creative Strategies realizoi një sondazh tek 1,000 amerikanë në fillim të këtij muaji dhe zbuloi se 17% kishin hequr aplikacionin Facebook nga smartfonët e tyre; 9% e kishin fshirë plotësisht llogarinë e tyre.

“Këto shifra mund të mos shqetësojnë shumë Facebook, por ka hapa më drastikë që përdoruesit po marrin dhe që duhet të jenë shqetësuese pasi ato ndikojnë drejtpërdrejt në modelin e biznesit të Facebook”, tha analistja Carolina Milanesi në një deklaratë. “Angazhimi më i ulët është rreziku i vërtetë për Facebook”, tha ajo, duke treguar për 35% të marrësve të sondazhit që thanë se po përdorin më rrallë Facebook.

Një tjetër 35% i shoqërisë kishin ndryshuar cilësimet e tyre në platformë, me sa duket për të ekspozuar më pak të dhënat e tyre personale, ndërsa 28% kurrë nuk kishin besuar te Facebook për të krijuar një llogari në të. “Ky duhet të jetë shqetësimi i vërtetë për Facebook, pasi përdoruesit e paangazhuar do të jenë më pak të vlefshëm për markat që po paguajnë për shërbimet e Facebook “, tha Milanesi.

Lajmi I vjedhjes së të dhënave nga Cambridge Analytica u publikua në mes të marsit, kur Facebook ndaloi kompaninë dhe bashkëpunëtorët e saj nga platforma. Shumica e amerikanëve duket se i kushtojnë vëmendje lajmeve; 76% e të anketuarve ishin të paktën “disi të vetëdijshëm” për polemikat e Cambridge Analytica.

Pse njerëzit përdorin Facebook? Rreth gjysma e anketuesve thanë se e bëjnë këtë për të mbajtur kontakt me miqtë dhe familjen që jetojnë në një zonë tjetër ose kanë humbur kontaktin. Por 20% e përdorin atë për të shuar mërzinë. Gjatë paraqitjes së tij në Capitol Hill këtë javë, Mark Zuckerberg u pyet për të konfirmuar se “Facebook nuk ka vënë re një rritje të konsiderueshme në përdoruesit që çaktivizojnë llogaritë e tyre” ose “një rënie në ndërveprimin e përdoruesit në Facebook” që kur skandali i Cambridge Analytica u bë publik.

“Po, kjo është e saktë”, u përgjigj Zuckerberg. Kjo deklaratë erdhi pasi kompania zbuloi se 87 milionë përdoruesve të Facebook i ishin vjedhur të dhënat e tyre personale nga Cambridge Analytica. Për të rifituar besimin e publikut, Facebook ka krijuar mjete të reja dhe ka hequr dorë nga të tjerët. /PCWorld Albanian

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending