Connect with us

Ekskluzive

Çfarë është GDPR dhe si do të ndikojë tek ne?

Çfarë është GDPR dhe si do të ndikojë tek ne?

Quhet General Data Protection Regulation (GDPR) dhe përfaqëson rregullat e reja në lidhje me të dhënat në Europë. Ju mund të mendoni se GDPR është një tërësi ligjesh të krijuar për të mbushur e-mailin me njoftime nga kompani që mund të keni pasur kontakt online.

Kohët e fundit, kompanitë kanë nisur fushatën e dërgimit të e-maileve që njoftojnë se politika e privatësisë ka ndryshuar.

Por GDPR është më shumë se kaq. Rregullat e reja, të cilat kanë rreth 7 vjet që përpilohen, do të vihen në funksion duke nisur nga data 25 maj dhe mendohet se do të ndikojë në çdo fushë nga teknologjia tek reklamat, e nga mjekësia tek bankat.

Çfarë është GDPR?

Ky ligj është një zëvendësim i direktivave mbi mbrojtjen e të dhënave të vitit 1995. GDPR do të përforcojë akoma më shumë disa nga të drejtat: individët do ta gjejnë veten me më shumë fuqi për ti kërkuar kompanive të zbulojnë apo të fshijnë të dhënat që ata do të kërkojnë, rregullatorët do të punojnë konkretisht në të gjithë Europën pa qenë e nevojshme të krijojnë aksione në çdo juridiksion, me gjoba që mund të arrijnë 20 milionë dollarë ose rreth 4% të të ardhurave të kompanive.

Kë prek GDPR?

GDPR ndikon tek çdo kompani, por ato që preken më shumë janë kompanitë e mëdha të cilat procesojnë një numër mjaft të madh të dhënash nga konsumatorët e tyre si në rastin e kompanive teknologjike, të kërkimit etj. Edhe proceset më minimale e të thjeshta si në rastin e fshirjes apo aksesit të të dhënave, përbën për këto kompani një pengesë të madhe pasi në të shkuarën ato mund të mos kenë patur mënyra për mbledhjen dhe selektimin e të dhënave. Impakti më i madh do të jetë për kompanitë ku modeli i biznesit bazohet tek blerja dhe përpunimi i sasive të mëdha të të dhënave. Nëse kompanitë deri tani mbështeteshin thjesht tek aprovimi për përdorimin e të dhënave, tashmë ky aprovim duhet të jetë më rigoroz dhe i rinovuar në shumicën e rasteve.

Si ndikon GDPR tek kompanitë e mëdha?

Kompanitë e mëdha në botë kanë përditësuar uebsajtet e tyre në mënyrë që të jenë në të njëjtën linjë me GDPR. Facebook ka prezantuar një sërë rregullash të cilat vendosin përdoruesit në kontroll të të dhënave të tyre, madje duke i ofruar mundësi për shkarkimin e të dhënave që ata krijojnë në aplikacion. Apple gjithashtu ka ndryshuar rregullat e privatësisë, por deklaroi se nuk mbledh të dhëna personale ashtu si konkurrentët e saj kështu që nuk iu desh të ndryshonte shumë rregulla për tu përshtatur. Ndërsa Google arriti të ndryshonte rregullat e privatësisë qetësisht pa tërhequr vëmendjen.

Çfarë do të thotë për ne GDPR?

Ju keni fuqinë të mbani kompanitë të lidhur si kurrë më parë. Nëse individët fillojnë të përfitojnë nga GDPR, duke dhënë pëlqimin për përdorime të caktuara të të dhënave, duke kërkuar akses në të dhënat e tyre personale nga agjentët e të dhënave ose duke fshirë informacionet e tyre nga sajtet e ndryshme, mund të ketë një ndikim të madh në industrinë e të dhënave.

A mund të injorohen të gjitha ato emaile?

Sigurisht. Kompanitë janë vendosur në dy kampe, në varësi të këshillave ligjore që kanë marrë. Nga njëra anë janë ata që argumentojnë se kanë një “interes të ligjshëm” në përpunimin e të dhënave tuaja dhe vetëm ndiejnë nevojën t’ju njoftojnë për ndryshimet e ardhshme të kushteve të tyre; nga ana tjetër janë ata që besojnë se kanë nevojë për pëlqim të qartë nga individët për të mbajtur të dhënat. Sido që të jetë, skenari më i keq është që injorimi i një email-i do të thotë që ju do të merrni më pak në të ardhmen. Dhe në qoftë se i doni këto emaile, ju mund të regjistroheni përsëri.

Cili do të jetë efekti afatgjatë?

Edhe pa presion nga përdoruesit, kompetencat e reja që u jepen komisionerëve të informacionit në të gjithë BE-në duhet të rezultojnë që përpunuesit e të dhënave të jenë më të kujdesshëm në përdorimin e të dhënave të vjetra për qëllime të rëndësishme. GDPR mund të shërbejë gjithashtu për të forcuar lojtarët dominues. Një startup i ri mund ta ketë të vështirë t’i bindë përdoruesit që të pranojnë mbledhjen e të dhënave, por nëse një kompani si Facebook ofron një marrëveshje marrjeje ose lënieje, ajo mund të fitojë shpejt miratimin nga miliona përdorues.

A do të funksionojë?

“Do të ketë moszbatime të rregullave nga kompanitë që kërkojnë të fitojnë një avantazh konkurrues”, thotë Ben Robson, partner në firmën ligjore Oury Clark. “Por parimi i paraqitur rishtazi i llogaridhënies dhe shkalla e dënimeve të vëna në dispozicion të rregullatorëve duhet të përbëjnë një pengesë më të madhe kundër shkeljes dhe një zhvendosje nga regjimi i tanishëm, i injoruar gjerësisht”.

A është ky fundi?

Jo me një goditje. Ditët e para ndoshta do të përbëhen nga një përplasje e rasteve gjyqësore, pasi individët dhe firmat do të argumentojnë nëse interpretimi i tyre është i saktë apo jo.

A është kjo në mbarë botën?

GDPR zbatohet vetëm për BE dhe të dhënat e përpunuara atje, por duke pasur parasysh gjerësinë e tregut, shumë kompani janë duke vendosur që është më e lehtë të zbatojë kushtet e saj në nivel global. Mjetet e privatësisë së Apple janë në mbarë botën, për shembull, siç janë edhe Facebook (ndonëse ky i fundit nuk premton të zbatojë çdo aspekt të GDPR globalisht, duke vënë në dukje se rregullat mund të bien ndesh me rregulloret e privatësisë në juridiksione të tjera).

Çfarë ndodh pas Brexit?

Rregullorja së shpejti do të jetë pjesë e bazave ligjore në Mbretërinë e Bashkuar, falë projektligjit për mbrojtjen e të dhënave që po punon parlamenti që nga shtatori 2017, dhe qeveria është zotuar ta mbajë atë pas Brexit. Në teori, një qeveri e ardhshme mund të ndryshojë ligjin përsëri – por edhe atëherë, çdo kompani britanike që dëshiron të bëjë biznes me evropianët do të duhet të ndjekë rregulloren.

Po në Shqipëri?

Në vendin tonë ende nuk flitet për rregullat e privatësisë dhe çfarë ndikimi mund të kenë ato në kompanitë shqiptare. Për momentin, nuk ka asnjë lajmërim pasi GDPR do të jetë në funksion të vendeve anëtare të Bashkimit Europian. GDPR mund të ndikojë në ndryshimin e politikave të të dhënave për kompanitë shqiptare që operojnë në marrëdhënie me tregun europian.

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending