Connect with us

Ekskluzive

Çfarë është 5G-ja dhe pse bllokimi i marrëveshjes Broadcom-Qualcomm do ta bëjë Amerikën lider në këtë drejtim

Çfarë është 5G-ja dhe pse bllokimi i marrëveshjes Broadcom-Qualcomm do ta bëjë Amerikën lider në këtë drejtim

Makinat autonome, shtëpitë e ndërlidhura dhe qytetet inteligjente.

Inovacione të tilla pritet të rimodelojnë industrinë e teknologjisë dhe shoqërinë në veçanti, por asnjëra prej tyre nuk ka për tu realizuar nëse nuk shtrihet infrastruktura e duhur e njohur si 5G.

Gjenerata e pestë e rrjeteve celulare do të rrisë kapacitetet e shpejtësisë dhe volumit të të dhënave që mund të transportohen në rrjetet wireless, duke sjellë kështu një botë më afër epokës së automatizimit si dhe një shans të artë për kompanitë që prodhojnë pajisje të tilla.

Janë pikërisht përmasat që kjo teknologji mund të arrijë të cilat nxitën administratën Trump dhe agjencitë e tjera federale të bllokonin blerjen e Qualcomm nga kompania me seli në Singapor, Broadcom.

Bllokimi i marrëveshjes 117 miliardë dollarëshe ishte një lëvizje e paprecedent për Shtëpinë e Bardhë, e cila e sheh si kërcënim për sigurinë kombëtare.

Zyrtarisht Broadcom lajmëroi tërheqjen nga blerja e Qualcomm.

Amerika ka nevojë për Qualcomm për të rritur kërkimin dhe hulumtimin në 5G, thotë administrata e Trump.

Nëse gjigandi Amerikan i çipeve humbet terren, prodhuesit Kinez do ti zinin vendin në tregjet globale.

Kjo do të ishte një goditje e rëndë për inovacionin Amerikan sepse tregu do të gjunjëzohej përballë harduerëve të huaj. Më e keqja, Pekini do të kishte avantazh në zbulimin e dobësive të sigurisë së 5G-së të cilat mund ti shfrytëzonte për të përgjuar Amerikanët.

Çka e bën situatën rreth 5G-së edhe më të ndjeshme është se çipet e Qualcomm do të gjendeshin në çdo pajisje që kërkon akses në internet.

Kështu SHBA-të do të kishin përballë një rrezik edhe më të madh sesa softueri. Zbulimi i problemeve të sigurisë Spectre dhe Meltdown këtë vit, ishte një goditje e rëndë për pothuajse çdo pajisje kompjuterike në botë e procesorë Intel, AMD dhe ARM.

Sapo të fillojë adoptimi, 5G-ja do të nisë një revolucion në komunikim. Nëse 4G-ja u mundësoi njerëzve akses në video të standardeve të larta, 5G-ja mund të mbahet mend si teknologjia e dronëve, robotëve dhe makinat autonome.

Standardi i ri është 10 herë më i shpejtë se 4G-ja dhe ngecjet e videove do ti përkasin së kaluarës përgjithnjë.

Implementimi masiv i 5G-së nuk do të fillojë deri vitin e ardhshëm. Samsung dhe Intel kanë prezantuar zhvillimet e tyre me këtë teknologji në Lojërat Olimpike Dimërore në Korenë e Jugut.

Megjithatë mbetet për tu parë nëse kompanitë Kineze do të lënë me gojë hapur Amerikanët. Tensionet janë shtuar së fundi mes Uashingtonit dhe Pekinit për çështje të tjera si tregtia dhe pronësia intelektuale.

Disa kompani Kineze tashmë kanë penetruar në Evropë por ende skanë fituar gjë në SHBA për shkak të shqetësimeve për sigurinë kombëtare.

Madje një ligj u soll në Kongres i cili ndalon të bërit biznes mes qeverisë Amerikane dhe dy gjigandëve Kinezë Huawei dhe ZTE.

ZTE u gjobit me 1.19 miliardë dollarë nga Departamenti Amerikan i Tregtisë një vit më parë pasi u shpall fajtor për shkeljen e sanksioneve Amerikane ndaj Iranit dhe Koresë së Veriut.

Huawei nuk e ka pasur aspak të lehtë. Kompania prej vitesh përpiqet të shesë pajisje për operatorët Amerikanë të cilët vazhdimisht kanë refuzuar të shesin telefonët e tyre.

Huawei dhe ZTE me këmbëngulje thonë se janë të pavarur nga qeveria Kineze. Por kompanitë Kineze, veçanërisht ato me rëndësi strategjike në sektorë si ai i telekomunikimit, kanë punuar vazhdimisht me autoritetet Kineze.

Kjo marrëdhënie e afërt ka ngritur alarmin në perëndim.

Muajin e kaluar, ligjvënësit dhe inteligjenca Amerikane paralajmëruan Senatin gjatë një dëgjese se Kina ishte përpjekur të vidhte teknologjinë dhe pronësinë intelektuale Amerikane duke përdorur kontaktet me universitetet, sipërmarrjet e përbashkëta dhe firmat e telekomunikacionit si Huawei dhe ZTE.

Ende, disa analistë janë të bindur se rreziku i një marrëveshjeje mes Qualcomm dhe Broadcom është ekzagjeruar.

Një prej arsyetimeve pse administrata Trump rrëzoi marrëveshjen ishte se Broadcom nuk ka shprehur interes për të investuar në 5G në një plan afatgjatë.

Narrativa se Broadcom nuk ishte i interesuar për të investuar në 5G është një ezkagjerim, shprehej analisti i Gartner Mark Hung. “Investimi në 5G sjell përfitime kolosale për çdo kompani e cila përfshihet. Të thuash se Broadcom do të blinte Qualcomm për të mos investuar në 5G është marrëzi,” vijoi ai.

Broadcom kishte premtuar të investonte bujshëm në 5G. 1.5 miliardë dollarë do të financoheshin për trajnuar inxhinierët Amerikanë në këtë drejtim.

Qualcomm nuk është e vetmja kompani Amerikane nga e cila pritet avancimi drejt 5G-së. Intel, njëherazi edhe rivali më i madh, është duke zhvilluar çipe 5G.

Por Qualcomm ka një avantazh në botën mobile ku procesorët e kompanisë gjenden në shumicën e telefonëve Android dhe iPhone.

Aplikimet për patenta të reja tregojnë se kompanitë Kineze po punojnë po aq sa ato Amerikanet, në mos më shumë.

Statistikat e fundit nga Organizata e Ndërkombëtare e Pronësisë Intelektuale tregon se ZTE është lider në botë për porfofolin e gjërë të patentave që zotëron.

Kompania numëron 4,123 patenta në 2016-ën, një rritje me 91% nga një vit më parë. Huawei vjen në vendin e dytë me 3,692 patenta ndërsa Qualcomm në vendin e tretë me 2,466 patenta.

Një përpjekje e madhe nevojitet për të kaluar në rrjetet 5G, i cili pritet të shndërrohet në një standard global. Standardi është themeluar nga një organizatë ndërkombëtare e quajtur 3GPP.

Ndryshe nga paraardhësit ku shtrirja ndryshonte nga një vend tek tjetri, pajisjet me 5G do të komunikojnë me njëra tjetrën në rang global.

“5G-ja do të ndryshojë rregullat e lojës,” thotë Hung i Gartner. “Por sasia e investimeve që nevojiten tregon se e gjitha kjo nuk ka për të ndodhur brenda natës. Do të duhen vite zhvillim në infrastrukturë.” /PCWorld Albanian

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending