Connect with us

Ekskluzive

Arrin telefoni që ju mbron nga spiunimi

Arrin telefoni që ju mbron nga spiunimi

Kompania e sigurisë kibernetike DarkMatter ka zbuluar telefonin e teknologjisë së lartë, i cili është në gjendje të shkatërrojë vetvetiu mesazhet dhe të mbrojë njerëzit nga spiunimi në kamerë dhe mikrofon.

Telefoni më i sigurt në botë KATIM është prezantuar në Kongresin botëror të telefonave mobilë në Barcelonë.

Ai ka ekran 5.2 inç dhe mund të duket si një pajisje Android, por është i pajisur me funksione të sigurisë me teknologji të lartë.

Pajisja është e pajisur me teknologji të avancuar të enkriptimit që e bën të pamundur për ta spiunuar.

DarkMatter duket se ka marrë inspirim nga filmi klasik “Mission:Impossibe”, në të cilin Tom Cruise dhe personazhet tjera përdorin telefona, të cilët janë në gjendje të dërgojnë mesazhe sekrete dhe të vetëshkatërrohen menjëherë, transmeton KosovaPress.

Telefoni KATIM nuk eksplodon nëse vidhet nga hajnat, por ai posedon një funksion të tekstit që i bën të gjitha mesazhet të vetëshkatërrohen pas një kohe të caktuar.

Njësoj sikur Snapchat, mesazhet do të zhduken pasi ato të jenë lexuar, duke siguruar se vetëm ju mund t’i shikoni ato.

Hakerët ose spiunët për të fituar qasje në këtë pajisje duhet të thyejnë çelësin e pajisjes, i cili është i ruajtur në kartelën microSD, e cila nuk punon në telefonat tjerë.

Po ashtu, edhe të dhënat tjera kredenciale të përdoruesit janë të ruajtura në microSD.

Pronarët e KATIM duhet të përdorin autencitetin me dy faktorë për të hapur telefonin e tyre.

Kompania tha se të gjitha këto funksione janë vendosur për të lënë thyerjen në të kaluarën.

Por, njëra nga funksionet më intriguese të KATIM është metoda “Shield mode”, e cila çaktivizon mikrofonin, kamerën, Bluetooth dhe sensorët e lëvizjes për të parandaluar njerëzit që të spiunojnë në bisedat tuaja.

“Nëse jeni në një takim të sigurt, ose takim konfidencial sikurse biznesi, ju jeni duke arritur një marrëveshje sekrete, ose nëse qeveria ka një takim sekret që i përket kësaj natyre, ju gjithmonë do të gjeni se njerëzve iu kërkohet të lënë telefonat e tyre jashtë takimit”, tha kryeshefi ekzekutiv i DarkMatter, Fisai Al Bennai.

“Kjo ndodh për shkak se ju nuk mund t’i besoni askujt, pasi super agjencitë janë në gjendje të ndezin mikrofonin derisa ju jeni në dhomë”, shton ai.

Funksioni mund të lëshohet duke shtypur butonin në anën e telefonit. Metoda Shield mbron telefonat nga kërcënimet në nivelin e harduerit, por KATIM ka po ashtu nivelin e softuerit për enkriptim, i cili fillon nga ndezja e telefonit e deri në lansimin e aplikacioneve në pajisje.

DarkMatter kishte lansuar prototipin e këtij telefoni vitin e kaluar në Kongresin botëror të telefonave mobil, por kishte pritur deri në vitin 2018 për të bërë të vlefshëm versionin komercial.

Kompania thotë se telefoni KATIM është i dizajnuar për zyrtarët e rëndësishëm qeveritarë, të cilët kanë informacione të ndjeshme sekrete në baza ditore.

Kjo përfshin shefin e shtetit, korporatat dhe departamentet e mbrojtjes.

KATIM dallon nga telefonat tjerë që gjenden aktualisht në treg, si për shembull Blackphone nuk i lejon përdoruesit të posedojnë çelësin e kriptimit.

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending