Connect with us

Ekskluzive

Amazon rrëmben kurorën e kompanisë më me vlerë në botë

Amazon rrëmben kurorën e kompanisë më me vlerë në botë

Amazon është titani më i fundit i teknologjisë që mori kurorën e kompanisë më me vlerë në botë.

Vlera e kompanisë arriti në 795 miliardë dollarë duke u bërë hera e parë që kompania fiton këtë titull.

Amazon i dha fund sundimit disa javor të Microsoft që mbylli ditën në 785 miliardë dollarë.

Gjiganti i softuerit Apple e humbi këtë pozicion në fund të muajit Nëntor dhe shqetësimet për rënien e shitjeve të iPhone bërë që kompania tash, të renditet vetëm e katërt në botë pas Google.

Ky i fundit vlerësohet me 745 miliardë dollarë.

Rritja e vlerës së aksioneve të kompanisë ditën e Hëne vjen pasi ekziston shpresë për dialog mes Uashingtonit dhe Pekinit për luftën tregtare.

Javën e kaluar aksionet e kompanisë u rritën me 8.5%.

Megjithatë në tre mujorin e fundit kompania ka humbu 25% të vlerës, rënia më e madhe në një dekadë.

Në Tetor kur Apple u vlerësua me 1.1 trilion dollarë, Amazon arriti deri në 1 trilion dollarë.

Megjithatë katër të parët janë tepër të mëdha për pjesën tjetër. Në vendin e pestë vjen Berkshire Hathaway i Warren Buffet me një vlerë tregu prej 485 miliardë dollarë.

Facebook që ka humbur vlerë për shkak të skandaleve që kanë përfshirë vjen në vendin e gjashtë.

JP Morgan Chase dhe Johnson & Johnson kanë vlerë prej 350 miliardë dollarësh. Walmart 300 miliardë dollarë.

Dominimi i Amazon, Microsoft Apple dhe Google
Dominimi i Amazon, Microsoft, Apple dhe Google në një treg të paqëndrueshëm qëndron tek aftësia e tyre për të tronditur industritë e vjetra dhe krijuar të reja duke gjeneruar miliardë dollarë fitim.

Sidomos Amazon është zgjeruar në disa industri nga reklamimi tek pajisjet elektronike që kontrollohen me zë e deri tek krijimi i përmbajtjeve.

Amazon dëshiron të ofrojë në shtëpitë tona çdo gjë që kemi nevojë por gjiganti i e-commerce përballet me vështirësi nëse do të bëhet perandoria që synon.

Këto katër të mëdhenj e nisën shumë ndryshe rrugëtimin e tyre: Amazon si e-commerce, Apple me kompjuterë dhe smartfonë, Alphabet me kërkimin në internet dhe Microsoft me softuerë konsumatorë dhe biznesi.

Me kalimin e kohës jo radhë herë i kanë hyrë në hise njëri tjetrit në përpjekje për të ofruar çdo gjë.

Amazon, Microsoft dhe Google janë lojtarë madhorë në ofrimin e shërbimeve cloud që Amazon e shpiku 12 vite më parë.

Gartner parashikon që ky sektorë të gjenerojë 65.9 miliardë dollarë në 2021 ndërsa në 2017-ën ishte 25.3 miliardë dollarë.

Ishte aftësia e Microsoft për të mbajtur konsumatorët me softuerë bazuar në cloud siç është rasti i Office që mbajti të gjallë optimizmin tek investitorët e Wall Street por edhe në një linjë me konkurrentët.

Sot është kompania numër dy në infrastrukturën cloud pas pionerit Amazon.

Google është i katërti dhe së fundit ka ndryshuar bosin e këtij departamenti. Edhe pse Apple nuk shet shërbime cloud, vlerësohet që nga iCloud merr 3 miliardë dollarë të ardhura.

Google nga ana tjetër biznes kryesor ka reklamimin ku Microsoft gjithashtu konkurron. Por Amazon ka ndërtuar një perandori duke përdorur dyqanin online.

Së bashku prodhojnë pajisje të ndryshme nga iPhone tek Chrombook tek Surface dhe Kindle dhe secila prej pajisjeve ka një qëllim tu shesë shërbime dhe softuer përdoruesve.

Në veçanti strategjia në fjalë ka ndihmuar Apple të zgjerojë biznesin e shërbimeve në 37 miliardë dollarë në 2018-ën ndërsa shitjet e iPhone po bien.

Edhe Microsoft që është distancuar nga biznesi i pajisjeve mobile ka ndërtuar një biznes hardueri fitimprurës si Surface apo konsolat Xbox.

Gjigandët e teknologjisë gjithashtu konkurrojnë për hapësirën e re të inteligjencës artificiale, makinave me sistem vetëdrejtimi dhe asistentëve dixhitalë.

Secila prej tyre prodhon një altoparlant që kontrollohet me zë ku në rastin e Microsoft softueri i tij përdoret në harduerë të të tjerëve.

Beteja e tyre për supremaci ka bërë që investitorët të jenë më guximtarë se asnjë herë më parë.

Sipas analistëve pavarësisht se në tre mujorin e fundit të 2018-ës pati një frikë për ngadalësim të tregjeve, optimizmi i ri i ka shuar ato. /PCWorld Albanian

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending