Connect with us

Ekskluzive

5 trendet kryesore të smartfonëve në 2019-ën

5 trendet kryesore të smartfonëve në 2019-ën

2018-ta ishte vit i keq për smartfonët. Për herë parë rritja ndaloi. Gjërat filluan keq që nga fillimi i vitit kur Gartner publikoi të dhënat të cilat tregonin rënien e parë nga vit në vit që kur filloi të analizonte këtë treg.

As Apple nuk ishte imune ndaj këtij trendi negativ dhe analisti i njohur i iPhone, Ming-Chi Kuo vazhdimisht ndryshonte parashikimet e shitjeve për 2019-ën.

E thënë thjeshtë njerëzit nuk gjejnë dot arsye për të ndryshuar smartfonin e tyre nga viti në vit sepse avancimet në teknologjinë janë reduktuar ndjeshëm.

Megjithatë 2019-ta premton shumë dhe prodhuesit përveç kamerave më të mira do të kenë hapësira të tjera për të elaboruar me produktet e reja.

Vitin e ardhshëm priten ndryshime radikale së bashku me gjeneratën e re celulare të rrjeteve.

5G-ja


Premtimet dhe parashikimet kanë nisur që tre mujorin e fundit të 2018-ës për 5G-në. Shumë prodhues kanë premtuar telefonët e parë me këtë teknologji si OnePlus dhe LG.

Samsung gjithashtu raportohet se 5G-në do ta sjellë me Galaxy S10-ën.

Operatorët celularë gjithashtu po përgatiten për lançimin e rrjeteve të para komerciale.

Kësaj liste i mungon Apple kompani e cila do të shtyjë debutimin e teknologjisë tek iPhone për në 2020-ën.

Telefonët me ekran që palosen

Tashmë i kemi parë dy të tillë. Samsung demonstroi në Nëntor telefonin me ekran që paloset por përtej një prezantimi në skenë nuk pamë gjë tjetër për një produkt që premtohet që nga 2013-ta.

Google ka bashkëpunuar me Samsung gjithashtu për të krijuar një Android që i përshtatet këtyre telefonëve.

Huawei dhe Oppo gjithashtu kanë premtuar telefonët e parë me palosje vitin e ardhshëm.

Një prototip të mrekullueshëm e pamë edhe nga Royole dhe quhet FlexPai.

Telefonë me kamera nën ekran

Për mirë apo për keq, që nga debutimi i iPhone X, “notch” është shndërruar në një trend për flagshipët e çdo prodhuesi Android.

Praktikisht të gjithë kanë përqafuar këtë dizajn me përjashtim të Samsung. Madje edhe Google me Pixel 3 XL, edhe pse “notch” i këtij të fundit i kritikuar.

Në Dhjetor një trend i ri mori jetë, ai i kamerave nën ekran. Dy telefonë mbërritën, Samsung Galaxy A8s me ekranin Infinity-O dhe Huawei Nova 4.

Një tjetër telefon Huawei me këtë dizajn debuton në Janar.

Skanerët e shenjave të gishtërinjve nën ekran

Në përpjekje për të rritur sa më shumë madhësinë e ekranit dhe reduktuar kornizat anësore, prodhuesit ka hequr çdo gjë nga pjesa ballore që nga butonët fizik apo kapacitiv deri tek skanerët e shenjave të gishtërinjve që janë zhvendosur në pjesën e pasme të telefonëve.

Oppo ishte i pari që solli një telefon me skaner të shenjave të gishtërinjve nën ekran vitin e kaluar, ndërsa OnePlus e solli për masat dhe funksionon për mrekulli.

Samsung Galaxy S10-ta pritet të sjellë këtë teknologji në Shkurt dhe nuk do të çuditemi të shohim edhe prodhues të tjerë ta bëjnë.

Kamerat

Sa kamera mendoni se duhet të ketë një smartfon? Dy? Tre? Katër? Por për pesë si thoni? Nokia thuhet se është duke zhvilluar një model të tillë.

Këto pyetje bëjnë çdo ditë prodhuesit e telefonëve në përpjekje për të bërë diferencën me fotografi.

Kamerat e smartfonëve janë përmirësuar ndjeshëm vitet e fundit. Një ekzemplar i një telefoni me kamër spektakolare është LG V40 ThinQ me tre të pasme të cilët kanë edhe zmadhim optik 2x.

Gjithashtu është rritur prezenca e inteligjencës artificiale dhe “machine learning” për të përmirësuar shkrepjen sidomos të portreteve.

Në fokus të 2019-ës me kamerat do të jetë performanca në dritë të pakët dhe cilësia e zmadhimit. /PCWorld Albanian

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending