Connect with us

Ekskluzive

5 karakteristika dalluese të ICO-ve mashtruese

5 karakteristika dalluese të ICO-ve mashtruese

Crowdfunding, një praktikë e financimit të një projekti të caktuar nga një numër i madh përdoruesisht kryesisht nga interneti, ka ndryshuar kuptimin për financimin në tërësi e veçanërisht në botën e kriptomonedhave.

Për të lançuar një projekt njerëzit nuk kanë pse të ndjekin procedurat e zakonshme burokratike. Megjithatë mundësitë të reja sjellin sfida të reja, dhe të tilla janë mashtrimet me ICO-të.

Ndërsa financime të tilla kanë ndihmuar nismëtarët e projekteve të përmbushin ëndrrat e tyre, projektet ICO janë bërë aq të zakonshme saqë vështirë se kalon një javë pa u lançuar një ICO e re.

Është bërë shumë e vështirë të dallosh një ICO të vërtetë nga një mashtrim.

Për të adresuar rrezikun e ICO-ve të rreme, projekte si Wings Platform janë zhvilluar. Edhe pse ende në fazë ndërtimi, me platformën anëtarët mund të parashikojnë suksesin e një projekti ICO.

Kështu investitorët gjithashtu do ta kenë më të lehtë ti vlerësojnë ICO-të pa pasur nevojë për një palë të tretë e cila mund ta verifikojë.

Megjithatë Wings është ende në zhvillim dhe shumë projekte mund të përzgjedhin të punojnë jashtë platformës, sidomos nëse kanë diçka për të fshehur.

Mbetet shumë e rëndësishme për komunitetin e blockchain në tërësi dhe investitorët në veçanti të identifikojnë projektet e vërteta nga ICO-të mashtruese.

Ndërsa nuk ka një metodë fikse për përcaktimin e projekteve të suksesshme, ICO-të jo autentike kanë disa tipare që i dallojnë nga ato të vërtetat.

Këto janë karakteristikat kryesore të ICO-ve mashtruese që investitorët duhet ti shmangin nëse nuk duan të humbasin para.

Nuk kanë një axhendë të qartë
E thënë ndryshe nuk kanë objektiva realiste. Projektet start-up natyrisht janë ambicioze, por kur një projekt gjashtë mujor kërkon të ngrejë një financim prej mëse 1 milion dollarë në tre muaj, kjo lë shumë hapësira për dyshime.

Projektet e vërteta ICO kanë objektiva realiste dhe sqarojnë mënyrën jo vetëm sesi do gjejnë financimin por edhe si ta përdorin.

ICO-të mashtruese premtojnë më shumë se çmund të realizojnë. Nëse hasni një projekt ICO i cili thotë se sjell vetëm fitim, që do të eliminojë varfërinë në botë, të zëvendësojë internetin apo të sjellë 10,000% fitim, mendohuni dy herë.

Nuk japin informacion për drejtuesit
Përpara se të mbështesni një projekt ICO, kërkoni të mësoni se kush fshihet pas saj. Në shumë raste mashtruesit përdorin foto të personave që nuk kanë fare lidhje me ICO-në.

Do të shokoheni kur të mësoni se emrat e themeluesve nuk ekzistojnë as në Linkedin, Facebook, Twitter apo Instagram. Ky është një indikator i qartë i një projekti mashtrues ICO.

Një tjetër detaj me rëndësi është kredibiliteti i themeluesve. Së pari duhet të kërkoni informacion për profilet dhe arritjet e tyre. Forumet online si Bitcoin Talk dhe Reddit japin informacione të besueshme.

Gjeni personat që kanë komunikim me ta të cilët rekomandojnë shërbimet e tyre.

Raporte boshe
Raportet teknike janë pasqyra e një projekti ICO. Jo vetëm që detajon apektet teknike por edhe problemet që kërkon të zgjidhë dhe sesi platforma funksionon specifikisht.

Zakonisht dokumentet e tyre përmbajnë tabela, grafikë, përllogaritje, simulime e shumë të tjera.

Raportet e ICO-ve mashtruese thjesht përmbajnë fjalë të bukura, pretendime boshe dhe premtime të parealizueshme. Nëse një raport i një ICO-je nuk përmban detaje teknike por ofron vetëm përshkrime të bukura, është momenti që të distancoheni prej tij.

Dorëzanë të falsifikuar
Përdorimi i dorëzanëve në një projekt blockchain sjell besim tek njerëzit e përfshirë me shpresën se fondet e tyre janë të sigurta deri në finalizimin e projektit sipas pritshmërive të tyre.

Sjell besim mes shitësit dhe blerësit ku blerësi dërgon paratë vetëm pasi ka marrë produktin. Megjithatë disa shërbime dorëzani janë të falsifikuara.

Duhet të siguroheni se ICO-ja juaj e preferuar ka një dorëzanë të besueshëm. Është me rëndësi të verifikohet mënyra e kalimit të fondeve. ICO-të mashtruese kërkojnë lirimin e fondeve gjatë fazës së zhvillimit ndërsa ata të vërtetat vetëm pas finalizimit dhe implementimit të projektit.

Ekipi pas projektit ICO
Ekipi pas një projekti ICO punon në bashkëpunim me themeluesit për të arritur objektivat e tij. Pjesë e tij janë CEO, CTO, CFO, Menaxheri i Projektit dhe drejtues të tjerë.

Gjithnjë sigurohuni se keni verifikuar ekipin pas projektit dhe cilave fusha u përkasin. Tregohuni të kujdesshëm sepse ata mund të përdorin foto të njerëzve dhe personaliteteve të famshëm.

Projektet e besueshme kanë të paktën një person i cili është i njohur për komunitetin e kriptomonedhave.

Eksploroni profilet në rrjetet sociale

Për të krijuar një përshtypje rreth ekipit të një ICO-je eksploroni në rrjetet sociale dhe forumet. Kontrolloni kur llogaritë janë hapur dhe nëse profilet janë reale.

Disa platforma ofrojnë informacione të dobishme për të verifikuar dhe konfirmuar indentitetin e anëtarëve të një ICO-je. Një rast i mirë është Bitcoin Talk i cili ka një faqe besimin dhe veçori të tjera verifikimi.

Së fundi

ICO-të mashtruse janë kërcënimi më i madh për përdoruesit e projekteve bazuar në blockchain. Ndërsa industria zhvillohet, ashtu edhe mjetet e duhura për të adresuar kërcënimin në fjalë.

Aktualisht të qëndruarit i vëmendshëm është arma më e rëndësishme për investitorët që nuk duan të humbasin para. /PCWorld Albanian

Continue Reading
Click to comment

Leave a Reply

Your email address will not be published. Required fields are marked *

Ekskluzive

Ja tarifa që u pagua për transferimin e 1.1 miliardë dollarëve në Bitcoin

Ja tarifa që u pagua për transferimin e 1.1 miliardë dollarëve në Bitcoin

Një balenë kritpografike zhvendosi 1.1 miliardë dollarë në Bitcoin duke paguar një tarifë transaksioni prej vetëm 83 dollarësh.

Transaksioni i cili u realizua më 14 Janar shikoi 124,946 bitcoin të zhvendosen për një tarifë prej 0.0096 për bitcoin.

Edhe pse arsyet e kësaj transferte nuk dihen, një përdorues i Reddit pretendon se erdhi nga një portofol i ftohtë në Bitfinex. Andaj mund të jetë thjeshtë një shkëmbim ose rialokim i parave.

Nuk është hera e parë që transaksione të kësaj magnitude realizohen. Në Shtator u raportuar se një tjetër balenë zhvendosi 94,504 bitcoin duke paguar 700 dollarë. atë kohë kjo sasi bitcoin kalonte 1 miliardë dollarët.

Pavarësisht se kriptomonedha është ende larg adoptimit në masë, transaksione të tilla vetëm nxjerrin në pah një prej aspekteve më pozitive dhe pikave më të forta të kriptomonedhave, diçka e cila nuk ka për tu pranuar kurrë nga bankat. /PCWorld Albanian

Continue Reading

Ekskluzive

Çfarë është politika e re e privatësisë së Google dhe pse është e rëndësishme?

Çfarë është politika e re e privatësisë së Google dhe pse është e rëndësishme?

Google tha se së shpejti do të implementojë disa standarde të reja privatësie të cilat do të kufizojnë përdorimin nga palët e treta të një mjeti dixhital të njohur si “cookie.”

Këto mjete përdoren për të gjurmuar aktivitetin në internet të përdoruesve duke ndihmuar publikuesit të shënjestrojë audienca të caktuara me reklama.

Firmat teknologjike janë përballur me presione kohët e fundit pas thyerjeve të ndryshme të sigurisë. Por analistët besojnë se lëvizja e fundit i jep Google më shumë kontroll mbi tregun e reklamave ku aktualisht është një lojtar madhor.

Alphabet, kompania mëmë e Google, shumicën e të ardhurave i gjeneron nga reklamimi. Për ta bërë reklamimin më të personalizuar, shfletuesit grumbullojnë sasi të vogla informacioni me të cilat mund të krijojnë profile të pëlqimeve dhe sjelljeve online të përdoruesit.

Çfarë janë “Cookie-t”?

Cookie-t janë mjete dixhitale nëpërmjet të cilave gjurmohet aktiviteti në internet i përdoruesit. Kjo pjesëz e vogël të dhënash ruhet nga shfletuesit si Google Chrome dhe Apple Safari ndërsa përdoruesit shfletojnë në ueb.

Ata regjistrojnë informacione si uebsajtet që kemi vizituar, gjërat që i kemi ruajtur në një shportë blerjesh online apo informacione të vendosur nëpër formularë të ndryshëm online si emra dhe fjalëkalime.

Kompanitë përdorin këto të dhëna për të mësuar më shumë rreth përdoruesve në internet. Publikuesit e uebit i përdorin për të mësuar çfarë reklamash duhet ti dërgojnë një personi të caktuar.

Politika e re e njohur si “sandbox-i i privatësisë” do të thotë se palët e treta që shesin reklama duhet të kërkojnë informacionin përmes Google rreth përdoruesve dhe audiencave që synojnë të shënjestrojnë.

Por kritikët thonë se ky është një avantazh për Google dhe e bën tregun më pak të konkurrueshëm dhe më pak të sigurtë.

Apple ndërmori hapa për të kufizuar aksesin e Cookie-ve dhe rritur privatësinë në 2017-ën me bllokues inteligjentë gjurmimi përdorur nga shfletuesi Safari.

Menjëherë pas lajmit vlera e aksioneve të kompanive të kësaj industrie ra. Google tha se politika e re do të implementohet në dy vitet e ardhshme ndërsa ky plan është bërë i ditur që prej Gushtit 2019.

Cookie-t janë përdorur nga shfletuesit prej mëse dy dekadash por sulmet e fundit të sigurisë kanë shtuar shqetësimet rreth sasisë së të dhënave që këto mjete dixhitale grumbullojnë. /PCWorld Albanian

Continue Reading

Ekskluzive

Në 2019-ën u shpenzuan 120 miliardë dollarë në aplikacione e lojëra

Në 2019-ën u shpenzuan 120 miliardë dollarë në aplikacione e lojëra

Industria e aplikacioneve mobile gjeneroi mbi 100 miliardë dollarë të ardhura në 2020, një rritje e konsiderueshme krahasuar me 86 miliardë dollarë në 2019-ën sipas App Annie.

Këto statistika App Annie i publikoi si pjesë e raportit State of Mobile 2020 i cili tregon impaktin e mobilitetit në ekonominë globale.

Bazuar në të dhënat e tij, mësuam se lojërat gjenerojnë 72% të shpenzimeve në dyqanet e aplikacioneve. Shpenzimet e lojërave mobile ishin 2.4 herë më të larta sesa ato në lojërat për PC dhe Mac dhe 2.9 herë sesa në konsola.

Shkarkimet globale ishin 204 miliardë në 2019-ën, 45% më shumë sesa tre vite më parë dhe 6% krahasuar me 2018. Në total u shpenzuan 120 miliardë dollarë në 2019-ën ku mesatarisht çdo përdorues kaloi 3.7 orë në ditë në pajisje mobile. Deri më 2023, App Annie tha se industria mobile do të kontribuojë 4.8 trilionë dollarë në GDP globale.

App Annie vuri theksin tek kompanitë si Uber dhe Alibaba të cilat janë të fokusuara vetëm në pajisjet mobile dhe patën një IPO deri në 6.5 herë më shumë sesa kompanitë pa fokusin në pajisjet mobile.

Reklamuesit pritet që në 2020 të hedhin 240 miliardë dollarë të ardhura, 26% më shumës esa në 2019. Së fundi abonimet përbënin 95% të të ardhurave. /PCWorld Albanian

Continue Reading

Trending